1 PETER 1:3 - Kathara Bible (BSI)

³ Ithumna Proho Jishu Khristawui Avāva̱ Vare chili ningkashi misa! Khikhalajila Jishu Khristali kathiwui eina ringlui khangasak mangā eina ithumli awui hakkhamahā leikashiwui alungli mirin kadhar mihaira. China ithumli kharing kachihān chipemmi.

1 PETER 1:3 Iomraidhean Croise

1 WUNGNAOBING 8:15

Kala ana hānga, “Ishāvā Davidli awui khamor eina ngashit kahai chi apāng eina ungshungkhame Israelwui Proho Vare chili soranu,

1 THOTRINCHĀN 29:20

Chiwui thili Davidna saikora kazip chili hānga, “Nathumwui Proho Vareli solu.” Chieina athumna Proho Vareli masot chigatta khoruma kala awungalila khayākashi mi.

2 THOTRINCHĀN 31:8

Hezekiah eina awui wungnaobingna kachungkha kazip kahai chi atheilaga Proholi ningkashi mida awui mi Israelnaobingli somi.

LAA 41:13

Israelwui Proho, Vare chili, katang makhavaiwui eina katang mavaila sochingranu! Amen! Amen!

LAA 86:15

Kha O Proho, nava lukhamashan leikashi Varena, malung mavatkazāra kala makhangachei leishikatha ningkatong Varena.

LAA 86:5

Kaja nava, O Proho, kaphā kala pheokhamena nali khangakaobingli makhangachei leikashi pemting eina mi.

SHONGZĀ 34:6

Prohona awui mangāli rākāda, “Proho, Proho, lumashan leishikatha Vare, kala malungmavatkazāra, kala makhangachei leikashi eina ningkatongna pemting kahaia,

ISAIAH 26:19

Thikahaibing athumwui phasā eina ngakarthuiluishitra. O chifali okkathuibing, ngakarthuida khamathānwui laa sālu! Kaja ikra̱na apuk-apagva̱̱li ning mathing khangasak thāda, Prohonala achā thikahai athumli ngakarthui ngasakluishitra.

JONAH 4:2

Kala ana Proholi seihā sāda hānga, “Iram ngaleili leilakha hithārada ina nali mahāngmala? Hiwui vang ina thaklāk eina Tarshishli yāmkhavāna kaja ina thei, na lukhamashan leikashe, malungkhanima, leikashili nganingtit kaje kala makaphāwui eina ning khangacheia Varena.

JOHN 1:13

Varewui kaphaning eina kapharā saikorali ana Varewui naongarā ngasā khavai pangshap mi.

ROMNAO 12:12

Nawui kachihān china nali ringphā ngasaklu, kachotkachāngli khāngda sālu kala seihā sāchinglu.

ROMNAO 15:13

Kachihānwui ura̱ Vareli nathumna shitkasang khaleiwui mangā eina khamathān kala chingri kahai chipemiranu. Chieina nathumwui kachihān chi Manglā Katharawui pangshap eina mataisangra.

ROMNAO 4:25

Ithum moreiwui vang ali thingasaka kala mashungmi khavaiwui vang ringlui ngasaka.

ROMNAO 5:10

Kaja ithum Varewui yangkashe ngasāda leilakha, Anaomayarawui thikhami mangā eina Vareli ngashimi, langmeikharda ara ithum ali ngashimhaoda Khristawui kharing mirin china ithumli kayākha mataida huimirakhala!

ROMNAO 8:11

Jishuli ringlui khangasaka Varewui Manglā china nathumwui lungli leiakha, Khrista Jishuli kathiwui eina ringkhangasaka kala nathumwui lungli leiching kaje awui Manglā china nathumwui shimānkapai phasā chi ringngasakra.

ROMNAO 8:24

Kaja kachihān chiwui vang ithumli huimihaira. Kha kachihān chi ithumna mik eina theihaosi kaja chi kachangkhat kachihān maningmana. Kaja theikahai chili khipāna kachihān leikhala?

1 CORINTHNAO 13:13

Chieina shitkasang, kachihān, kala leikashi; kathum hi leichinga: kala chiwui ngachaili leikashina mataimeikapa.

1 CORINTHNAO 15:20

Kha makhangapata tui chiya Khristali kathiwui eina ringshok ngasakhaira kaji hi kathebingna ringluishitra kajiwui ning nganung khangasakna.

2 CORINTHNAO 1:3

Ngachonmiching kaje Vare, lumashankatha Avāva̱ kala ithumwui Proho Jishu Khristawui Avāva̱li ningshisa.

GALATIANAO 6:16

Hikathā ayin hi mirinli mayonrā kahai athumli chingri kahai kala phaningkhami chi leichingranu.

EPHESIANAO 1:17

kala ithumwui Proho Jishu Khristawui Varivara, tekhamatei Avāva̱, china Manglā chi nathumli mikhavai ina pomi. China nathumli theithangmei ngasakra kala Vareli theingasakta nathumna ali mathāmeida theikhuihaora.

EPHESIANAO 1:3

Ithumwui Proho Jishu Khristawui Vare kala Avāva̱li ningshisa! Kaja ithumna Khristali khangarumwui vang kazingram katha apuk-apaga hili ithumwuitungli manglāwui sokhami kachungkha heirormihaira.

EPHESIANAO 1:7

Kaja Khristawui asheena ithumli ningkhānmi, chiya ithumwui morei pheomihaira. Varewui lukhamashan kayākha hakmahākhala,

EPHESIANAO 2:4

Kha Varewui lukhamashan khavāt maleimana kala awui leikashi hakmahālaka,

EPHESIANAO 3:20

Ithumwui lungli pangshapna ot sāmida ithumna kahāngli kala kaphaningli langmeikharda ngarānkhame ā chili,

COLOSSIANAO 1:23

Paul ina paokaphā chiwui otram khangatha̱ sāda kazingramwui azingli khalei manglākapai yur kachiva̱li tamchithei kahai nathumna shākahai paokaphāli kachihān chi mangacheila nganingtitta shitsangchinglu.

COLOSSIANAO 1:27

kathuka tui hi awui mibingli chithei khavai kala miyur saikorawui vang kayākha tekhamatei tuikhala da chitheikhangai hi Varewui khangarānna. Kathuka tui chiya Khrista nathumwuili zanghaoda Varewui tekhamatei chili nathumla zangrumhaira.

1 THESSALONICANAO 1:3

Ithumwui Avāva̱ Varivarawui mangāli nathumwui shitkasang eina leikashiwui otsak kala ithumwui Proho Jishu Khristali chihāntitta khalei chi phaningungchinga.

1 THESSALONICANAO 4:13

Ivānaobing, nathumli thikahai athumwui pongli khamashung tui chi theingasakngai, chieina nathumna kachihān makhaleibing thada wukmakhanangmara.

2 THESSALONICANAO 2:16

Ithumli leishikhami kala awui lukhamashanlungli makhangachei malungkaping kala kachihān khame ithumwui Proho Jishu Khrista kala ithumwui Avāva̱ Varivarana,

1 TIMOTHY 1:14

Khrista Jishuwui lungli khalei shitkasang kala leikashi eina ngasoda ithumwui Prohowui lukhamashan chi iwuitungli mavātlakla heirormi.

TITUS 2:13

Ithumna kachihān khamahaiya zimiksholi ngaraida ithumwui Huikhame Jishu Khrista kala hakkhamahā Varewui tekhamatei chi rāthanghon

HEBREWNAO 3:6

Kha Khristana anaomayara sāda Varewui shim ningtongda mayonmi. Ithumna kachihān chiwui vang khanao eina tangda ninglumtur eina singtitakha, ithum awui shimna.

JAMES 1:18

Khamashung tui chiwui mangā eina ā khalattana ithumli raokthui ngasaka. Chieina ana sākahai saikorawui ngachaili ithum hi pharākhare kathā ngasai.

1 PETER 1:13

Chiwui vang eina nathumwui ning ngazipmeilu. Ningkhariklu kala sokhami chiwui vang nathumwui kachihān leichingda Jishu Khristali theithang nathumli sokhami mira.

1 PETER 1:21

Awui mangā eina nathumna Vareli shitsanga. Ali Varena kathiwui eina khangmathotta tekhamatei chi mi; chieina nathumwui shitkasang kala kachihān chi Vareli lei.

1 PETER 1:23

Varivarawui kharinga kala leiching kaje tui chiwui mangā eina shimānkapai athā eina maningla mashimānkapai athā eina nathumli pharā ngasakluishithaira,

1 PETER 2:2

Pharādhadhar angangnao thada atam kachida kashenga manglāwui seina̱ ningchānglu. Chithada sāda chi khamangwui vang nathum rarsangda kahui samphangra.

1 PETER 3:15

Kha nathumwui wuklungli Khristali khayāshilu kala Prohona da mayālu. Ali kachihānwui pongli nathumli ngahānakha ngahānkāthei khavai ngarān kharirikhailu.

1 PETER 3:21

Hi arui nathumli huikakhui ra̱kahikwui amahāna. Hi pha̱sāwui khamakhao pheokatā maningmana, kha ana Vareli mayāda ning horsangchaolaga awui kahāng nganāra da ra̱kahikwui otsak kasāna. Jishu Khristawui ringkashok china nathumli huimi.

1 PETER 3:5

Achālakhawui shitkasanga sha̱naobingna Vareli chihānda gahara ngarāli hamsanglaga athum khalatta mathā ngasaka.

1 JOHN 2:29

Khristava khamashungana da nathumna thei. Chiwui vang eina mashun ot kasā mi kachiva̱ Varewui naona da theiphalungra.

1 JOHN 3:3

Hikathā kachihān khalei mi kachiva̱ Khristana kathar tākam eina ala thara.

1 JOHN 3:9

Varewui nao ngasā kahai a china morei sālui sālui majimana, kaja Varewui asak-avāt chi awuili lei, kala Vare hi awui Avāva̱ sākahaiwui vang ana morei masāluimana.

1 JOHN 4:7

Leikashebing, ithum akha eina akha leishi ngaroksa, kaja leikashi hi Varewui eina kharāna. Leishikatha mi chi Varewui naona.

1 JOHN 5:1

Jishu hi Messiahna da shitkasanga mi chi Varewui naona, kala Avāva̱li leikashe mi china Anaolila leishi.

1 JOHN 5:18

Varewui nao khipānakha morei sālui sālui majimana kaji ithumna thei, kaja Varewui Naomayarana ali yangmihaida makaphā china ali khikha masāthukmana.

1 JOHN 5:4

Khikhalajila Varewui nao kachiva̱na okathuili maishi ngasakshapa kala shitkasang mangā eina okathuili ithumna khayuina.