1 CORINTHNAO 8:3 - Kathara Bible (BSI)

³ Kha Vareli leikashe mili Varena theimi.

1 CORINTHNAO 8:3 Iomraidhean Croise

1 WUNGNAOBING 3:3

Solomonna Proholi leishi, kala avāva̱ Davidwui shiyan mayonchinga; apam kajujuili nganamkaphā rikkatā kala pha̱kaphayā ot chimang sāmaya.

LAA 1:6

kaja Prohona khamashungabingwui apong chi yangda lei, kha makhayāwui apongva shimānra.

LAA 17:3

Iwui ning nana chāng yanglala, ngayāshong nana ili rāyanglala, nana ili tamyanglala, makaphā masamphangmara; ikhamor eina khalāng masāmana.

SHONGZĀ 33:12

Mosesna Proholi hānga, “Yanglu, mibing hili thānshoklu, da nana kahāngna; kha nana ili khipāli ngasorākhala kaji machitheimimana, chithālala nana ‘Ina nali aming eina theiya, kala ina nali ngahānngai’ da hānga.

SHONGZĀ 33:17

Kala Prohona Mosesli hānga, “Aja na iwui mikyanli ngahānkhangaiwui vang kala nali ina aming eina katheiwui vang; nana hāngkahai tui hi tāzakta ina sāra.”

JEREMIAH 1:5

“Naopamli ina nali masemranglakha nali ina theipinghairasai; kala na mapharāranglakha ina nali tharchikathairasai; yurbingwui marān akha ngasā khavai ina nali kapangsanghairasai.”

AMOS 3:2

“Okathuiwui shimkhur saikorawui eina ina nashi shimkhurmāngli thei; chieina nathumwui khayonkhamāngwui vang ina nathumli tandi mira.

NAHUM 1:7

Proho hiya kaphāna, pa̱khangapā atamli ngākkhamena; ali rākhangayinbingli ana thei.

MATTHEW 7:23

Chieina ina athumli, ‘Nathumli I matheisālakmana, iwui eina thulu, makaphā kasābing’ da hāngra.

JOHN 10:14

I kaphā yaokahomana; ina iwui yaobingli thei kala iwui yaobingnala ili thei,

JOHN 21:17

Kakathumali Jishuna hānglui, “Johnwui naomayara Simon, na ili leishila?” Kakathumalila “Na ili leishila?” da khangahānwui vang Peter wukkhananghaowa; kala hithada ngahānkai, “Proho, nana saikora katheina; ina nali leishiya kaji nana thei.” Jishuna ali hānga, “Iwui yaobingli phāuilu.”

ROMNAO 11:2

Varena rida kapang kahai awui miyurli mahorhaimana, kathara lairikli Elijahna Israelwuitungli mamayāmada Varewui mangāli kahāng chi nathumna thei.

1 CORINTHNAO 13:12

Khikhalajila arui ithumna ka̱lāra̱ngayotli mamachā eina thei, kha chiwui thili mai eina mai theira. Arui ina ngakai-ngakāda katheimaya; kha chiwui thili ana ili theishingkhui kahai thada inala ali theishingkhuira.

1 CORINTHNAO 2:9

Kha hithada kapihaida lei; “Khipānakha mathei, mashālakrang kaji, khipānakha shokra da maphaningsalak kaji, chi Varena ali leikashebingwui vang ngarānmi kahaina.”

GALATIANAO 4:9

Kha ara nathum Vareli theihaira, lah Varena nathumli thei— nathum kathada khangazana kala lumashankapai manglabingli hanungga jihaokhala? Khiwuivang athumwui rao saluingaihaokhala?

2 TIMOTHY 2:19

Kha Varewui khangazipa shimphunga chi mangachei ngasakrarmana, kala chiwuitungli hithada kapihaida lei: “Prohona awui mibingli thei kala Prohowui mina kajibing chi makhamashungwui eina latungphalungra.”

JAMES 1:12

Chāng khayangli shitkasang makhangachei mi chi sokhamina, kaja ana chāng khayangli nganingshapakha ishameili leikashebingli ngashitmi kahai kharingwui wungkuihon chi awui sāman sāda samphangra.

JAMES 2:5

Nganāmilu, leikashiya ivānaobing, Vareli leikashebingli ana ngashitmi kahai wungram chiwui shimluikat kala shitkasangli kashānga mi ngasā khavai okathuili kachāmabingli Varena kapangkhui.

1 PETER 1:8

Ali nathumna matheirangsālala leishi kala mik eina matheilala shitsangada ringkaphā khamathān khamor eina mahāngrarmana.

1 JOHN 4:19

Varena leishikharewui vang ithumna leikashina.

1 JOHN 4:7

Leikashebing, ithum akha eina akha leishi ngaroksa, kaja leikashi hi Varewui eina kharāna. Leishikatha mi chi Varewui naona.

PHONGKHAMI 2:13

Ina nawui pamkhavai thei; chi Satanwui wungpamkhonglina. Chithālala iming nana singtita, nana iwui kahāng nganai kala Satanna kapam apam chili shākhi khame ili ningkatonga Antipasli sākathat tharan nana ili shitkasang mangacheilakmana.

PHONGKHAMI 2:19

Ina nawui otsak, leikashi, ningkatong, ngachon khangarok kala ningzinghākharinglila, nathum khare otsakli aruihonwuina phākhamei ina thei.

PHONGKHAMI 2:9

Ina nawui kachotkachāng kala kachām thei, (kha nathum shānglaka). Jehudina da hānglaga maningkasā athumna khamashāt ina thei, athum Satanwui synagogue akhana.