1 PETER 2:4 - Kathara Bible (BSI)

⁴ Mikumona horkahai kha Varena kapangkakhuia aman kasaka lunggui Proholi rālu.

1 PETER 2:4 Iomraidhean Croise

ISAIAH 28:16

Chiwui vang eina Proho VAREna hithāda hānga: “Yanglu, Zionwui shimphungali akhoka sākhavai mayarkazak kahai, khamakanga kala makhangatha̱a lunggui shunhaira. ‘Shitkasang khangatarbing ningnganungkhunghai.’

ISAIAH 42:1

Yanglu, ina pangkhangasaka iwui rao, ina kapangkakhua, iningna kapena; ina iwui Manglā ali sangmihaira; yurbingli ana mashun khuirāmira

ISAIAH 55:3

“Khanāli shākhuingairareo ili rālu, manglā ringkhavai nganākhuilu; kala iwui makhangachei Davidli leikashiwui vang, nathumli iwui katang makhavai tuingashit akha sāra.

JEREMIAH 3:22

“Latunglu, shitkasang makhalei naomayara ngarā, nathumwui mashitkasang chi ina raimira.” “Yanglu, ithumna nali rāli, kaja na ithumwui Proho Varena.

DANIEL 2:34

Nana yangda leilakha, mipāng mazangla sākhaikashoka lunggui akhana mari eina ngalei khamanāt pheikhum chili rāchakza̱da chi akha̱ sāthuihaowa;

DANIEL 2:45

mipāng eina masākakhai lungguinaona marila, pithraila, lupāsāla, sinala sākazamser kahai nana kathei chithāda shokra. Hiwui thili khi rāra̱khala kaji reikhamatai Varena awungali chitheimihaira. Mang chi mangapatlakmara, kala kakhalat hi khamashungana.”

ZECHARIAH 3:9

Kaja yanglu, ina Joshuawui mangāli shunmi kahai lungguitungli, lunggui akhawui lungmai shini khalei chili, tui chi kapisanghaora da saikorawui Prohona hānga kala ngalei hiwui khayon chi thangkhawui alungli khuishokmihaora.

ZECHARIAH 4:7

O kahaka phungrei na khikhala? Zerubbabelwui mangāli na tampāk sāhaora; kala juimeikap kaje lunggui chi ana ‘Lukhamashan, lukhamashan’ da vaolaga khuirāra.”

MATTHEW 11:28

“Iwuili rālu, kachota kala otphun kharit kaphungbing saikora; ina nathumli ngasāmkhui ngasakra.

MATTHEW 12:18

“Yanglu, ina kapangkhui kahaia rao, iwui khaluma kala ina ningyāngkhaunga. Ina ali iwui Manglā sangmira, kala ana Gentilebingli mashun bichar vaomalānmira.

MATTHEW 21:42

Jishuna athumli hānga, “Kathara Lairikli kapi kahai nathum mapāranglā: ‘Shim kasābingna horkahai ngalunggui chi achithekwui khamakhoka ngasāhaira; Hi Prohowui otsakna. Ithumwui mikyanli hi matakhakhai?’

JOHN 14:19

Hunkhawui thili apuk-apagva̱̱na ili matheiluimara, kha nathumna theira; kala ina kharingwui vang nathumla ringra.

JOHN 14:6

Jishuna ngahānkai, “I shongfana, khamashungana, kala kharingana; iwui eina maningla Avāva̱wuili khipākha marāpaimana.

JOHN 5:26

Avāva̱ khalattawuili kharing khalei thada Anaomayaralila kharing chi mihaira,

JOHN 5:40

kha kharing samphang khavai nathumna iwuili marāngaimana.

JOHN 6:37

Avāna ili khamibing saikora china ili rāra, kala ili kharā mi chili ina mahorhaimara.

JOHN 6:57

Ili kharinga Avāva̱na kashirātna kala awui vang I kharingna. Chithada sāda iwui asā kashaia chi iwui vang eina ringa.

ROMNAO 5:10

Kaja ithum Varewui yangkashe ngasāda leilakha, Anaomayarawui thikhami mangā eina Vareli ngashimi, langmeikharda ara ithum ali ngashimhaoda Khristawui kharing mirin china ithumli kayākha mataida huimirakhala!

1 CORINTHNAO 3:11

Kaja Varena Jishu Khristali akhamāng kaje shimphunga sāngasakhaira. Chieina Jishu Khristali sākā kahai chi maningla shimphunga khangatei masākāluipaimana.

COLOSSIANAO 3:4

Nathumwui kachangkhat mirin chiya Khristana kala ana latkharā tharan nathumla ali ngasoda awui tekhamateili zangrumra.

1 PETER 1:19

kha chukhara̱ makhalei achukkapei yaonao kathā Khristawui aman kasaka ashee einana.

1 PETER 1:7

Hiwui khangarān hiya nathumwui shitkasang akachanga chi phongshok khavaina. Shimankapai sinā meili ruikhayang thada sakmeikhar kaja nathumwui shitkasangla chāng yangphalungra, chi nathumwui shitkasang ngatarmei khavaina. Chiwui thili Jishu Khristali rāchitheithanghon nathumna masot, tekhamatei kala maikhayā samphangra.

1 PETER 2:7

Ali shitkasangbingwui vanga aman saklaka; kha mashitkasangbingwui vanga kapi kahai hithada: “Makānāmana, da shim kasaana horkahai ngalung chi phāmeikap kaje akhoka ngasāhaowa.”

2 PETER 1:1

Varewui khamashung khangarongli kala Jishu Khristawui lungli ithum shitkasang samphang kahaibingli ngaraichā eina Jishu Khristawui rao kala paokazata Simon Peterna kagapina.

2 PETER 1:4

Hithada sāda okathuili leida khalei sāshimānkapai khamathangwui eina yāmshokpai khavai kala Varewui tharkhamatheng khangachā chili ngashitmi kahai kasaka lemmet chi mihaira.