1 CORINTHNAO 4:5 - Kathara Bible (BSI)

⁵ Chiwui vang eina retkahai atam chi marāranglakha eina tangda khipālikha bichar masālu, Proho marāranglakha eina tangda ngaraisālu. Chithanghon tangkhamangli thumtit kahaibing kala mibingwui ningli kharin leilaga ngathum kahai saikora phongshokra. Chiwui thili mi kachiva̱ Verewui eina ana masot samphang khangayi chi samphangra.

1 CORINTHNAO 4:5 Iomraidhean Croise

JOBWUI LAIRIK 12:22

Tangkhamangwui eina ana kathuka phāshoka, kala tangmangting kahai chi horngasaka.

CHĀNSAM 12:8

Mi akhali ningkakāwui athishurda sochikata, kha ningkhamakhui mili yangkharinga.

HĀSHOKME 11:9

Mathānlu, O Yaronnao, na yaronshaplakha, yaronshaplakha ningngasa̱ta eina, nawui ningwui kala nawui mikwui apongli zatlu; kha ot saikora hiwui vang Varena nali bicharpamli khuirāra kaji theilu.

HĀSHOKME 12:14

Kaja kaphāla kashila, ngathum kahai saikora bichar sāthang Varena khuishokserra.

JEREMIAH 16:17

Kaja, imikna athumwui kasāsā apong saikora thei; athum iwui eina mathumhaimana, athumwui khayonkhamāng kasāla imikwui eina kathumla mathumhaimana.

JEREMIAH 23:25

Marānbingna iming singlaga kapikta, ili mangli mahāmihaira, ili mangli mahāmihaira! da khamatui ina shāhaira.

HOSEA 8:13

Athumna pha̱kaphayā ningchānga; athumna asā pha̱phayai kala chi shai; Prohona chi ningyāngkhaung maleimana; ara ana athumwui khayon chi phaningungda, athumli morei chiwui vang tandi mira, athumna Egyptli latungluishitra.

MALACHI 3:18

Chiwui thili akhashida nathumna khamashung khangarong eina makaphā makhayā, Vareli otram khangatha̱ eina makhangatha̱ mibingwui khangatei nathumna theikhuira.

MATTHEW 10:26

“Chiwui vang eina athumli mangacheealu; kaja maphongshokmara da faror kahai khikha maleimana, lah matheiki kaji ngathum kahai khikha maleimana.

MATTHEW 24:30

chiwui thili kazingramli miwui Naomayarawui machut chi theira; kala okathuili khalei miyur saikorana chapra, kala miwui Naomayarana pangshap kala tekmateilak eina muiyātungli tongda kharā theira;

MATTHEW 24:46

Akhavāna kharā tharan chithada sāsāda rātheikakhuia rao chi sokhamina.

MATTHEW 25:21

Awui akhavā china ali hānga, ‘Phālakhaira, kaphā kala shitsangkapaiya rao, nana ot kateowa hi ningtonglak eina shikachinwui vang ina nali ot tarākhawuitungli akhavā sāngasakra; nawui akhavāwui khamathānli zanglu.’

MATTHEW 25:23

Awui akhavā china hānga, ‘Phālakhaira, kaphā kala shitsang kapaiya rao! Nana kateowa ot hi ningtongda kasawui vang nali chungkhameiwuitungli akhavā sāngasakra. Nawui akhavāwui khamathānli zanglu.’

LUKE 6:37

“Bichar masaalu chithākha nathumlila bichar masāmara; khayon mamialu chithākha nathumlila khayon mamimara; pheomilu chithākha nathumlila pheomira;

JOHN 21:22

Jishuna ngahānkai, “I marāranglakha eina tangda ina ali leisa ngasakngai jilala, china nali khi saura? Ithi shurmalu.”

JOHN 21:23

Chieina sākhangatha̱pa hi mathimara da Jishuwui kashurabingwui ngachaili pao hi ngayaohaowa; thalala Jishuna chi kahāng maningmana; ana kahāngva, “I mararanglakha eina tangda ina ali ringsā ngasakngaiakha, nali china khi sara̱khala?” kajina.

JOHN 5:44

Nathum akha eina akha sochikat khangarok ningchānga, kha Varewui kaso chi samphang khavai maphāmana. Chithākha nathumna kathada shitsangpairakhala?

ROMNAO 14:4

Na khipāda akhavā khangateiwui raoli bichar kasākhala? Awui ot ungkashung maungkashung bichar saki kaje chiya rao chiwui akhavāmānga kala rao china nganingshapra, khiwui vangkhala jilaga Prohona ali nganingshap ngasakshapa.

ROMNAO 2:1

Chiwui vang eina, O mikumo! khipā khipākharanu, nana mi khangateibingwuitungli bichar saakha nali pheomikapai maleimana; kaja awuitungli bichar kasā eina nakhalatta yonngasakta lei, kachiwui vangkhala kaja bichar kasaa nanala awui tākam eina sāda lei.

ROMNAO 2:16

Chiwui vang eina ina hāshokta khalei Paokaphā hiwui athishurda khanaowa zimiksholi Varena Jishu Khristawui mangā eina miwui wuklungli ngathum kahai saikora phongshoksera.

ROMNAO 2:29

Kha alungli kala ningli rimkashoka china Jihudi akachangana, kaja hi kapi kahai ainwui otsak maningla kha Manglāwui otsakna. Chieina hikathā kasā mi chili mikumona maningla kha Varena kaso samphangra.

ROMNAO 2:7

Mi kaikhava kaphā ot sāchingda lei, kathi makhavai kharing phai; athumli Varena katang makhavai kharing mira.

1 CORINTHNAO 1:7

Chiya, ithumwui Proho Jishu Khristawui kharā nathumna honda leilakha Varewui lemmet akhala masamkaphang maleilakmana.

1 CORINTHNAO 11:16

Kha hiwui pongli kachikathāna ngayātkhangai leiakha hili lāngda ithumwui alungli kala churchwui khokharumlila khangatei zatkhanā maleiluimana.

1 CORINTHNAO 11:26

Hiwui kakhalata, nathumna khamui shaida kala tengkot hiwui eina mangda Prohona marāranglakha eina tangda awui kathi shākhi kasāna.

1 CORINTHNAO 15:23

Kha mi kachiva̱ ringkhalui hi khari khanao ngavāra, chiya rimeikapta Khrista, chiwui thili awui latkharā tharan awui ngasā kahaibing,

1 CORINTHNAO 3:13

kha Khristawui Zimikshothang mi ava̱va̱wui otsakwui magun phongshokra; kachangkhat otsak chiwui magun chi mei eina chāng yangra.

1 CORINTHNAO 3:14

Shimphunga chiwuitungli sākā kahai chi meina machuitākha mipā chi sāman samphangra.

1 CORINTHNAO 3:8

Lingkasanga eina tara̱ chaikhame chi khangatei maleimana; Varena mi ava̱va̱li awui ot kasā athishurda sāman mira.

2 CORINTHNAO 10:18

Khikhalajila Prohona phai da kaphaning mi chili khuisangkapaina, a khalatta phai kaji hi khuisangkapai maningmana.

2 CORINTHNAO 10:9

Nathumli chithi eina hāngkhamachitna da makhui ngasakngaimana.

2 CORINTHNAO 4:2

Khayākhamalā ngathumngateida kasā ot saikora horhaida ithumna mareimarā ot masāmana. Varewui tuila mashongachei khavai mahotnāmana, kha mashun chi phonglāk eina kachithei eina Varewui miktāli kachithei thada mi kachiva̱wui mashun-makhuili theikhuipai khavai ithum khalatta kachitheina.

2 CORINTHNAO 5:10

Ithum saikora Khristawui bicharli kānganingserphalungra, kala mi kachiva̱ ringlakha ana sākahai chiwui athishurda kaphā nilala, kashinilala sāman samphangra.

1 THESSALONICANAO 5:2

Kaja khalena ngayāshong kharā thada Prohona rāra kaji hi nathumna theikazak kahaina.

HEBREWNAO 4:13

Varivarawui eina ngathumkapai khikha maleimana. Ot saikora awui miktāli ngakheikhang eina theisera; kala ithumna sākahai ot saikora ali hāngphatserki kajina.

JAMES 4:11

Ivānaongarā, nathum akhana akhali mamashāt ngarokalu. Avānao akhana avānao akhawuitungli khamashāt lah bichar kasā chi Ainli khamashāt kala bichar kasāna. Ainli bichar saakha nava Ain khamayona maningluimana, kha bichar kasaana.

JAMES 5:7

Ivānaongarā, Prohona marāranglakha eina tangda khāngtheilu. Lui khavā mina ngaleiwui heithei samphang khavai zur, kān mateila zingrotra̱ ngaraipama.

JAMES 5:9

Ivānaongarā, nathum akha eina akha maphen ngarokalu, chithākha Varena nathumli bichar masāmara. Bicharwo rākida nganaikhailakhaira, rākachangrāli.

1 PETER 1:7

Hiwui khangarān hiya nathumwui shitkasang akachanga chi phongshok khavaina. Shimankapai sinā meili ruikhayang thada sakmeikhar kaja nathumwui shitkasangla chāng yangphalungra, chi nathumwui shitkasang ngatarmei khavaina. Chiwui thili Jishu Khristali rāchitheithanghon nathumna masot, tekhamatei kala maikhayā samphangra.

1 PETER 5:4

Chieina Yaokahoma akhavā kharā tharan mashimānkapai tekhamateiwui kuihon chi nathumna samphangra.

2 PETER 3:12

Varewui zimiksho ngaraimamānda; chi thākta rāngasak khavai sālu—kazingram meina chuida shimānhaoki kaji kala kazingramli khalei saikora menghaoki kaji zimiksho chi.

2 PETER 3:4

hithada hāngra, “A rāluishitra kaji tuingashit chi kali vāhao? Ishavā ngarā thithang eina thuida ot saikora haokaphokli leikasā chi tākam eina aruila leichingpapamli”

JUDE 1:14

Adamwui naothot kashine Enochna athumwui pongli rida marānhaikasā chiya: “Yanglu, Prohona, kathara kazingrao thingthingli ngasoda rāra.”

PHONGKHAMI 1:7

Yanglu, ana muiyā tongda rārāli, mi kachiva̱na ali theira; ali kharungbingla theira; kala awui vang okathui miyur saikorana chapngachāra. Chitharanu, Amen.

PHONGKHAMI 20:12

Kathebing khareila kateola wungpamkong mangāli khanganing kala lairikbing harkahai chi ina thei. Khangatei lairik akhala harluihaowa, chiya kharingawui lairikna. Lairik hili kapi kahai tākam eina kathebingli athum kachichāna sākahai athishurda bichar sai.