1 PETER 1:25 - Kathara Bible (BSI)

²⁵ kha Prohowui tui chiya katang mavaila ngayurzatchinga, tui chi nathumli hāshok kahai khamathā paokaphā china.”

1 PETER 1:25 Iomraidhean Croise

LAA 102:12

Kha Proho, nava mashimānda wungpamkhongli pamchinga; naming mithot saikora leichinga.

LAA 102:26

Athum shimānra, kha nava leichingra; athum saikora kashankachon thāda kakhaora. Kashankachon thāda nana ngacheimi, kala athum kānthuihaowa;

LAA 119:89

O Proho, nawui tui kazingramli ngaziplak eina katang mavaila leichingra.

ISAIAH 40:6

Akhon akhana “Vaolu” da hānga: Kala ina, “Khi vaorakhala?” da hānga. Asā khavai saikora khawona, kala chiwui khamathā saikora luiwui awon kathana.

ISAIAH 40:8

Thingnāna thenga, awonla ngahui, kha ithum Varewui tui mashimānda leichingra.

MATTHEW 5:18

Ina nathumli kachangkhat eina kahāng hina, kazingram eina okathui mashimānranglakha eina tangda kala sāki kaji ot saikora masākupranglakha eina tangda ainwui mayekkainao akhala mashimānlakmara.

LUKE 16:17

Kha Ainwui tui sampārikkha sākakhailiva kazing eina okathui shimān kahaina paimei.

JOHN 1:1

Haokaphokli Tui chi leisai, Tui chi Vareli ngasosai, kala Tui chi Varena.

JOHN 1:14

Kala Tui chi asā ngasāhaowa kala lukhamashan kala khamashung pemting eina ithumwui alungli raokthui. Avāvawui Naohonaotong sāda ana samkaphang awui tekhamatei chi ithumna yanga.

1 CORINTHNAO 2:2

Khikhalajila Jishu Khrista kala awui thimalokhami maningla ina nathumli ngasopamda leilakha katei akhala matamchitheilakmara jikahaina.

EPHESIANAO 2:17

Chithada sāda Varewui eina tāda leikasā Gentile nathumlila, Vareli nganaida leikasā Jihudibinglila, chingri kahai paokaphā chi saikorali Khristana rāhāshoka.

EPHESIANAO 3:8

Awui mibingwui ngachaili teomeikap kaje chilila I teomei, tha-ilala Khristawui mashānkharar kashāng chiwui paokaphā chi Gentileli hāshok khavai,

TITUS 1:3

kala retkahai atam chili awui paokaphāli phongshokmiya. Hi ili chisin kahaina, kala chi ithumwui Huikhame Varewui kakaso eina hākashokna.

HEBREWNAO 6:5

Vare tuiwui khamathā kala, rāki kaji thotwui pangshapla mazapyanghailaga,

1 PETER 1:12

Marānbingli Varena phongkhami hi athumwui vang maningmana, kha nathumwui vangna kaja paokazatbingna kazingramwui eina kashirāt Manglā Katharawui mangā eina nathumli hāngkhami ot hi kazingraobingnala theingai.

1 PETER 1:23

Varivarawui kharinga kala leiching kaje tui chiwui mangā eina shimānkapai athā eina maningla mashimānkapai athā eina nathumli pharā ngasakluishithaira,

1 PETER 2:2

Pharādhadhar angangnao thada atam kachida kashenga manglāwui seina̱ ningchānglu. Chithada sāda chi khamangwui vang nathum rarsangda kahui samphangra.

2 PETER 1:19

Khamarān tui chi ithumna mathāmeida theikhui. Tui chili nathumna ningsangmeida nganākhuiakha phāmeikharra, khiwui vangkhala kaja hiya kazing mathangranglakha kala nathumwui ningli zingthanwo mashokranglakha, tangkhamang pamli thaomei kashar kathāna.

1 JOHN 1:1

Haokaphokwui eina leikasā kharinga Tuiwui pongli ithumna kagapina. Ithumna shāhaira, ithumwui mik einala theihaira; mha, mik einala theihaira kala ithumwui pāngna saza̱haira.

1 JOHN 1:3

Ithumna theikahai kala shākahai chi nathumlila hāngkachitheina. Chieina ithumna Avāva̱ kala Anaomayara Jishu Khristali ngarumsak khalei chili nathumla ithumli ngasoda zangpaira.

PHONGKHAMI 14:6

Chiwui thili kazingram alungthungli kazingrao akha yongkazat ina thei, ana katang makhavai paokhamathā khuiphungda okathuili khalei yur, jat kala tuiyur kachiva̱li hāshokazatna.