1 PETER 2:21 - Kathara Bible (BSI)

²¹ Varena hikathāwui vang nathumli kahona, kaja Khrista khalatta nathumwui vang chotmi kala ngayo khavai haimi. Chieina nathumna awui pheichon kazunpaira.

1 PETER 2:21 Iomraidhean Croise

LAA 85:13

Khamashung khangarongna ali rida zatra, kala awui pheikārna apong sāmira.

MATTHEW 10:38

kachikathāna awui krush makhuiphungla iwui thishurakha a iwui vang makanāmana.

MATTHEW 11:29

Iwui kashai hieina phunglu kala iwui eina tamkhuilu; kaja iya malungkhanima, wuklung tākui kahaiana, kala nathumna ngasāmkakhui samphangra.

MATTHEW 16:24

Chiwui thili Jishuna awui sākhangatha̱bingli hānga, “Kachikathāna ithi shurga jiakha, khalattali malaihailaga, awui krush phungda ithi shurranu.

LUKE 24:26

Awui tekhamateili zangkhavai Khristana kachotkachāng phungphalungki kaji maningmalā?”

JOHN 13:15

Nathumnala chithada sākhavai tamkachitheina.

JOHN 16:33

Ina nathumli hi hānghaira, iwuili nathumna chingri kahai samphangra. Okathuili nathumna kachotkachāng samphangra, kha ningai mathānlu, ina okathuili yuihaira!”

OTSAK 14:22

Anina shitkasangabingli pangsang ngasaka kala khamashunga shitkasang chili mangacheilakla leiching khavai kasatsanga, kala “Vare wungramli zangkida ithumna kachotkachāng kachungkha phungphalungra” da tamchithei.

OTSAK 17:3

kala Khrista kachotkachāng phunglaga kathiwui eina ringshokphalungra kaji hi shākhi khami eina ngasoda tui chi meikhaichitheida Paulna hānga, “Ina hāngchitheida khalei Jishu hi Khristalaka.”

OTSAK 9:16

Ana iwui mingwui vang kayākha chotchangra̱khala kaji ina ali chitheira.”

ROMNAO 8:29

Chinaongarā kachungkhawui ngachaili Anaomayarana naochizai ngasāngasak khavai Varena kapangping kahaibing chi Anaomayarali ngarui ngasak khavai phaishokhaira, kala Anaomayarana naongarā chiwui naochizai sāra.

1 CORINTHNAO 11:1

Ina Khristawui acham sha̱kakhui thada nathumnala iwui sha̱khuilu.

EPHESIANAO 5:2

Khristana ithumli leishida ithumwui vang Vareli ningyāng ungkhavai nganamkaphā kachigat kala pha̱phayākhami chithada, nathumla leikashiwui lungli yaothuizatlu.

PHILIPPINAO 2:5

Nathumla Jishuwui kasākhavā thada sālu.

1 THESSALONICANAO 3:3

Chithākha hikathā rekakharek hina nathum masa̱na̱ungmara. Chikathā rekakharek chiya ithumwui vang Varewui kaphaningwui akai akhana da nathumna thei.

1 THESSALONICANAO 4:2

Proho Jishuwui ming eina ithumna nathumli tamchithei kahai chi nathumna thei.

2 TIMOTHY 3:12

Kachangkhat eina Khrista Jishuwui lungli zangda tharda ringkhangai mi kachiva̱li rekharekra.

HEBREWNAO 2:10

Ot saikora kasā kala phāri khavai Varena mi kachungkhali Anaomayarawui tekhamatei chi samphangrum khavai mingasakphalungra kaji hi mashunglaka.

1 PETER 1:20

Okathui masāranglakhawui eina ali chukkahaina kha nathumwui vang eina khanaowa atamli chitheinao kajina.

1 PETER 2:24

Moreili thihailaga khamashung khangarong ot sākhavai, Khrista a khalattana ithumwui morei aphasāli ngasoda thingtungli phungmihaira.

1 PETER 3:18

Kaja Khristanala morei kaphungbingwui vang thimikhashida ngachanghaira, ithumli Vareli thānzang khavai katharali makatharabingwui vang phasā eina chithita, kha manglā eina ringlui ngasaka.

1 PETER 3:9

Makaphāwui vang makaphā masaalu, khonkashiwui vang makhonshialu, kha somitha̱lu, khikhalajila nali hokhuithang Varena sokhami hi ngashitsang kahaina.

1 PETER 4:1

Khristana kachotkachāng phunghaokada nathumla Khristawui kaphaning thada phaning khavai ngarānlu. Khiwui vangkhala jilaga phasāli kachotkachāng samphang kahaibing moreili mazangluimana.

1 PETER 4:13

Kha Khristawui kachotkachāng phungkhangarumana da ringphālu. Chithada sāda awui tekhamatei chi phongshokthanghon nathum ringkaphāna pemtinghaora.

1 JOHN 2:6

Vareli zanga kaji mi china Jishu Khristawui thada okthuichingranu.

1 JOHN 3:16

Chithada sāda leikashi hi khikhala da chiwui eina ithumna theikhuipai; Khristana ithumwui vang amanglā chihomi. Chiwui vang eina avānaobingwui vang ithumnala manglā chihomi phalungki kajina.

PHONGKHAMI 12:11

Yaonao chigatkhami mangā eina, kala kathar tui athumna shākhi kasā chi eina ali yuihaira; kaja athumna manglā kachiho mashivāmana.