1 PETER 2:5 - Kathara Bible (BSI)

⁵ Nathum khalatta kharinga lunggui ngasāda manglāwui shim sākālu. Kathara pāngmon ngasā khavai Jishu Khristawui mangā eina Varena khuisangkapai manglāwui hanphut chigatlu.

1 PETER 2:5 Iomraidhean Croise

1 WUNGNAOBING 7:11

Chiwuitungli aman kasak ngalungbing cedarthing chila nāp onkazaklaga hātkakhuimānga.

LAA 141:2

Iwui seihā kasā nganamkaphā ot thāda namangāli shānkhuimilu, kala ngazinshongwui pha̱kaphayā thāda ipāng khāngkakā!

LAA 50:14

Ningkashiwui pha̱kaphayā Vareli chigatlu, Juimeikap kachipāli nana khangashit sākahai chi milu;

LAA 50:23

Ningkashi pha̱kaphayā sāda khuikharābing ili khayākashina; apong mashungrik kahai chili ina Varewui huikhami chitheira!”

SHONGZĀ 19:6

kala iwui vang nathum pāngmonwui wungram kala kathara yur sāra. Israelnaobingli nana hāngki kaji tui chi hina.”

CHĀNSAM 9:1

Thangmeina awui shim sākhui, ana awui pākra̱ shini shunhaira.

ISAIAH 61:6

Kha nathumle Prohowui pāngmonbing hora, nathumli Varewui otram khangatha̱bingna da mibingna ngazekra; yurbingwui lan nathumwui kashakazā sāra, athumwui kashāng chi eina nathumna hekmaheira.

ISAIAH 66:21

Athum kaikhali pāngmon kala Levibing sākhavai ina kapangkhuira da Prohona hānga.

HOSEA 14:2

Nawui tui khuiphunglaga Proholi latungda ali hānglu, “Khayon-khamāng khuithuiserhaolu, kaphā chi khuimilu, kala ithumwui morchaiwui athei che ithumna phungra.

MALACHI 1:11

Khikhalajila zimik kashok eina thuilaga katun eina tangda yurbingwui ngachaili iwui ming hakkhamahāna, kala apam kachida nganamkaphā thao chi iwui mingli chigata, kala kathara kachigat mi; khikhalajila yurbingwui ngachaili iwui ming hakkhamahāna da saikorawui Prohona hānga.

ROMNAO 12:1

Chiwui vang eina ivānaongarā, Varena ithumli tarākha lumashankhamiwui vang ina nathumli hi poli kaja nathum khalatta Vareli ringchigat sāda chigatlu, otram khangatha̱li dharchigatta ali ningyāng ungngasaklu. Hi nana chigatkhangayiya khamashunga khokharum chilaka.

ROMNAO 15:16

Kaja Khristawui rao akha sāda Gentilebingli Varewui paokaphā tamchithei khavaiwui khamahai samphangda ina mangathumlakla kagapina. Gentilebingli Manglā Katharana dharchigatmihaida Varena khuisangkapai ngasāpai khavai pāngmon akha thada Varewui paokaphā hākashokli ina otram ngatha̱ya.

1 CORINTHNAO 3:16

Nathum khorumshimna kala Varewui Manglā nathumwuili lei kaji matheimalā?

1 CORINTHNAO 3:9

Kaja ithum Varewui vang otsakrumabingna kala nathumna Varewui luiyam kala shimna.

1 CORINTHNAO 6:19

Nathumwui phasā hi Varena khami Manglā Kathara nawui wuklungli pamkhavai khorumshimna da nathum matheimalā? Nathum hi nathum khalattawui maningmana kha Varewuina;

2 CORINTHNAO 6:16

Varewui khorumshim eina meoma̱ khi mayā khangarok leikhala? Khikhalajila ithum kharinga Varewui shimna. Varena hithada hānga, “Ina iwui mibingli ngasoda pamra kala athumli okthuirumra; I athumwui Vare sāra, kala athum iwui miyur sāra.”

GALATIANAO 6:10

Chiwui vang eina ithumna sāpaida leilakha mi saikorali kaphā sāmisersa, mataimeikapta shitkasang khangarumbingli sāmisa.

KHALATLUI 18:2

Achinā ngarāwui ngachaili athum shimlui maleimara; ana ngashit kahai athishurda, Prohohi athumwui shimluikatna.

PHILIPPINAO 1:11

Vareli tekmatei khavai kala masochikat khavai, Khrista Jishumāngna mikashap kaphā magunbing chi nathumwui mirinli pemtinghaora.

PHILIPPINAO 2:17

Nathumwui shitkasangwui pha̱kaphayā kachigatli iwui ashee heirorra jilala I ringphai, kala ina nathum saikorali mathānrumra.

PHILIPPINAO 4:18

Nathumna khami chi peida samphangserhaira, shapshaphaira. Epaphroditusnala nathumna khangachon chi khuirāmida ara khikha mavātlakmana. Hi Varewui mangāli khuisangkapai nganamkaphā pha̱kaphayā kathāna.

COLOSSIANAO 3:17

Kala nathumna ot kasāli nilala, tui khamatuili nilala Avā Vareli ningkashi mida otsak kachiva̱li Proho Jishuwui ming eina sālu.

1 TIMOTHY 3:15

Kalikha huihaisākha Varewui shimkhur kaja kharinga Varewui church, khamashungwui shimphunga kala pakra̱ chili mibingna kathada sāmameirakhala kaji nana theikhui khavai kagapina.

HEBREWNAO 3:6

Kha Khristana anaomayara sāda Varewui shim ningtongda mayonmi. Ithumna kachihān chiwui vang khanao eina tangda ninglumtur eina singtitakha, ithum awui shimna.

1 PETER 2:9

Kha nathum kapangkhui kahai miyur, wungnao sharva̱, kathara yur, Varewui mibingna. Tangkhamangwui eina kahorli thānshokta awui matakkhak kahai kahor chi hāshok khavai nathumli hokakhuina.

1 PETER 4:11

Pao hākashoka a china Varewui pao hāshokphalungra; otram ngatha̱mena Varena ali mikahai pangshap chieina ngatha̱phalungra. Chithada sāda katang makhavai tekhamatei Khristawui mangā eina Vareli masot mipaira. Amen.

1 PETER 4:17

Bichar sāki kaji atam chi rāhaira, kala bichar chi Varewui shimkhur mibingli rira, kala hi ithumwui eina haophokra jiakha, Varewui Paokaphāli mashitkasang athumwui akatang chi katharali?

PHONGKHAMI 1:6

Kala Vare, Avāva̱li otram ngatha̱ khavai ithumli pāngmonwui wungram sāmihaira. Jishu Khristali mashimānda tekhamatei kala pangshap ngasāranu. Amen.

PHONGKHAMI 20:6

Ringkhalui khareli kazang athum sokhami kala kathara ngasāranu! Chikathāwuitungli kakhane kathi china khipangshapkha maleimana kha athum Vare eina Khristawui pāngmon sāda athumna ali ngasoda zingkum thingkha mungrumra.

PHONGKHAMI 3:12

Khayuia chili ina iwui Varewui khorumshim pakra̱ akha sāngasakra; ana chiwui eina mangapākluimara kala ina awuitungli iwui Varewui ming kala kazingramwui eina iwui Varewui eina tāki kaji iwui Varewui keinung kadhara Jerusalemwui aming chi kapisangmira; kala iwui kadhara aming chila kapisangmira.

PHONGKHAMI 5:10

Vareli otram ngatha̱ khavai nana athumli pāngmonbingwui wungram akha semmi, kala athumna okathui hi mungra.”