1 PETER 1:6 - Kathara Bible (BSI)

⁶ Atam kasha̱khawui vang nathum kachotkachāng samphanglala, lan hiwui vang ringphālu.

1 PETER 1:6 Iomraidhean Croise

LAA 119:28

Kakhanangwui vang imanglā yurhaira, nawui tui athishurda ili pangngasakmilu.

LAA 119:75

O Proho, nawui bichar mashunga da ina thei; kala nawui ningkatong alungli ili nana chotkhangasakna.

LAA 34:19

Khamashungabingwui sipkasā kachungkhana, kha Prohona ali saikora chiwui eina kanshokmi.

LAA 35:10

Ira̱kui saikorana hāngra, “O Proho, khangazanali nana huimi, pangmeikhar kajiwui eina khangazan khavātabingli shimān khavai kasā chiwui eina kankhame, na kathā khipa leili!”

LAA 69:20

Zeikakharuina ining ngayānghaira, chiwui vang eina I chihān khavai maleithura. Ili lumashanmi khavai vang phai, kha akhanida maleimana; kala ninglum khavai phai, kha ili akhala masamphangmana.

LAA 9:14

Chithāda ina nawui masot saikora shānkhuiluira, kala Zion naongalāva̱wui ngaveibingli, nawui kankhamilungli ina mathānra.

LAA 95:1

Ralu, ithum Proholi masotlaa sāsa, ithumwui huikhame lunghār chili mathānda vaosa.

ISAIAH 61:10

Prohowui lungli ina mathānlakra, Iwui Varewui lungli imanglāna sochikatra; kaja ana ili huikhamiwui kachon ngavaimi, khamashung khangarongwui sāri shaksāmi, ngalā shakazāpāna awon khangachā thāda, shakazā ngalāva̱na sāri khongnang shakasā thāda.

ISAIAH 61:3

Zionli chapkhangachā athumli— hotlāwui mahut wonrui ngachāmi khavai, chapkhangachāwui mahutli ringkaphā thao neomi khavai, ning vānkahaiwui mahutli masotwui kashankachon ngavaimi khavai; kaja athumli khangarongwui shirimthing hokhavai, Prohowui lingsang kahai, chieina ali tekmateingasak khavaiwui vangna.

MATTHEW 11:28

“Iwuili rālu, kachota kala otphun kharit kaphungbing saikora; ina nathumli ngasāmkhui ngasakra.

MATTHEW 26:37

Ana Peter kala Zebedeewui naomayara khanili thānkhui. A kakhanang sikafana pemhaowa.

MATTHEW 5:12

Mathānlu kala ringphālu, khikhalajila kazingramli nathumwui sāman haklaka, kaja hikathāwui vang eina nathumli rida leikasā marānbinglila rekhareksai.

LUKE 1:47

Iwui Huikhame Varewui mangāli imanglā mathāna.

LUKE 10:20

Chitha-ilala nathumna kameobingli yuihaowa kajiwui vang mamathānhailu, kha nathumwui ming kazingramli kapihaili kajiwui vang mathānlu.”

LUKE 2:10

Chieina athumli kazingrao china hānga, “Mangacheealu, kaja yanglu, mi saikorawui vang ringphākhailak kahai paokhamathā ina nathumli khuirākhamina.

JOHN 16:22

Chi tākam eina aruihon nathum chotta lei, kha ina nathumli samphangluira, kala nathumwui ning khamathānna pemhaora. Chi kathā khamathān chi nathumwui eina khipānakha mangapaithuimara.

JOHN 16:33

Ina nathumli hi hānghaira, iwuili nathumna chingri kahai samphangra. Okathuili nathumna kachotkachāng samphangra, kha ningai mathānlu, ina okathuili yuihaira!”

OTSAK 14:22

Anina shitkasangabingli pangsang ngasaka kala khamashunga shitkasang chili mangacheilakla leiching khavai kasatsanga, kala “Vare wungramli zangkida ithumna kachotkachāng kachungkha phungphalungra” da tamchithei.

ROMNAO 12:12

Nawui kachihān china nali ringphā ngasaklu, kachotkachāngli khāngda sālu kala seihā sāchinglu.

ROMNAO 5:11

Chimāng maningmana, kha ithumwui Proho Jishu Khristawui mangā eina ngashimmihaoda ithum ringphai.

ROMNAO 5:2

Shitkasangwui mangā eina arui ithumna Varewui lukhamashan lungli ringda khalei hi mazapyangda lei kala Varewui tekhamatei chi ithum samphangarumra kajiwui kachihānwui vang mathāna.

ROMNAO 9:2

Chiya iwui kakhanang hakmahālakhaowa kala kakhanang katang mavaimana,

2 CORINTHNAO 4:17

Aruihon kakhanang kateokha samkaphang hiliva katang makhavai tekhamatei chi samphang khavai ithum wui vang ngarānmida lei.

2 CORINTHNAO 6:10

khananglala ringphāchinga, chāmlala shānglak kahai thai, khikha maleilala, saikora vaisera.

GALATIANAO 5:22

Kha Manglāna leikashi, khamathān, chingri kahai, ja̱khami, lumashankathei, kaphā ot, ningkatong,

PHILIPPINAO 2:26

Ana nathum saikorali theingailak eina leili, kala a kazāda leili kaji nathumna shāhaira kajiwui vang ning chotta lei.

PHILIPPINAO 3:3

Akachang ahui rimkashok samphang kahaibing chi ithumna, athum maningmana, kaja ithumna Vareli awui Manglawui pangshap eina khoruma kala Khrista Jishuli ngarumda ithumwui mirinli mathāna. Ayarwui otsak khangalangli ithumna mashitsangmana.

PHILIPPINAO 4:4

Atam kachida Proholi ringkhangarumwui vang mathānchinglu. Ina hāngluishitli: mathānlu!

1 THESSALONICANAO 1:6

Nathumna ithum kala Prohowui kasākhavā sha̱khui kaja nathumna kachotkachāng samphangsālala paokaphā chi Manglā Katharana khami khamathān chi eina khuisanga.

JAMES 1:2

Ivānaobing, chāng khayang yur saikora, nathumna samkaphang tharan ka̱lā khamahaina da shānkhuilu.

JAMES 1:9

Khangazana avānao china ali juikhameili khangkākhami tharan ringpharanu kala

JAMES 4:9

Khanangda sifalaga chapngachālu. Nathumwui khamana̱ chi sikafa kala khamathān chi kakhanang onngasakra.

1 PETER 3:17

Khikhalajila Varewui kaphaningna jiakha makaphā kasāwui vang kachotkachāng kaphungle kaphā kasāwui vang kaphungna phāmei.

1 PETER 4:7

Ot saikora ngachangki kaji nganaihaira; khalatta ngarinda kala ngasharda seihā sāshap khavai ngarānlu.

1 PETER 5:10

Kha nathumna kasha̱nakha kachotkachāng samphang kahaiwui thili Khristali ngarum kahaiwui vang katang makhavai tekhamatei samphangrum khavai hokhuikhame, lumashankatha Varena nathumli kākashung, khangazip, pangshap kala rungshing kahai mira.

1 SAMUEL 2:1

Hannahna seihā sāda hānga: “Iwuklung Proholi masot chigatli; Prohona ili pangngasaka. I khamorna iwui yangkashebingli mana̱shi, kaja nawui huikhamiwui vang eina ina mathāna.