1 PETER 1:8 - Kathara Bible (BSI)

⁸ Ali nathumna matheirangsālala leishi kala mik eina matheilala shitsangada ringkaphā khamathān khamor eina mahāngrarmana.

1 PETER 1:8 Iomraidhean Croise

SOLOMONWUI LAA 1:7

Hāngmilu, imanglāna leikashe, nawui yao kali phāchizātkhala, ngashun kali chipamkhala, kaja kachiwui vang eina ina yaokazatabing thāda nawui ngasotabingwui yaoshang ngalemli pamzatrakhala?

SOLOMONWUI LAA 5:16

Awui akhon shimmeithuiya, kala tongda ningchang kapaimānga. Hi iwui leikashena, iwui khavāknaona, O Jerusalemwui naongalāva̱bing!

SOLOMONWUI LAA 5:9

Nawui leikahena khangateiwui leikasheli khi mathākhamei lei, O mathāmeikap kachiva̱? Nawui leikashena khangateiwui leikasheli khi mathākhamei leida, ithumli kachihamkhala?

MATTHEW 10:37

“Ili lāngmeida ava̱ lah avāli leishikhameia a chi iwui vang makanāmana; kala ili lāngmeida anaomayara, lah anaongalāva̱li leishikhamei a chila iwui vang makanāmana;

JOHN 14:15

“Nathumna ili leishiakha iwui ningkhami mayonra.

JOHN 14:21

“Kachikathāna iwui ningkhami khuisangda mayonakha a ili leikashena. Ili leikashe chili iwui Avānala leishira; inala ali leishida I khalatta ali phongmira.”

JOHN 14:24

Kachikathāna ili maleishiakha iwui tui makhuisangmara. Kala nathumna shākahai tamkachithei chi iwui eina kharā maningmana, kha ili kashirāta Avāwui eina kharāna.

JOHN 16:22

Chi tākam eina aruihon nathum chotta lei, kha ina nathumli samphangluira, kala nathumwui ning khamathānna pemhaora. Chi kathā khamathān chi nathumwui eina khipānakha mangapaithuimara.

JOHN 20:29

Jishuna ali hānga, “Ili theihaoda ara nana shitkasangla? Mik eina matheila shitkasanga athum chi sokhamina.”

JOHN 8:42

Jishuna athumli hānga, “Vare hi nathumwui Avāva̱na jisi kaja ili leishiki kajina, kaja I Varewui eina kharāna, kala I hili leili. I khalatta marāmana. Varena chihokharāna.

OTSAK 16:34

Chiwui thili ashi shimli thanungda kashakazā ngarānmi. Ashi shimkhur saikora khamathānna pemtinghaowa, khikhalajila athumna Vareli shitsanghaowa.

ROMNAO 14:17

kaja Vare wungram hiliva kashaikashakna akachanga maningmana, kha Manglā Katharana khami khamashung-khangarong, chingri kahai kala ringkaphā china,

ROMNAO 15:13

Kachihānwui ura̱ Vareli nathumna shitkasang khaleiwui mangā eina khamathān kala chingri kahai chipemiranu. Chieina nathumwui kachihān chi Manglā Katharawui pangshap eina mataisangra.

1 CORINTHNAO 16:22

Proholi maleikashe mi khonkashi ngasāranu! Ithumwui Proho rāmilu!

2 CORINTHNAO 1:22

Ana ithumli mahor nammihaira kala naodala sokhami mira kajiwui khudam sāda ithumwui wuklungli Manglā Kathara sangmida ngashitmihaira.

2 CORINTHNAO 12:4

kala tui eina mahāngkapai, mikumowui male eina mahāngkharar tui kachungkha ana shai.

2 CORINTHNAO 4:18

Kachiwui vangkhala kaja ithumna mik eina kathei ot chili mayangla makathei otli yanga. Kaja mik eina kathei otbing chiya kasha̱khawui vangna, kha makathei otbing chiya katang makhavaina.

2 CORINTHNAO 5:7

Kaja ithumna shitkasang eina ringa, kathei eina maringmana.

2 CORINTHNAO 9:15

Khamor eina mahāngkhararra awui lemmetwui vang Vareli ningshisa!

GALATIANAO 5:22

Kha Manglāna leikashi, khamathān, chingri kahai, ja̱khami, lumashankathei, kaphā ot, ningkatong,

GALATIANAO 5:6

Kaja ithumna Khrista Jishuli ngarum kahai tharan, ahui rimkashoknala, marimkashoknala ngatei khangasak khikha maleimana. Leikashi mangā eina ot sākhangasaka shitkasang china khamataina.

EPHESIANAO 3:19

Mha, leikashi chi nathumna kathei samphangranu, chithālala theiser majirarmara kha Varewui khangachā chi pemngasaklu.

EPHESIANAO 6:24

Ithumwui Proho Jishu Khristali mathāhailakla leikashe athum saikorali Varewui lukhamashan china ngasomichingranu.

PHILIPPINAO 1:25

Nathumwui reikasang kala shitkasangli khamathān chi mataisang khavai nathumli I okthuirumvāfara kaji ina theishinghaira.

PHILIPPINAO 3:3

Akachang ahui rimkashok samphang kahaibing chi ithumna, athum maningmana, kaja ithumna Vareli awui Manglawui pangshap eina khoruma kala Khrista Jishuli ngarumda ithumwui mirinli mathāna. Ayarwui otsak khangalangli ithumna mashitsangmana.

PHILIPPINAO 4:4

Atam kachida Proholi ringkhangarumwui vang mathānchinglu. Ina hāngluishitli: mathānlu!

HEBREWNAO 11:1

Mik eina matheiranglala samphanglakra da ningnganungda chihantit kaji hi shitkasangna.

HEBREWNAO 11:27

Shitkasang mangā eina Mosesna awungawui malungkhavātli mangacheela Egypt chihohai; mik eina matheikharar Vareli mik eina kathei tākam eina, ana masa̱naungmana.

1 PETER 1:6

Atam kasha̱khawui vang nathum kachotkachāng samphanglala, lan hiwui vang ringphālu.

1 PETER 2:7

Ali shitkasangbingwui vanga aman saklaka; kha mashitkasangbingwui vanga kapi kahai hithada: “Makānāmana, da shim kasaana horkahai ngalung chi phāmeikap kaje akhoka ngasāhaowa.”

1 PETER 5:4

Chieina Yaokahoma akhavā kharā tharan mashimānkapai tekhamateiwui kuihon chi nathumna samphangra.