1 PETER 1:11 - Kathara Bible (BSI)

¹¹ Athumna atam chi katharān kala kathada rānikhala da theikhavai ngarāna. Kala Khristana kachotkachāng kachungkha samphangra, kala khāngmida chiwui thili tekhamatei rāra da Khristawui Manglāna marānbingwui wuklungli atam chi chiza̱mi.

1 PETER 1:11 Iomraidhean Croise

HAOKAPHOK 3:15

Ina sha̱nao naniwui ngachaili kala nawui athei eina awui atheiwui ngachaili yangshi khangarok leingasakra; ana nakui naikhaira, kala nana aphei maja̱li makeira.”

HAOKAPHOK 49:10

Wungnao khānthing Judahwui eina mathuimara, lah khamungawui khāmshui apheiwui eina mathuimara, singkhangaye chi marāranglakha; kala mibingna ali khayāshira.

ISAIAH 49:6

ana hānga: “Jacobwui shangbing nganaokhui khavai, Israelwui phāri kahaili khāngmathot khavai, nana iwui rao sāki kaji hi ngavenglak kahai otna; ina nali kahor akha sākhavai yurbingli mira, chieina iwui huikhami okathui akatang eina tangda vāshungra.”

DANIEL 2:44

Chitharan atungshongwui Varena khangazipa wungram akha sākara, kala chiwui sākashap vākashap pangshap chi yur khangateili mahorsangmimara. China wungram saikora sākathānhaora, kala chiya leichingra;

ZECHARIAH 13:7

O raighai, iwui yaokahomali thuingasunglu, ili khangalengpa chili ngasunglu da saikorawui Prohona hānga. “Yaobing chaiyanghai khavai yaokahomapā chili ngaphitlu; kateonaobingli ina pāng parra.

ZECHARIAH 14:9

Kala Prohona okathuiwuitungli awunga sāra; chithanghon Proho akhamāngra kala amingla akhamāngra.

MATTHEW 26:24

Awui pongli kapihaikasā thada miwui Naomayarava jimara kha miwui Naomayarali yankasaia chiva kalākashi ngasaranu! Mi chiwui vanga marāpharākasāna phāmeikharra.”

LUKE 24:44

Chiwui thili ana athumli hānga, “Hi ina nathumli ngasopamlakha hāngkahai, matui kahai saikora china, kaja marānbingwui lairikli, Moseswui ningkhami lairikli, Laa lairikli kapi kahai saikora chi ungshungphalungra.”

JOHN 12:41

Isaiahna tekhamatei hi katheiwui vang kala awui pongli khamatuiwui vang hi kahāngna.

OTSAK 16:7

Athumna Mysia kāroda vākashung tharan, Bithyniali vāzang khavai hotnai, kha Jishuwui Manglāna khāmhaowa.

ROMNAO 8:9

Kha Varewui Manglāna nathumwui wuklungli kachangkhat eina zangda leiakha, nathumna phasāwui ot hi mashurla Manglāwui athishurda lei. Kachikathāna Khristawui Manglā chi maleiakha a Khristawui maningmana.

GALATIANAO 4:6

Nathum Varewui naongarāna da theikhavai Anaomayarawui Manglā chi ithumwui wuklungli sangmida, Manglā china “Abba, Ishava” da vaoshoka.

2 PETER 1:21

Kaja khamarān hi miwui ning eina haokaphok maningmana, kha Manglā Katharana kasatmilaga Varewui eina kharā tui chi mikumona khamatuina.

PHONGKHAMI 19:10

Chieina ina ali khorum khavai ngakhumzanga kha ana ili hānga, “Chi mathāpaimara! ila na thada kala Jishuwui vang shākhi kasā nachinā ngarā thada otram ngatha̱kharuma akhana. Varivarali khorumlu.” Khikhalajila Jishuwui shākhi chi phongkhamiwui manglāna ngashitkhami chilaka.