1 PETER 1:4 - Kathara Bible (BSI)

⁴ Chiwui vang Varena awui mibingli haikhami shānla makakhui sokhami samphang khavai ithumna mangāshong yangvai. Ana nathumwui vang mashuikapai, mamakhaokapai kala mashimānkapai chi kazipmihaili.

1 PETER 1:4 Iomraidhean Croise

LAA 31:19

O nali khangacheebingwui vanga, teokha phāda ngarānmihaili, nali ngayinkakhuibingli mibingwui miktāli teokha phāda sāmi kachangle!

LAA 47:4

Ithumwui shimlui ana kapangkhuimi, ana leikashe Jacobwui maikhayāna.

ISAIAH 66:22

“Kaja kazingram kadhar, okathui kadhar na sākhuiki kaji chi, iwui mangāli leichingra da Prohona hānga; chithāda nawui ara̱-azā kala nawui ming leira.

EZEKIEL 47:12

Kala kongphei khaninili shaikapai atheirong kachungkha phorra. Athumwui anahla mangahuilakmara, atheila matheichingra, kachāng kachida athei kathar matheira, kaja chili khalonga tara̱ chi tharkhamathengpamwui eina katāna. Athei chi kashakazā sāra, anahna ari sāvaira.”

MATTHEW 25:34

Chiwui thili Awungana awui yāshong khaleibing chili hāngra, ‘Rālu, ishāvāna sokhamebing, okathui sākaphokwui eina nathumwui vang ngarān kahai wungram chi mathunkhuilu;

MARK 10:17

Jishuna kharam vākhavai zatphokluishit kaji tharan mi akha ngasamrāda khuktizanglaga ali rangahāna, “Kaphā Ojā, makashimān kharing samphang khavai ina khi sārakhala?”

OTSAK 20:32

Ara ina nathumli Varewui yangkhami kala awui lukhamashanwui tui chili horsangli, tui china nathumli reisang ngasakshapa kala awui mi saikorali Varewui sokhami mishapa.

OTSAK 26:18

Nana athumwui mik rakngasakra, kala tangkhamangwui eina kahorli latung ngasakra kala Satanwui pangshapwui eina Vareli latung ngasakra. Chithada sāda athumna ili shitkasangwui vang athumwui morei pheokhami samphangra kala Varewui kapangkhui kahai mibingwui ngachaili zangpaira.’

ROMNAO 8:17

Ithum Varewui naongarā sāhaogada, awui shimluikatbingna samphangrānwui sokhami chi samphangra kala ithum Khristawui kachotkachāng phungrumakha tekhamatei yar chila samphangrumra.

1 CORINTHNAO 9:25

Khangareo mi kachiva̱na shimānhaoki kaji wonrui chiwui vang angarak tāzak eina mayona; kha ithumva kashimān kaho mavaiki kaje chiwui vangna.

GALATIANAO 3:18

Varena lemmet hi ainwui athishurda khamina jisi kaja ngashitmi kahai chi makanāluimana. Kha Varena ngashitmi kahai lemmet chi ana Abrahamli khamina.

EPHESIANAO 1:11

Ot saikora Varewui khangarān kala kaphaning athishurda kashokna, kala awui kharin haokaphokwui eina ana ngarānping kahai chili pheisin sāda ithum Khristali khangashiklungli awui mibing sākhavai Varena kapangkhui kahaina.

EPHESIANAO 1:14

Varena awui mibingli ngashit kahai ithumna samphangki kaji shimlui chi masamphangranglakha eina tangda Manglā hina shākhina. Awui tekhamatei chili sochikatsa.

EPHESIANAO 1:18

Nathumwui ning shoda awui kahor theikhavai ina pomi, china nathumli hokakhuiwui kachihān chi khikhala kala awui mibingli kayākha tekhamatei lan ngashitmihaikhala da nathumna mathingrik theira,

COLOSSIANAO 1:12

Varena awui miyurbingwui vang ngarānmi kahai wungram chili nathumwui sharukla zangngasakhaowa kajiwui vang khamathān eina ngasoda Avāva̱li masotchikatlu.

COLOSSIANAO 1:5

Nathumli khamashung chānpao—Pao Khamathā, rimeikapta rāhāngkachithei tharan china nathumli kachihān mira kaji chi nathumna shāhaira. Chieina shitkasang kala leikashina pheisin sāda khalei nathumwui kachihān chi kazingramli mathālak eina pharimihaida lei.

COLOSSIANAO 3:24

Prohona awui mibingwui vang ngarān kahai sāman chi nathumli mira kaji hi phaningungchinglu. Kaja nathumna otram ngatha̱da khalei Khrista chi Akhavā chilaka.

2 TIMOTHY 4:8

Chithang Zimiksho khangaronga mashunwona, imāngli maningla kha leikashi eina ngasoda ali khangaraibing saikorali miki kaji khamashung khangarongwui wungkuihon china ili ngaraili.

HEBREWNAO 10:34

Phātop kazangbingli nathumna chotruma, kala nathumwui ot ngapaithuihailala kashimān chiwui vang ringphai, kaja makashimān kala phākhamei lan ngarānhaida lei kaji nathumna thei.

HEBREWNAO 9:15

Hiwui vang eina Khristana kadhara tuingashitwui ngashikmena. Varena ngashit kahai katang makhavai sokhami chi ana hokhui kahaibingli samphang ngasaka, kaja khare tuingashit chiwui eina ningkhān khavai thikhamina.

JAMES 1:11

Zimikna malinglak eina kashok tharan arong chi ngahuihaowa kala ja̱tāhaoda chiwui khamathāla shimānhaowa. Chi tākam eina kashānga mi chila lan ngahomzatta leilakha shimānhaowa.

1 PETER 3:9

Makaphāwui vang makaphā masaalu, khonkashiwui vang makhonshialu, kha somitha̱lu, khikhalajila nali hokhuithang Varena sokhami hi ngashitsang kahaina.

1 PETER 5:4

Chieina Yaokahoma akhavā kharā tharan mashimānkapai tekhamateiwui kuihon chi nathumna samphangra.

PHONGKHAMI 21:27

Kha khamakhao ot akhala hili mazangpaimara, sākakhamāng kala khayon-khamāng ot kasābing mazangpaimara; kha Yaonaowui kharinga lairikli aming kapikahaibingmāng zangra.