1 PETER 2:2 - Kathara Bible (BSI)

² Pharādhadhar angangnao thada atam kachida kashenga manglāwui seina̱ ningchānglu. Chithada sāda chi khamangwui vang nathum rarsangda kahui samphangra.

1 PETER 2:2 Iomraidhean Croise

2 SAMUEL 23:5

Mha, chi tākam eina iwui shim Vareli masākāmala? Kaja ana katang makhavai tuingashit ili sāhaira, saikora tāzak kala tāphuphai. Reisang khavai ana ili mangachonmimarala?

JOBWUI LAIRIK 17:9

Kha khangarongana awui shongfali zata, kala pāng katharabing china pangkhangai panga.

CHĀNSAM 4:18

Kha khangarongbingwui shongfava zingthanlamwui kahor thāda, mangashunranglakha eina tangda horkhangai hora.

HOSEA 14:5

Ina Israelwui vang ikra̱ kathā ngasāmira; ana timrāwon thāda wonrā, thingrong thāda angayung sa̱khuira;

HOSEA 14:7

Athumna latungda iwui khaya̱zingli pamra, athumna yāmgui thāda matekchimhaira; drakhārong thāda wonra, athumwui anganam Lebanonwui drakhāthei anganam thāra.

HOSEA 6:3

Ithum theisa kaja, Proholi theikhavai sakchangda hotnāsa; ana sāki kaji chi kazing kathang thāda makahatlakmana; ana ithumli zngrot thāda rāra, ngaleili ikkhami zingrot thāda.”

MALACHI 4:2

Kha iwui mingli khangacheea nathumwui vanga kazāt raikhavai angachāng kakā khamashung khangarongwui zimik akha shokra. Seinaona seishimwui eina ngalongkashok thāda nathumna ngalongkāra.

MATTHEW 18:3

hānga, “Kachangkhat eina ina nathumli kahāngna, nathumna ningngateida naoshinao thada mathaakha kazing wungramli mazangrarlakmara.

MATTHEW 19:14

Kha Jishuna hānga, “Naoshinaobingli iwuili rāngasaklu, athumli mahaphaialu, khikhalajila wungram hiya athum kathāwuina.”

MARK 10:15

Kachangkhat eina ina nathumli kahāngna, Varewui wungram chi naoshinao akhana khuikasang thada makhuisangakha kachilikha chili mazangmara.”

LUKE 18:17

Kachangkhat eina ina nathumli kahāngna, naoshinao thada Vare wungram hi makhuikasanga mi china kachilikha chili mazangrarlakmara.”

ROMNAO 6:4

Chithada sāda ithumwui ra̱kahik chieina Khristali ngasoda chifarum kahaina kala awui kathi chili ngarumhaira. Avāva̱wui tekhamatei pangshap china ali kathiwui eina ringshok khangasak thada ithumla kadhara mirin chi ringpaira.

1 CORINTHNAO 14:20

Ivānaobing nathumwui chukhamja̱li naoshinao mathaalu. Makaphā otli angangnao thada sālu kha chukhamaja̱li khararnao thada sālu.

EPHESIANAO 2:21

Shim hupva singlaga Proholi dharchigat kahai kathara khorumshim sāda reisang khangasaka chi ana.

EPHESIANAO 4:15

Kha leikashiwui ningngai lungli khamashung tui matuida apong kachiva̱li akuia Khristawuili ithum rarsangra.

2 THESSALONICANAO 1:3

Ivānaobing, nathumwui vang atam kachida ithumna Vareli ningshi. Hi ithumna sāngayilāk kahai otna, khiwui vangkhala kaja nathumwui shitkasang mataisangmamānda lei kala akhana akhawui vang leikashila mataisangmeihaira.

1 PETER 1:23

Varivarawui kharinga kala leiching kaje tui chiwui mangā eina shimānkapai athā eina maningla mashimānkapai athā eina nathumli pharā ngasakluishithaira,

2 PETER 3:18

Kha ithumwui Proho kala Huikhame Jishu Khristawui lukhamashan kala aworwui lungli nathum rarsanglu. Awui mingli aruila, naodala mashimānda tekmateichingra̱nu. Amen.