1 PETER 2:1 - Kathara Bible (BSI)

¹ Chieina nathum khalatta makaphā-makhayā chi horhaolu. Makapikluialu, maphārekalu, mayuishialu kala kaphor tui mamatuialu.

1 PETER 2:1 Iomraidhean Croise

JOBWUI LAIRIK 36:13

“Vare makathei mina malungkhavātli akachang sai, athumli ana kakhalap tharan, ngachonmi khavai mangakaomana.

LAA 32:2

Prohona khayon makaphen, kala amanglāli mikhanam makhalei mi chi sokhamina.

LAA 34:13

Makaphā kala mikhanam tui namale, kala namorchaiwui eina mashok ngasakalu.

LAA 37:1

Makaphaawui vang wukmakhanangalu, khalāng kasā mili mayuishialu!

LAA 73:3

Kaja makaphābingwui mataikasang chi theilaga, ina athumwui langkaso chili mikpaishiya,

CHĀNSAM 14:30

Chingri kahai ningna phasāli ringngasaka, kha yuikashina ara̱kui shuingasaka.

CHĀNSAM 24:1

Makaphā mili mayuishialu, athumli ngayurga dala malungmachāngalu;

CHĀNSAM 24:19

Kashi kasābingwui vang na khalatta maningkharikalu, kala makhayāli mayuishialu,

CHĀNSAM 3:31

Sākashe mili mayuishilu, kala awui apong akhanidala masha̱alu,

ISAIAH 2:20

Chithanghon athumna khorum khavai athum khalattana sākakhui lupāsāwui meoma̱, sināwui meoma̱bing chi, kafabing kala kongharbingli hormihaora;

ISAIAH 30:22

Chiwui thili lupāsa eina sākakhui meoma̱, kala sina eina sākakhui meoma̱bing chi sākhamānghaora, kala makathara ot thāda horyānghaora kala “Thuiulu!” da hāngra.

MATTHEW 15:7

Phākakhaningbing! Isaiahna nathumwui maramli phongkhamarān chi kayākha mashunghao, ana hānga:

MATTHEW 23:28

Hi tākam eina ayarli nathumna mibingli mashunglak kahai thada theingasaka, kha alungliva phākakhaning eina moreina pemtinghai.

MATTHEW 24:51

ali tandi mira kala phākakhaningbingli ngasoda hairumhaora; chili mibingna kachapla chapra, ahāla tarira.

MATTHEW 7:5

He, phākakhaninga! Rimeikapta namikli thingngumrikha kazang khayim chi kheishokhaifalu, chiwui thili nachināwui mikli kazang khayim chi kheishokmi khavai mathingrik eina theira.

MARK 12:15

Miraka, mamimara? Kha athumwui phakharek chi theida, ana athumli hānga, “Ili khisāda chāng yangkhala? Lupāsā akha khuirālu, ina yangga.”

LUKE 11:44

Nathum kakhanang ringkashi ngasāranu! Kaja nathum hiya mibingna matheimada naiung-naivā kaje makatheia chikhur kathāna.”

LUKE 12:1

Mi thingthing rākazipta mi akhana akhali naiza̱ ngarokta leilakha, Jishuna rimeikapta awui sākhangatha̱bingli hānga, “Phariseebingwui khawok makazang phākakhaning chili ningngasharlu.

LUKE 6:42

Namikli thingngumrikha kazang chi matheirarlaga kathada nachināli, ‘Itao, namikli khayim kazang chi ina kheimiga’ da hāngpairakhala? He phākakhaninga, namikli thingngumrikha kazang chi rida kheishokhaifalu, chiwui thili nachināwui mikli khayim kazang chi kheishokmi khavai mathingrik eina theira.

JOHN 1:47

Jishuna awui ngalemli Nathana-el rākharā kathei tharan, ana awui pongli hānga, “Yanglu, chukkhara̱ khikha makhalei Israelna; khayon khikhala maleimana.”

ROMNAO 1:29

Athumwui makaphā-makhayā, zakkashi, khangamar kala mikpaikashiwui acham, yangkashi, shaokathat, khangama̱-khangazai, kateikazā, shimān khavai kasā kala morkasapna pemtinghai.

1 CORINTHNAO 14:20

Ivānaobing nathumwui chukhamja̱li naoshinao mathaalu. Makaphā otli angangnao thada sālu kha chukhamaja̱li khararnao thada sālu.

1 CORINTHNAO 5:8

Chiwui vang eina ithumna phanit khamayon tharan, khawok kazanga khamui thada makaphā-makhayā eina mamayonasa, kha khawok makazanga thada ningkathar kala khamashung eina mayonsa.

2 CORINTHNAO 12:20

Kaja ina kharā tharan ina ningkachāng chi nathumwuili makhalei kala nathumwui ningkachāng chi iwuili makhalei ngasāpaishina, kaja nathumwui alungli kharar khangarok, mikpaikashi, malungkhavāt, kākharām, khamashāt, misuichān, makakachang ot kala pa̱khangapā leisāpaishina da ngachee.

EPHESIANAO 4:31

Ningkakhā, ningkachot, malungkhavāt, khonkazār, khamashāt, kala yangkharing khangarok saikora chi horserhaolu.

1 THESSALONICANAO 2:3

Kaja ithumli tamkachithei hi makhamashung, makathar kala minamda sākakhaibing maningmana.

1 TIMOTHY 3:11

Chithada sāda athumwui preiva̱ ngarāla mina khayāshikapaia, maphenphāphākapaia, ngarakzak kahaia kala ot saikorali shitsangkapaiva̱ ngasāphalungra.

TITUS 2:3

Chithada preirarbingli kathara preirarwui mirin zatkhavai hāngchitheilu. Athum morkasāp lah khamarip otsakli mazangphalungmara. Kaphā chi khikhala da lārongpongbingna tamkhui khavai

HEBREWNAO 12:1

Chiwui vang eina ithumwui vanga kuimareida khayanga shākhi kachungkha leihaoda, hapkakhano saikora kala ngathānshang ngathāntā da khalei morei chi hortāhailaga ithumwui shongzā khangakhui chili makhunlak eina zatsa.

JAMES 1:21

Chiwui vang eina makathar kala makaphā-makhayā acham aram saikora chihohaida Vareli mayālu, kala nathumwui ningli lingsangmi kahai huimishapa tui chi malungkhanim eina khuisanglu.

JAMES 3:14

Kha nathumwui wuklungli mikpaikashi, ningkakhā, ichāchāwui kaphaning leiakha lāngsoda khamashung chili makapikalu.

JAMES 4:11

Ivānaongarā, nathum akhana akhali mamashāt ngarokalu. Avānao akhana avānao akhawuitungli khamashāt lah bichar kasā chi Ainli khamashāt kala bichar kasāna. Ainli bichar saakha nava Ain khamayona maningluimana, kha bichar kasaana.

JAMES 4:5

Kathara tuili, “Varena ithumwui wuklungli sangmi kahai manglā chili makaphā ningkachāngna pemthuihaowa” da hāngkahai hili khamashung maleimana da phaninglā?

JAMES 5:9

Ivānaongarā, nathum akha eina akha maphen ngarokalu, chithākha Varena nathumli bichar masāmara. Bicharwo rākida nganaikhailakhaira, rākachangrāli.

1 PETER 2:16

Ningkhān kahaia mibing thada okthuilu, chithālala nathumwui ningkhān kasā chi makaphā-makhayāwui vang masā ngasakalu. Kha Varewui raobing thada okthuilu.

1 PETER 2:22

A morei masāmana kala kakapik tui khamatui khipānakha mashāmana.

1 PETER 3:10

Hithada kapihaili: “Ringkaphā mirin ningkachangpā kala khamathā atam theikhangaipā china, makaphā tui khamatui kala kakapik tui khamatui thāhaiphalungra.

1 PETER 4:2

Chiwui vang eina ara hiwui eina thuida nawui okathuiwui mirin hi mikumowui ningkachāng eina maningla Varewui kaphaning eina okthuilu.

1 PETER 4:4

Ara nathumna athumli ngasoda makaphā-makhayā chili makazangwui vang matakhakhaoda athumna nathumli khamashātna.

PHONGKHAMI 14:5

Athumwui maleli kakapik maleimana, khikhalajila athum chukkakhara̱ maleimana.