1 PETER 2:8 - Kathara Bible (BSI)

⁸ Khangateilila hithada kapihaili: “Mibingli phei ngaphok ngasakki kaji lunggui, athumli konglui ngasakki kaji lunghār” kaja athumna kahāng makhanganāwui vang phei ngaphoka; chi Varewui kaphaningna.

1 PETER 2:8 Iomraidhean Croise

JOBWUI LAIRIK 23:14

Kaja iwui vang ngarānmi kahai chi ana kupsangmira, kala chikathā kachungkha awui ningli lei.

SHONGZĀ 9:16

kha hiwui vang ina nathumli ringkhangasakna, iwui pangshap nathumli chitheida, okathui katongali iwui ming ngayaovāra.

ISAIAH 37:26

“Ina rilak eina machuk kahaina kaji na mashārangla? Arui ina sāda khalei hi ina rida ngarān kahaina, chiya ngaziplak eina sākahai keinung chi sakhaikachuptāda akha̱ samihaora.

ISAIAH 57:14

Kala hithāda hāngra, “Sakālu, sakālu, shongfa ngarānlu, iwui mibingwui shongfali makhārkaphin khalei saikora khuithuihaolu.”

ISAIAH 8:14

Kala ana katharapam ngasāda, nganingkakham lunggui, Israelwui shimkhur khaninili phei ngaphok khavai lunghar, kala Jerusalemwui mibingli mankhavai khalen ngasāra.

LUKE 2:34

kala Simeonna somida ava̱va̱ Maryli hānga, “Yanglu, angangnao hi Israel kachungkha konglui khavai kala ngakarthui khavai, kala hānghaikasawui khudam sāda kapangkhui kahaina

ROMNAO 9:22

Kala Varena kasā chila hithāpapama. Varena awui malungkhavāt chishotta mibingli awui pangshap theingasakngai, kha sāshimān khavai ngarānping kahai, ana malungvāt kahai mibingli kasāngkha ningzingharingmi.

1 CORINTHNAO 1:23

Kha krushtungli shaoshān kahaia Khrista chi ithumna hākashokna, chi Jihudibingwui vanga phei ngaphok khavaiwui chānpaona kala Gentilebingwui vanga mangkhama̱ ngasāhaowa.

2 CORINTHNAO 2:16

Shimān kahai athumli ithum hiya kathinganam kathāna, khangateibingwui vang kharingwui anganamna. Chithākha khipāna sararrakhala?

GALATIANAO 5:11

Kha iwui vanga, ivānaongarā, ahui rimshokphalungra da ina pao hāshokakha ili khiwui vang eina aruila rekharekchingda khaleikhala? Chi mashungsāsi kaja ina Khristawui krushwui pao hākashok hina khikha kahap maleimara.

1 THESSALONICANAO 5:9

Varena ithumli awui malungkhavāt samphang khavai kapangkakhui maningmana, kha Proho Jishu Khristawui mangā eina kahui samphang khavai kapang kakhuina.

1 PETER 2:6

Hithada kapihaida lei; “Yanglu, aman kasaka ngalung akha ina kapangkhui, kala Zionwui akhoka sāda shunhai; ali shitkasangbing ning makatatlakmara.”

1 PETER 2:7

Ali shitkasangbingwui vanga aman saklaka; kha mashitkasangbingwui vanga kapi kahai hithada: “Makānāmana, da shim kasaana horkahai ngalung chi phāmeikap kaje akhoka ngasāhaowa.”

2 PETER 2:3

Karāmhaoda minama ojābing hina nathumli athumwui ningkap eina semkakhui khararchān chieina kateizāra, kaja hikathā mibing hiya shimānphalungra kaji hi achālakhawui eina hāngmarān kahaina, kha atam kasha̱nakhawui vang mashimānki kaji thasālala athum chiya shimānphalungra.

JUDE 1:4

Ithumwui Akhavā Proho Jishu Khristali makhamayā kala athumwui morei thumkhavai Varewui lukhamashan otli nguida tamkachithei ithumwui alungli rāngathizanghaira. Athumwui khayon otsak hi achālakha kathara tuili kapihaisai.