1 PETER 1:5 - Kathara Bible (BSI)

⁵ Khanaowa zimiksholi phongmiki kaji huikhamili ngaraida ningtongda shitkasang mangā eina Varewui pangshapna mayonmida khaleina.

1 PETER 1:5 Iomraidhean Croise

JOBWUI LAIRIK 19:25

Kaja ina thei, ili ngatangkhame ringdalei, kala naomeithuida ana okathuili nganingra;

LAA 37:28

Kaja Prohona mashunli leishiya, ana awui katharabingli mahorhaimara. Khamashung-khangarongbingli mashimān ngasaklakmara, kha makaphaawui naongarāli katathaora.

CHĀNSAM 2:8

mashun shongpong mayonmi, kala awui katharabingwui apong phārimi.

ISAIAH 45:17

Kha Israelli katang makhavai huikhami eina ngasoda huimihaira; katang mavaila nathumli kakhayakla kala pa̱khangapāla malei ngasakmara.”

ISAIAH 51:6

Kazingramli namik yangkālu, kala azingshong okathuili yangtālu; kaja kazingram meikhut thāda shimānhaora, okathuina chonshi thāda tāngurhaora, kala chili kapambing hāmi thāda thihaora. Kha iwui huikhami leichingra, kala iwui ngatangkhami katang mavaimara.

ISAIAH 54:17

nathumli ngazai khavai khutlai kasema chi mamataisangmara, kala bichar kasāli nathumli mamayāmada ngakarkathui yur chi nguiya da nathumna ngahānkāra. Hi Prohowui raobingwui shimlui ngasāra, kala iwui eina athumwui mashun phākhamina,”

ISAIAH 66:22

“Kaja kazingram kadhar, okathui kadhar na sākhuiki kaji chi, iwui mangāli leichingra da Prohona hānga; chithāda nawui ara̱-azā kala nawui ming leira.

JEREMIAH 23:4

Ina athumli yangmi khavai yaokahomabing phāsangmira, kala athumna mangacheeluimara, kaphaning masuitāluimara, kashimānla mashimānmara, da Prohona hānga.

JEREMIAH 32:40

Athumli ina kaphā sāmi khavaiwui eina mangareithui khavai, athumli makhangachei tuingashit akha sāmira; kala athum iwui eina mangareithui khavai ili khangacheewui ning ina athumli sangmira.

JOHN 12:48

Ili mamayāmada iwui tui makhuisangakha ali bichar sākhavai akha lei; ina hāngkahai tui china khanaowa zimiksholi awui bicharwo ngasāra.

JOHN 17:15

Athumli okathuiwui eina khuithui khavai kapo maningmana, kha athumli makaphāwui eina mayonmi khavai kapona.

JOHN 4:14

kha ina miki kaji tara̱ chi khamanga a chi mara̱changluimara. Ina miki kaji tara̱ chiva awuili katang makhavai kharing wurkashoka ura ngasāhaora.”

JOHN 5:24

“Kachangkhat eina nathumli kahāngna, iwui tui shāda ili kashirātali shitkasanga a chi katang makhavai kharing lei. Ali bichar masāmara, kha kathiwui eina kharingli kanshok kahaina.

ROMNAO 11:20

Chi mashunga. Athumna mashitsangthuda tektāhaowa kala nathumva shitsanghaoda makhangacheina kajiwui vang malangsoalu kha ningngasharlu.

ROMNAO 8:18

Ina chukmaja̱ya kaja aruihon ithumna samphangda khalei kachotkachāng hiya naoda phongshoki kaji tekhamatei chili pāntamkapai maleimana.

1 CORINTHNAO 1:21

Mikumona awui thangkhamei eina Vareli matheikhararwui vang mibingna mangkhama̱na da kakhuia ithumna hākashoka pao hili shitkasanga mibing chili Varena huimi.

2 CORINTHNAO 1:24

Nathumna khili shitsangrakhala da hāngchithei khavai kasā maningmana; nathumwui shitkasang ngatarda lei kaji thei. Nathumwui ringphā khavai ithumna sakkharumaya.

GALATIANAO 2:20

chieina ringda khalei hi I maningluimana, kha Khristana ili kharingna. Arui ina ringda khalei hi Varewui Naomayara ili leishida amanglā chihokhame chili shitkasang mangā eina kharingna.

EPHESIANAO 2:8

Kaja shitkasang mangā eina nathumli huikhami hi Varewui lukhamashanna, nathumna sākakhui maningmana, kha Varewui lemmetna.

EPHESIANAO 3:17

Shitkasangwui mangā eina Khristana nathumwui wuklungli pamkhavai kala leikashili shimphung kala angayung sāda sa̱titkhui khavai ina seihā sai.

PHILIPPINAO 1:6

Kala nathumwui lungli kaphā ot sāphokkhame Varena, Khrista Jishuwui Zimiksho eina tangda ot chi sāchingrada shitsangchaowa.

PHILIPPINAO 4:7

Mikumona maphaningvākharar Varewui chingri kahai china nathumwui wuklungla, ningla Khrista Jishuli khangarumwui alungli haimira.

2 TIMOTHY 3:15

kala nganuilakhawui eina thuida, Khrista Jishuli shitkasang mangā eina huikhami samphang khavaiwui apongli thanvākhamiwui thangkhamei mishapa kathara tui chi nana theihaira kaji phaningunglu.

TITUS 2:13

Ithumna kachihān khamahaiya zimiksholi ngaraida ithumwui Huikhame Jishu Khrista kala hakkhamahā Varewui tekhamatei chi rāthanghon

HEBREWNAO 6:12

Chiwui vang eina nathumli ngachāng makakā mi mangasā ngasakngaimana, kha Varena ngashitmi kahai chi samphang khavai shitkasang eina lāngkatha̱bing kathā sāngasakngai.

HEBREWNAO 9:28

Chiwui eina kachungkhawui morei pheomi khavai Khristali akhashida pha̱kaphayāna. Moreili bichar sākhavai maningla kha ali khangaraibingli huikhui khavai kakhane sāda rāluira.

1 PETER 1:13

Chiwui vang eina nathumwui ning ngazipmeilu. Ningkhariklu kala sokhami chiwui vang nathumwui kachihān leichingda Jishu Khristali theithang nathumli sokhami mira.

1 PETER 4:13

Kha Khristawui kachotkachāng phungkhangarumana da ringphālu. Chithada sāda awui tekhamatei chi phongshokthanghon nathum ringkaphāna pemtinghaora.

1 PETER 5:1

Ila churchwui arar akha sāda nathumwui church ararbingli kapona: I Khristawui kachotkachāngwui shākhi khame akhana kala rāphongmiki kaji tekhamatei chili ila zangrumra.

2 PETER 1:3

Ithumli awui phākhamataia tekhamatei samphangrum khavai kahoa chili katheiwui vang Varewui tharkhamatheng pangshap china ithumwui mirin kala dharmarinli ringkhavai darkar kasā saikora ithumli mihaira.

1 JOHN 3:2

Leikashebing, ara ithum Varewui naongarāna. Kha ithum naoda kathasānikhala kaji arui matheirarmana. Chithālala ithumna thei kaja Khristana kharā tharan ithumla a thahaora kala a hithālaka kaji ithumwui mik eina theira.

JUDE 1:1

Jameswui agato kala Jishu Khristawui otram khangatha̱a Judena, Jishu Khristana ngākkhami kala Avāva̱ Varewui leikashilungli kharinga Varena hokhui kahaibingli kagapina.

JUDE 1:24

Ara kongluipaishinada mayonkhame, tekhamateiwui mangāli chukhara̱ maleila mathānthathup eina thānzangkhame,

1 SAMUEL 2:9

“Ningtongda shitkasangbingli ana mayonmira; kha makhayābingle tangkhamangli katatshokhaora; kaja, mina pangshap eina mayuimara.