1 PETER 2:12 - Kathara Bible (BSI)

¹² Yurkhangateibingwui alungli acham-aram mathada zatlu, chithākha nathumli khangui khalāng mina da phensālala nathumwui kaphā ot chi athumna theira kala a rāthang Vareli tekkmatei ngasakra.

1 PETER 2:12 Iomraidhean Croise

LAA 37:14

Makaphaana raighai sutkhui kala malā huna, kachāmkhangaibingli khuitā khavai, ngarongrik eina kazatbingli sāthat khavai;

LAA 50:23

Ningkashi pha̱kaphayā sāda khuikharābing ili khayākashina; apong mashungrik kahai chili ina Varewui huikhami chitheira!”

ISAIAH 10:3

Katāva̱wui eina siphan zingrotwui alungli tandi mikhavai, rāki kaji zimikshothang nathum khi sāra? Ngachonmi khavai khipāli yāmvāra, kala nathumwui lan kali nothāhaora?

DANIEL 6:4

Chiwui vang khayaiwobing kala satrapbingna wungram Danielwuitungli khayon mikhavai phai; khamashunga, ningtongda shitkasang mi sāthuihaoda khayon khikha masamphangmana.

MATTHEW 10:25

Sākhangatha̱ china awui ojāwui thada kala araona awui akhavāwui thada ningli kapen chi shapa. Athumna shimva̱ chili Beelzebul hoakha shimkhurwui mi kateibingli kayākha zakshimeikharda horakhala?

MATTHEW 5:11

“Iwui vang eina mibingna minamda khamashāt, rekakharek kala phenphāphāda morei chiphunkahaibing nathum sokhamina.

MATTHEW 5:16

Nathumwui kahor chi mibingwui mangāli horngasaklu, chithākha athumna nathumwui kaphā otsak chi theilaga kazingramli khalei nathumwui Avāli masochikatra.

MATTHEW 9:8

Yaruina chi kathei tharan athum ngacheehaowa kala mikumoli hikathā sāshap-pangshap khame Vareli athumna masochikata.

LUKE 1:68

“Israelwui Proho Vareli sosersa, kaja ana awui mibingli rāngachonmida athumli ngatangkhuihaira.

LUKE 19:44

Athumna nathumli kala ngaveilungli leikasā naongarā saikora shimān ngasakra; lunggui akhawuitungli lunggui akhala maleiluimara, kachiwui vangkhala kaja Varena nali huikida kharā atam nana matheimana.”

LUKE 6:22

“Miwui Naomayarawui vang eina nathumli ningkakachai, mahei kahai, kachipat kala nali aming phorphāphāda kazei tharan sokhami ngasāranu!

JOHN 13:31

Judas thuikahaiwui thili Jishuna hānga, “Ara miwui Naomayarawui tekhamatei phonghaira, kala awui eina Varewui tekhamatei phonghaira.

OTSAK 15:14

Varena rida kathada Gentilebingli athumwui ngachaiwui eina awui miyur sākhavai kapangkhuilaga nganaomikhala kaji Simeonna hāngchitheihaira.

OTSAK 24:13

Arui athumna iwuitungli kaphen hi mashunga da theikhui khavai athum shākhila mamirarmara.

OTSAK 25:7

Paulna rāzangkhaleoda Jerusalemwui eina kharā Jihudibing china ali kuimareiphinhailaga awuitungli athum khalattana praman mamikharar kasasaka tui kachungkha phena.

OTSAK 28:22

Kha nawui kaphaning khi leimameikhala kaji nawui eina shāngai; kaja apam kachiva̱li ashangva̱ hili mashātta khamatui ithumna thei.”

ROMNAO 12:17

Kachikathāna nali makaphā sālala athut makhuialu, kha mi saikorana kaphā otna da kaphaning chi sālu.

ROMNAO 13:13

Kahorlungli okathui thada ithum khalatta mashungrik eina zatsa; kakharar, khamarip, ayat makasā, khamathang, ngama̱khangazai, kala mikpaikashi ot masaasa.

ROMNAO 14:18

kala kachikathāna hi tākam eina Khristali otram ngatha̱khami tharan Vareli ningyāng ungngasaka kala mikumonala mayai.

ROMNAO 15:9

Kala Varewui lukhamashan chiwui vang Gentilebingnala masotchikat khavaina. Hithada kapihaida lei: “Chiwui vang eina Gentilebingwui ngachaili, ina nali Varena da theingasakra.”

1 CORINTHNAO 14:25

Awui ngathum kahai kaphaning chi phongyānghaora, kala kui mashungzangda Vareli khorumra kala “Kachangkhat Varena nathumli ngasoda lei” da ana hāngphatra.

2 CORINTHNAO 1:12

Mikumowui thangkhameina maningla Varewui lukhamashanwui pangshap eina ithumna okathui hili mataimeikapta nathum eina ithumwui khangashik hi Varena khami ningkhakasā kala ningkathar eina munga kaji hi ithumwui mashun-makhuina chitheikhamiwui vang ithumna langsoi.

2 CORINTHNAO 13:7

Ithumwui ot kasā ungshunghaira jikhavai maningla kha nathumna khayon ot masālui khavai ithumna Vareli seihā sāmi. Chieina chāng khayang chili ithum mangasungkharar thada theilala nathumna khamashung ot chi sāshapra.

2 CORINTHNAO 8:21

Prohowui miktāmāngli maningla mibingwui miktālila mashun eina sāshap khavai kasā hi ithumwui otna.

EPHESIANAO 2:3

Ithumla athum thada, phasāwui ningkachāng athishurda kala ningli sākhangai chi ungshung khavai sāda okthuisai. Chiwui vang eina ithumla athumwui thada Varena malungkhavāt naongarā ngasāsai.

EPHESIANAO 4:22

Chieina kharewui mirin ringching khangasaka, minama khamathangna shimān khangasaka kachama khangachā chi horhaolu.

PHILIPPINAO 1:27

Nathumwui mirin chi paokaphāwui athishurda kazata mirin ringphalungra. Chieina ina nathumli rātheilala, marātheilala nathumna paokaphāli shitkasangwui vang ning khokkha sāda ngararrumda lei, kala ning akha sāda nganingtitta lei kaji pao kashā samphangra.

PHILIPPINAO 4:8

Naomeikapta, ivānaobing, khamathā masot samphangkhangayi, khamashung, ningkahak, mashun, kathar, khamathā kala khayakakā hikathā hi nathumwui ningli shāptithailu.

1 THESSALONICANAO 4:12

Chithākha nathumli mashitkasangbingna khayāshira kala nathum khipālikha mapozāmara.

1 TIMOTHY 2:2

awungabing kala pangshap kasingbingwui vangla pomilu, chithākha ithum dharmawui ponglila, acham-aramwui ponglila khonkazar maleila chingri eina okthuira.

1 TIMOTHY 4:12

Na nganuida leiya da mi khipānakha machipat ngasakalu, kha katharli, shitkasangli, leikashili, kasākhavāli kala tuimatuili shitkasangbingna ngayokhavai sālu.

1 TIMOTHY 5:10

kala kaphā otsak kasava̱; misui morei makaphungva̱, nao nganaokatheiva̱, shitkasangbingli phei pheokhamiva̱, kakhanangbingli ngachonkhamiva̱ kala kaphā ot kasāli ningkasangva̱ ngasāphalungra.

HEBREWNAO 13:18

Ithumwui vang seihā sāmichinglu. Ithumwui mashun tharlak eina lei da thei, khikhalajila ithumna atam kachida khamashung otmāng sāngai.

HEBREWNAO 13:5

Nawui khalei chi shapa da phaninglu, lupāli mangamaralu, kaja Varena, “Ina nali mahorhailakmara kala machihohailakmara” da hānghaira.

JAMES 3:13

Nathumwui ngachaili thangkhamei kala theishingkakhui khipā leikhala? Thangkhameiwui khangahuilungli ana awui kaphā mirin chi awui otsak eina chitheiranu.

1 PETER 2:15

Kaja nathumwui kaphā kasā china phenphāphā kajebingli mamorsap khangasak hi Varewui ningkachāngna.

1 PETER 3:16

Kha khanim kala khayākashi eina ngasoda sālu. Nathumwui mashun-makhui ngatarteihailu, chithākha Khristawui thikashurana da kaphā kasāwui vang nathumli kachipat tharan athum khalatta khayakkhuira.

1 PETER 4:11

Pao hākashoka a china Varewui pao hāshokphalungra; otram ngatha̱mena Varena ali mikahai pangshap chieina ngatha̱phalungra. Chithada sāda katang makhavai tekhamatei Khristawui mangā eina Vareli masot mipaira. Amen.

2 PETER 3:11

Ot saikora hithada shimān ngasaki jihaoda nathum kachikathā mi ngasāra? Nathumwui mirin chi kathar eina Vareli chigatphalungra.

RUTH 3:14

Chithāda kazing mathangranglakha eina tangda ana apheizingli piya; akha eina akha mamachukkhuipairanglakha ngakarthuihaowa. Kala Boazna hānga, lanpumli sha̱nao rai kaji khipālikha mathei ngasakalu.