1 CORINTHNAO 3:7 - Kathara Bible (BSI)

⁷ Chieina lingkasangla, tara̱ chaikhamela khikha maningmana, kha kharkhangasaka Vare china khamataiyana.

1 CORINTHNAO 3:7 Iomraidhean Croise

LAA 115:1

Ithumli maningla, O Proho, ithumli maningla, kha tekhamatei namingli miranu, nawui makhangachei leikashi, kala nawui ningkatongwui vang!

LAA 90:17

Ithumwui Vare Prohowui ngahānkhangai ithumli tārormiranu, kala ithumwui pāng eina sākahai ithumwuitungli sakāmilu, mha, ithumwui pāngna sākahai ot nana ungshungmiranu.

ISAIAH 40:17

Yur saikora awui mangāli khikha maningmana; saikora chi ana khikha makhaning khamasaili teomeida shānkhui.

ISAIAH 41:29

Yanglu, athum amahāmānga, athumwui otsak khikha maning; semkakhui meoma̱ chi khamasai masi kathā mānga.

DANIEL 4:35

okathuiwui mi awui mangāli khikha maningmana; kazinglila okathuilila awui kaphaning athishurda sai; khipānakha mangakaishirarmana, Khi kasākhala? da khipākha mangahānrarmana.

JOHN 15:5

“Ina drakhārongna, kala nathumna aphāngbingna. Iwuili khaleia kala ina awuili khalei, a chi athei tarakha khamatheia china, kaja I mazangla nathumna khikha masararmana.

1 CORINTHNAO 13:2

Ina phongkhamiwui pangshap leilala, matheikharar khangathuma matakhak kahai kala awor saikora theishingkhuishaplala, kala shitkasang tongtinghaida kaphung khāngthuishaplala, leikashi maleiakha I khikha maningmana.

1 CORINTHNAO 3:6

Ina lingsanga, Apollosna tara̱ chaimi, kha Varena kharkhangasakna.

1 CORINTHNAO 3:8

Lingkasanga eina tara̱ chaikhame chi khangatei maleimana; Varena mi ava̱va̱li awui ot kasā athishurda sāman mira.

2 CORINTHNAO 12:11

Ili mangkhama̱ thāngasak kahai hi nathumnasera. Achā nathumpāna iwui maram mathada hāngmihaisāki kajina. I khikha maningmana jilala kahaka paokazatbingli mateomeilakmana.

2 CORINTHNAO 12:9

Kha ana ili hānga, “Iwui lukhamashan chi nawui vang shapa, kaja khangazan tharan iwui pangshap chi kāshung ngasaka.” Chiwui vang eina iwui khangazanwui vang mataimeida mathānda lāngsomeira, chithākha Khristawui pangshap chi iwuili leimichingra.

GALATIANAO 6:3

Kachikathā mi akhana ava khikha maninglaga khikha akhana da phaningakha ā khalatta kachipatna.