1 CORINTHNAO 4:1 - Kathara Bible (BSI)

¹ Ithumli Khristawui otram khangatha̱bing kala Varewui kathuka mashun tui horsangmi kahaibingna da phaningphalungra.

1 CORINTHNAO 4:1 Iomraidhean Croise

MATTHEW 13:11

Chieina ana athumli ngahānkai. “Nathumli kazing wungramwui ngathum kahai chi thei khavai mihaira, kha athumli chi mamimana.

MATTHEW 24:45

“Chithākha kahāng khanganā kala thangkhama, shimva̱ china shimkhurwui kashok kazang saikora yangmi khavai kala atam chālak eina khangatei raobingli kashakazā khuimi khavai otsin horsangkhami rao chi khipakhala?

MARK 4:11

Jishuna athumli hānga, “Nathumli Vare wungramwui khangathuma tui chi mikahaina, kha chili makazangbingli chānjam tui eina shākhui khangasakna.

LUKE 1:2

Haokaphok eina thuida mik eina kathei samphang kahaibing kala tui chi hākashokbingna ithumli hāngmi kahai thada athumna kapishok kahaina.

LUKE 12:42

Chieina Prohona ngahānkai, “Chithākha atam horzakta kashakazā ngayarmi khavai shimvana pangshap horsangmi kapai ningkhamazinga kala chukhamaja̱ khalei kashina chi khipākhala?

LUKE 8:10

ana hānga, “Nathumli Vare wungramwui khangathuma tui chi theikhui khavai pangshap mihaira; kha khangateibingwui vanga chānjam thada lei. Chiwui vang eina athumna yanglala matheimara kala shālala bhap matāmara.”

ROMNAO 11:25

Nathum khalatta thangmeiya da kaphaning chi maphaning khavai ngathum kahai mashun tui ina chitheingaiya kaja Gentilebing marāzangseranglakha eina tangda Israel kaikhali ning makang ngasak kahaina.

ROMNAO 16:25

Ithum Vareli tekkmatei ngasaksa! Ina hākashoka paokaphā Jishu Khristawui chānpao athishurda kala achālakhawui eina ngathumhaikasā khamashung chi phongmi kahai athishurda Varena nathumwui shitkasang pheisin ngatar ngasakshapa.

1 CORINTHNAO 2:7

Ina tamkachithei thangkhamei tui chi mikumona matheivākharar Varewui kathuka thangkhamei ngasāsalala okathui masāranglakha ithumli tekmatei ngasak khavai Varena ngarānpinghaikasana.

1 CORINTHNAO 3:5

Hānglaksa jiakha Apollos kala Paul khipāda? Nathumna shitsang khavai thankhame ithumva Varewui otram khangatha̱bingmaya. Inila Prohona sālu da khami ot satha̱thui kajina.

1 CORINTHNAO 4:13

kazei tharan malungkhanim tui eina ngahānkai. Okathui hili ithum hiya horkahai thothapli mamathāmeithuwa.

1 CORINTHNAO 4:2

Hikathā otram khangatha̱bingva akhavāwui shitsangkapaibing ngasāphalungra.

2 CORINTHNAO 11:23

Athum Khristawui raola? Kapānao thada kahāngna— athumliva I mathāmei! Ina pangmeikharda ot sāhaira; phātoplila I chungmeida zanga, shaomi kahaila shānla makhuimana, thinanai sākhuikhui ji.

2 CORINTHNAO 12:6

Ina lāngsokhangai hi mangkhama̱wui vang maningmana, kaja ina khamashung tui khamatuina. Kha iwui eina theikakhui, shākakhui chili lāngda ili sakmeida maphaning khavai malāngsongaimana.

2 CORINTHNAO 4:5

Ithumna hākashok hi ithumwui tui maningmana, kha Jishu Khrista hi Prohona kala Jishuwui vang ithum nathumwui raona da tamkachitheina.

2 CORINTHNAO 6:4

Kha kakhananglila, kasak chitharānlila kala ka̱lākashi tharānlila, kachotkachāng phungda apong kachiva̱li ithumna Varewui otram mashungrik eina ngatha̱chithei.

EPHESIANAO 1:9

Varena awui kharin chi sai kala Khristawui mangā eina tongda ungshung ngasakki kaji ngathum kahai khangarān chi ithumli theingasakhaira.

EPHESIANAO 6:19

Ina matui khavai khangarān kasā tharan, Varena awui chānpao chi mikhavai, iwui vangla seihā sāmilu, chithākha ina pinglak eina matuida paokaphāwui ngathum kahai tui chi theingasakpaira.

COLOSSIANAO 2:2

pingmeida kala leikashina kompeimida theishingkakhuiwui eina kharā ngashitmi kahai chi samphang khavai ina hi kasāna; chithākha athumna Varivarawui ngathum kahai Khrista chi theira.

COLOSSIANAO 4:3

Nathumna seihā kasā tharan Khristawui kathuka ngathum kahai chānpao hāshok khavai Varena atam kachā khuirāmi khavai pomilu, kaja hiwui vang I phātop zangda khaleina.

1 TIMOTHY 3:16

Ithumwui dharmawui ngathum kahai hakhamahā chi khipānakha maningmana majirarmara: A mikumowui phasā kāda rai, hi Manglāna mashunga da chithei, kala kazingraobingna thei. Awui pongli miyur saikorali hāshoka, okathui peidana shitsanga, kala tekhamatei eina khuikāhaowa.

1 TIMOTHY 3:6

A sādhadhara Vareshi maningphalungmara, kaja khayāning nganinghaida chipeewui pāngli tāzanghaipai.

1 TIMOTHY 3:9

shitkasangwui kathuka tui chi athumna singtitphalungra.

TITUS 1:7

Kaja yaokahoma hiya Varewui lanse akha sāda shātmakakā mi sāphalungra, malangsophalungmara, malungmavātzarphalungmara, khamarip, khangashao kala tongzā khavai khangamar ot masāphalungmara.

1 PETER 4:10

Varivarana ngatateida khami lukhamashanwui kaphaa kashina sāda, mi ava̱va̱li lemmet ngatateida mikahai chi akhana akhawui vang kānnā khavaili shichinlu.