1 PETER 1:22 - Kathara Bible (BSI)

²² Achinā ngarāli ningtharda leishi khavai khamashung chili kahāng khanganāwui vang nathum khalatta tharhaogada, nathum akha eina akha ningtongda wuklung eina leishi ngaroklu.

1 PETER 1:22 Iomraidhean Croise

JOHN 15:17

Hi iwui ningkhamina; akha eina akha leishi ngaroklu.

JOHN 15:3

Ina nathumli tamchithei kahai tui chieina nathumli tharngasakhaira.

JOHN 17:17

Khamashung chieina athumli namingli dharchikatmilu, kaja nawui tui chiya khamashungana.

JOHN 17:19

Kala athumna khamashung eina chigatshap khavai I khalatta nali kachigatna.

OTSAK 15:9

Ana ithum eina athumli ngatei khangasak maleimana, kaja shitkasangwui mangā eina ana athumwui morei pheomi.

OTSAK 6:7

Chieina Varewui tui ngayaovāshumda Jerusalemli sākhangatha̱bingwui mishān mataikhangai mataisanghaowa, kala pāngmon kachungkhala shitsanghaowa.

ROMNAO 1:5

Miyur saikorali shitkasang kala kahāng khanganāli thānsangmi khavai Khristawui mingwui vang awui mangā eina ili paokazata akha sāngasaka.

ROMNAO 2:8

Kha khamashungli manganāsangla tuikaili zangda makaphāli kazangbingli Varewui malungkhavāt khonshāt tāshungra.

ROMNAO 8:13

Kaja nathumna phasāwui athishurda ringakha nathum thira. Kha Manglāwui mangā eina phasāwui otsak chi chithithaiakha ringra.

2 CORINTHNAO 6:6

Kathar eina, theikakhui eina, ja̱khami eina, lukhamashan eina, Manglā Kathara kala kachangkhat leikashiwui lungli

GALATIANAO 3:1

Mangkhama̱ Galatianaobing! Nathumli khipāna khara̱ sangmihaokhala? Nathumwui miktāli Jishu Khristali krushli shaokathat nathum mathālak eina theikahaina!

GALATIANAO 5:5

Shitkasangwui vang manglāwui pangshap eina Varena mashungmira kaji hi ithumwui kachihānna; kala chiwui vang khangaraina.

GALATIANAO 5:7

Nathum phālak eina sāsai! Khipāna khamashung chili mashur khavai nathumli khāmhaokhala? Khipāna suithuihaokhala?

EPHESIANAO 4:3

Makaikapai chingri kahai chieina ngasoda manglāna khami ningkha kasā chi leiching khavai ngarānlu.

PHILIPPINAO 1:9

Kala theikakhui eina chukkhamaja̱ ngasoda nathumwui leikashi mataisangmamān khavai ina seihā sai.

1 THESSALONICANAO 3:12

Ithumna nathumli leikashi chiyākha khalei thada nathum akha eina akha leikashi kala mi saikorali leikashi chi Prohona mataimeida ngarumsangmiranu.

2 THESSALONICANAO 1:3

Ivānaobing, nathumwui vang atam kachida ithumna Vareli ningshi. Hi ithumna sāngayilāk kahai otna, khiwui vangkhala kaja nathumwui shitkasang mataisangmamānda lei kala akhana akhawui vang leikashila mataisangmeihaira.

2 THESSALONICANAO 2:13

Prohona leikashe ivānaobing, ithumna nathumwui vang atam kachiva̱li Vareli ningshiphalungrali. Kaja Manglāwui pangshap eina nathumli Varewui kathara mibing kala nathumna khamashungli shitkasangwui mangā eina nathumli huikhui khavai kapangkhui.

1 TIMOTHY 1:3

Ina Macedoniali vauki kaji tharan pokahai thada, nali Ephesusli leisā ngasakngai. Chithākha apam chili mi kaikhana minama pao tamchitheida khalei chi matamchithei khavai kasoshapra.

1 TIMOTHY 1:5

Ithumna kakaso hiwui ningrin chiya, kathara wuklung, tharzā kahai mashun-makhui kala kachangkhatwui shitkasang eina kharā leikashi chi mataisang khavaina.

1 TIMOTHY 4:12

Na nganuida leiya da mi khipānakha machipat ngasakalu, kha katharli, shitkasangli, leikashili, kasākhavāli kala tuimatuili shitkasangbingna ngayokhavai sālu.

1 TIMOTHY 5:2

Rarkhamei sha̱naobingli nashava̱ thada, kala nganuikhamei sha̱naobingli nazarva̱ thada ningkathar eina phaninglu.

2 TIMOTHY 1:14

Ithumwui wuklungli khalei Manglā Kathara chi eina nali chisin kahai chi mayonlu.

HEBREWNAO 11:8

Shitkasang mangā eina Abrahamna Varewui kaho nganāda ngashit kahai ngalei chi samphang khavai, ana kali vānikhala kaji matheila zata,

HEBREWNAO 13:1

Chinaongarāwui leishāt nathumwuili leingasakchinglu.

HEBREWNAO 5:9

Kāshungchao ngasak kahai tharan awui kahāng khanganābing saikorawui vang katang makhavai huikhamiwui ura̱ok ngasāhaowa,

HEBREWNAO 6:10

Vareva mashun bichar sākhamena. Chiwui vang eina nathumna sāmi kahai otsak lah katharabingli ngachonkhami eina nathumna ali leikashi chithei kahai kala aruila athumli ngachonmida khalei chi ana mamalaimara.

HEBREWNAO 9:14

Chithākha Khristawui ashee eina kayākha mataida tharmirakhala? Katang makhavai Manglā chieina chukkhara maleila a khalatta Vareli pha̱mi. Awui ashee eina ithumwui mashun-makhui chi makaphā otsakwui eina tharmihaida kharinga Vareli otram ngatha̱pai khavai sāmi.

JAMES 1:21

Chiwui vang eina makathar kala makaphā-makhayā acham aram saikora chihohaida Vareli mayālu, kala nathumwui ningli lingsangmi kahai huimishapa tui chi malungkhanim eina khuisanglu.

JAMES 4:8

Vareli nganailu, chithākha ana nathumli rānganaimira. Morei kaphungabing, nathumwui pāng maziklu. Phākakhaningbing, nathumwui wuklung tharngasaklu.

1 PETER 1:2

Avāva̱ Varewui kharin athishurda kapangkhui kahaia kala Jishu Khristawui kahāng nganā khavai kala awui ashee eina chairormi khavai Manglā china kathara mibing sāngasak kahaibingli kagapina. Lukhamashan kala chingri kahai chi chungmataimeida nathumwui ngasāranu.

1 PETER 2:17

Mi saikorali khayāshilu, avānao ngarāli leishilu, Vareli ngacheelu, kala wungreili khayāshilu.

1 PETER 3:1

Hithada sāda preiva̱ ngarā, nathum khalatta gahara ngarāli hamsanglu. Chieina athum kaikhana Vare tui hili mashitsangsālala nathumwui acham-aramna athumli yuikhuida shitsang ngasakakha nathumna tuikhur akha hānglui khavai maleiluimana.

1 PETER 3:20

Manglābing chiya Noahna awui marikhong semlakha Varena honsānlak eina honlaga makhuikasangbing china. Marikhonglungli leikasā athum chishatmāng tara̱wui eina huikhuiya.

1 PETER 3:8

Naomeikapta, nathum saikora ngaraikachā ningphanin kala ningngai leiphalungra; akha eina akha chinaongarā thada leishilu, kala akha eina akha lumashanthei ngarokta lāngkaso ningngai malei ngarokphalungmara.

1 PETER 4:17

Bichar sāki kaji atam chi rāhaira, kala bichar chi Varewui shimkhur mibingli rira, kala hi ithumwui eina haophokra jiakha, Varewui Paokaphāli mashitkasang athumwui akatang chi katharali?

1 PETER 4:8

Akha eina akha leishi khangarok hina mataimeikap kajena, khiwui vangkhala kaja khayon-khamāng kasā saikora leikashina pheomishapa.

2 PETER 1:7

dharma kaphaningli chinao ngarāwui khamashit kala chinaongarāwui khamashitli khalem leishāt ngarumsanglu.

1 JOHN 3:11

Akha eina akha leishi ngarokphalungra kaji hi nathumna haokaphokwui eina shākahaina.

1 JOHN 3:23

Awui kakaso chi hina; ithum Anaomayara Jishu Khristali shitsangphalungra kala Khristana kaso kahai thada akha eina akha leishi ngarokphalungra.

1 JOHN 4:12

Vareli khipānakha mik eina matheilakranga, kha ithum akha eina akha leishingarokakha Vare ithumwuili lei, kala awui leikashi chi ithumwuili pong ngasaka.

1 JOHN 4:20

Kachikathāna “I Vareli leishi” jilaga avānaoli yangkharingakha a kakapikna, kaja ana mik eina kathei achināli maleishiakha, mik eina makathei Vareli maleishirarmana.

1 JOHN 4:7

Leikashebing, ithum akha eina akha leishi ngaroksa, kaja leikashi hi Varewui eina kharāna. Leishikatha mi chi Varewui naona.

PHONGKHAMI 2:4

Kha nali mamayākhangai hi lei; khareli nana ili leikashi leishāt chi ara maleithura.