1 PETER 2:22 - Kathara Bible (BSI)

²² A morei masāmana kala kakapik tui khamatui khipānakha mashāmana.

1 PETER 2:22 Iomraidhean Croise

LAA 34:13

Makaphā kala mikhanam tui namale, kala namorchaiwui eina mashok ngasakalu.

ISAIAH 53:9

Ana khangashao masālaklala, kala akhamorli kachipat tui mahāngsālala makhayā athum kala kashānga athumli chifaruma.

MATTHEW 27:19

Chili lāngda Pilatena bichar sākhavaipamli leilakha apreiva̱na ali tui akha shirāta, “Khayon makhalei mi chili khikha sākhavai maleimana, khikhalajila arui ngayā iwui mangshong ina awui vang tarākha khananghaira.”

MATTHEW 27:4

hānga, “Khayon makhalei mili shaothat khavai yankasai hi I morei sāhaira.” Athumna ngahānkai, “China ithumli khi sākida? Chiya nawui otna.”

LUKE 23:41

Iniva inina sākahai chiwui athei samkaphangna, kha ava khikha khalāng makhalei mina.”

LUKE 23:47

Kashokshok chi theilaga raimi shākhawui akhavā china Vareli sochikatta hānga, “Makahatlakla, mipā hi khamashunga mina.”

JOHN 1:47

Jishuna awui ngalemli Nathana-el rākharā kathei tharan, ana awui pongli hānga, “Yanglu, chukkhara̱ khikha makhalei Israelna; khayon khikhala maleimana.”

JOHN 8:46

I morei sāhaira kaji nathum khipāna hāngshaprakhala? Ina khamashung tui hāngakha, nathum khisāda mashitsangmakhala?

2 CORINTHNAO 5:21

Kaja morei makhalei ali ithumwui vang eina morei phungngasaka, chiwui vang eina awui lungli ithum Varewui khamashung-khangaronga ngasāpai.

HEBREWNAO 4:15

Ava ithumwui khangazanli malukhamashana pāngmon kharei maningmana. Lākhashong phaningakha, ithumwui thada alila suihaira, kha ava morei masālakmana.

HEBREWNAO 9:28

Chiwui eina kachungkhawui morei pheomi khavai Khristali akhashida pha̱kaphayāna. Moreili bichar sākhavai maningla kha ali khangaraibingli huikhui khavai kakhane sāda rāluira.

1 JOHN 2:1

Inaongarā, ina kakapi hi nathum morei masā khavaiwui vangna; kha kachikathāna sāhaisālala Avāva̱wui mangāli ithumwui vang phayetkhame khamashung khangaronga Jishu Khrista leili.

1 JOHN 3:5

Khristana morei sonthuimi khavai kharāna kala awuili morei maleimana kaji nathumna thei.

PHONGKHAMI 14:5

Athumwui maleli kakapik maleimana, khikhalajila athum chukkakhara̱ maleimana.