1 PETER 1:12 - Kathara Bible (BSI)

¹² Marānbingli Varena phongkhami hi athumwui vang maningmana, kha nathumwui vangna kaja paokazatbingna kazingramwui eina kashirāt Manglā Katharawui mangā eina nathumli hāngkhami ot hi kazingraobingnala theingai.

1 PETER 1:12 Iomraidhean Croise

SHONGZĀ 25:20

Cherubim khaniwui angachāng hārshokta lukhamashan pamkhong chi kahārphinra, kala akha eina akha ningkhami okovāk yangngasungra.

CHĀNSAM 1:23

Iwui hāngkhamachinli nganālu, yanglu, ina iwui kaphaning nali hāngsera; iwui tui ina nali chitheira.

ISAIAH 32:15

atungshongwui eina manglā ithumli maheirormiranglakha, lamhāng chi athei khamathei tampāk mangasāranglakha, kala athei khamatheiya tampāk chi ngahong kathā mangasāranglakha eina tangda.

ISAIAH 53:1

Ithumna shākahai chi khipāna shitsangkhala? Kala khipāli Prohowui pāng chitheihairakhala?

DANIEL 10:1

Persiawui awunga Cyrusna mungda kakathuma kum, Belteshazzar kaho Danielli tui akha rāphong chithei. Kala tui chi mashunga, chi haklāk kahai raireiwui ponglina. Kala ana tui chi theishingkhui kala khamahā chi theikhuichaowa.

DANIEL 12:13

“Kha atam maungranglakha ungngasāmkhuisālu, khangachanga atam ungkashung tharan nawui vang ngarān kahaipam chili thuinganingnaora.”

DANIEL 12:9

Ana hānga, “Daniel, ungulu, atam maungranglakha eina tangda saikora hi mahor namlaga haikahaina.

DANIEL 2:19

Kala Danielli māngli rāmahāmida khangathuma tui chi chitheimi. Chieina Danielna atungshongwui Vareli ningkashi mi.

DANIEL 2:22

Kasaka kathuka tui ana phongmi, tangkhamangli khalei chila ana thei; kala awuili kahor lei.

DANIEL 2:47

Awungana Danielli hānga, “Kachangkhat eina nawui Vare hiya varebingwui Varena kala awungabingwui Prohona, kala ngathum kahai phongkhamena; khikhalajila ngathum kahai hi nana phongmishaphaowa.”

DANIEL 8:13

Chiwui thili kathara akhana kahāng ina shai; kala kahānga chili khangatei kathara akhana hānglui, “Machatlakla rikkatā kachigat, mashun maleila shimān khangasaka, katharashim horsangmihaida chiwui ashangva̱li naikakazamwui khamahā kathei hi karankhafarakhala?”

DANIEL 9:24

“Nawui mibing kala nathumwui kathara keinungwui pongli khalāng ot kasāwui eina ngalat khavai, morei kasā tangkhavai, kala pheomi khavai, katang mavaila khamashung khangarong samphang khavai, khamahātui eina marāntui khanini mahor namkhavai, kala tharmathengmeikap kajepam chi thao neomi khavai atam, zingkumwui haptā hangshini kakmihaira.

JOEL 2:28

“Kala naoda hithāda shokra, chiya, phasā khavai kachiva̱li iwui manglā heirormira. Nanaomayara, nanao ngalāva̱ ngarāna marānra, khararnaobingna mang machutra, kala yaronnaobingna khamahā theira.

AMOS 3:7

Kachangkhat awui rao marānbingli maphongmila, Proho VAREna khikha masālakmana.

ZECHARIAH 12:10

“Davidwui shimkhurli kala Jerusalemli kapamabingli ina lumashankathei eina seihā sākatheiwui manglā heirormira, chieina athumna rungthat kahaiapā chili khayang tharan athumna naoho-naotongli chapkhangachā thāda chapngachāra, kala naochizai thikahai thāda ningchotlak eina chapra.

MATTHEW 11:25

Atam chili Jishuna phongshoka, “Ina nali ningshili Avā, kazing eina ngaleiwui Proho, khiwui vangkhala kaja nana otbing hi thangkhamei kala katheiabingwui eina thummihailaga angangnaobingli chitheimi,

MATTHEW 11:27

“Ishāvāna ili ot saikora horsangmihaira. Avā maningla Anaomayarali khipānakha matheimana, kala anaomayarana kala ana theingasakngaida kapangkakhuiabing maningla khipānakha Avāli matheimana.

MATTHEW 16:17

Chieina Jishuna ali ngahānkai, “Johnwui naomayara Simon, na ka̱lā mahai! Kaja nali asā khavaiya kala ashee kazangana phongkhami maningmana, kha kazingramli khalei iwui Avāna phongkhamina.

MARK 16:15

Ana hānga, “Okathui apam katongali vālu kala miyur saikorali paokaphā hi hāshoklu.

LUKE 15:10

Chithada sāda ina nathumli kahāngna, morei kaphunga akhana ning khangatei chitharan Varewui kazingraobingna ringphā mathāna.”

LUKE 2:26

Prohowui Khrista chi matheiranglakha eina tangda a mathimara da Manglā Katharana phongmihairasai.

LUKE 9:6

Chieina athumna zatuwa kala khavāvā kha̱ kachiva̱li paokaphāla hāshoka kala kakazāla raimi.

JOHN 15:26

Kha Avāwui eina kashoka khamashungwui Manglā, Avāva̱wui eina ina nathumli chihorāki kaji Machinme kharā tharan, ana iwui vang shākhi mira;

OTSAK 10:44

Peterna tui hi hāngmahunglakha, pao hi kashā saikorawuitungli Manglā Kathara tāshunga.

OTSAK 16:10

Ana chi theikahaiwui thili, ithumna Macedoniali vākhavai khangarān sāhaowa, khikhalajila apam chili khalei mibingli paokaphā hāshok khavai ithumli Varena hohaira da thei.

OTSAK 2:33

Ara Varewui yāshong pamngasakta, ngashit kahai Manglā Kathara chi Avāva̱wui eina samphanga kala ithumwuitungli heirorkhami chi nathumna kathei kala kashā hina.

OTSAK 4:31

Seihā sāchang kahai eina athumna kakazip apam chi nganukhaowa; kala athum saikora Manglā Katharana pemhaida Varewui tui pinglak eina matui.

OTSAK 4:8

Chieina Manglā Katharana pemkahaiya Peterna hānga, “Yaruiwui kathānabing kala ararnaobing!

OTSAK 8:25

Athumna Prohowui tui shākhi sāda Varewui tui tamchithei kahaiwui thili, Peter eina Johnna Jerusalemli latunghaowa. Awunlam Samariawui kha̱ung kachungkhali paokaphā hāshoka.

ROMNAO 1:15

Chiwui vang eina Romeli khalei nathumlila paokaphā hi hāshokngailak eina khaleina.

ROMNAO 1:17

Kaja, Varivarana mikumoli kathada mashungmikhala kaji hi pao khamathāna phongmi: hi khare eina thuilaga khanao eina tangda shitkasang mangā einana. Hithada kapihaida lei, “Shitkasangwui mangā eina khangaronga ā chi ringra.”

ROMNAO 10:15

Kala pao phungmebing machihoakha kathada hāshokrakhala? Hithada kapihaida lei: “Paokaphā khuikaphungbingwui kharā chi teokha matakhakhailakle!”

ROMNAO 15:19

matakhak kahai khudam einala kala Varewui Manglāwui pangshap einala kasāsera. Chieina Jerusalemwui eina thuilaga Illyricum shangshungda ina Khristawui paokaphā peida hāshokhaira.

1 CORINTHNAO 2:10

Kha Manglāwui pangshap eina awui khangathuma kathuka tui chi ithumli chitheimihaira. Mikumona matheivākharar Varewui khangathuma kathuka kharin eina tangda Manglāna phākhui.

2 CORINTHNAO 1:22

Ana ithumli mahor nammihaira kala naodala sokhami mira kajiwui khudam sāda ithumwui wuklungli Manglā Kathara sangmida ngashitmihaira.

2 CORINTHNAO 6:6

Kathar eina, theikakhui eina, ja̱khami eina, lukhamashan eina, Manglā Kathara kala kachangkhat leikashiwui lungli

GALATIANAO 1:12

Ina mikumo khipākhawui eina hi samkaphang maningmana kala mina tamkachitheila maningmana, kha Jishu Khrista ā khalattana ili phongkhamina.

GALATIANAO 1:16

Ina Gentilebingli awui paokaphā hi tamchithei khavai Anaomayara hi khipākhala da theingasak kahaiwui thili ina mi khipākhali hiwui apongli mavāngasanluimana.

EPHESIANAO 3:10

kaja ara churchwui mangā eina apong saikorali Varewui thangkhamei chi kazingram katha apuk-apagali khamungabing kala pangshapbingli theingasak khavaina.

1 THESSALONICANAO 2:9

Ivānaobing, ithumna ngalangzarda ot panglāk eina kasā chi nathumna phaningungra; Varewui paokaphā chi nathumli tamchitheilakha, nathum khipākha makhanang khavai, ithumna ngashun ngayā mateila ot sai.

1 TIMOTHY 3:16

Ithumwui dharmawui ngathum kahai hakhamahā chi khipānakha maningmana majirarmara: A mikumowui phasā kāda rai, hi Manglāna mashunga da chithei, kala kazingraobingna thei. Awui pongli miyur saikorali hāshoka, okathui peidana shitsanga, kala tekhamatei eina khuikāhaowa.

HEBREWNAO 11:13

Mibing hi shitkasangwui alungli thisera. Varena ngashit kahai athum masamphangmana, kha katāva̱wui eina ngashāntheida ringphai kala okathuili athum hi kha̱mi kala yāmkazatabingna kaji mayai.

HEBREWNAO 2:4

Varena machutbing, matakhak kahai kala mina masākharar otsakbing kala awui ningkachāng athishurda ngayarkhami Manglā Katharawui lemmet chieina shākhi mi.

HEBREWNAO 4:2

Kaja athumna kashā thada ithumla paokaphā chi shāhaira, shālala athumwui vang kānkhanā maleimana. Khiwui vangkhala kaja athumna kashā tharan shitkasang eina ngasoda makhuisangthuwa.

1 PETER 1:25

kha Prohowui tui chiya katang mavaila ngayurzatchinga, tui chi nathumli hāshok kahai khamathā paokaphā china.”

1 PETER 4:6

Hiwui vang eina kathebingli eina tangda Paokaphā hi tamchithei kahaina kaja mikumo thada phasāli bichar sāhailala, Varewui thada manglā eina ringkhavaina.

PHONGKHAMI 5:11

Ina yangvāluishit kaji eina kazingrao thingthing thingnamwui akhon shai! Athum kharinga sāyur mati kala ararbing chi wungpamkhong chili kuimareida nganinga,