1 CORINTHNAO 3:6 - Kathara Bible (BSI)

⁶ Ina lingsanga, Apollosna tara̱ chaimi, kha Varena kharkhangasakna.

1 CORINTHNAO 3:6 Iomraidhean Croise

LAA 127:1

Prohona shim chi masāmiakha, shim kasābing chiwui ngalang aremana. Prohona keinung chi mamayonmiakha, keinung khamayona china mayonthailala aremana.

LAA 62:11

Varena hāngkhashiya; Ina shākhani shiya: kaja pangshap Varewuina;

LAA 62:9

Khangazana mibing khaksuikha kathāna, kashang-khareibing thankhanguiana; khān tamakha athum khāngkār kai; athum ngarumserlaga khaksuikhali ngavengmei.

CHĀNSAM 11:25

Pāng katonga mili shāngngasakra, tara̱ chaikhame a chili chaimira.

ISAIAH 61:11

Ngaleina akhar kharshok khangasak thāda, kala yāmguilungli yaosang kahai chi karshok khangasak thāda, miyur saikorawui mangāli Proho VAREna khangarong eina masot shokngasakra.

OTSAK 11:18

Athumna hi kashā eina athumwui khayetla thāhaowa kala athumna Vareli masotchitkatta hānga, “Chithākha Gentilela ningngateikhuida kharing samphang khavai Varena mayāmihaira.”

OTSAK 14:27

Anina Antioch ungkashung eina Churchwui mibingli kaziprumda Varena anili shichinlaga kathada sāmamei kala kathada Gentilebingna shitsang khavai khāmong shomikhala kaji athumli hāngchithei.

OTSAK 16:14

Ithumwui tui khanganā athumwui ngachaili kachon khamenga khayorva̱, Thyatirawui eina kharā Lydia kahova̱ zanga. A Vareli khokharumva̱ sha̱nao akhana, chieina Paulna kahāng chi ningsanglak eina nganā khavai Prohona awui wuklung shomi.

OTSAK 18:24

Chitharan Alexandriali kapharā Apollos kaho Jihudi akha Ephesusli rai. Ava tui khayir kathema, kala Kathara Lairikwui tui theilak kahai mi akhana.

OTSAK 19:1

Apollosna Corinthli leilakha, Paulna ngalei chiwui alungli khalei ramwungbingli yaozatlaga Ephesusli rāshunga. Apam chili sākhangatha̱ kaikha samphanga

OTSAK 21:19

Paulna athum saikorali shālam sākhuilaga, Gentilebingwui alungli awui otram khangatha̱wui mangā eina Varena sāmi kahai saikora chi athumli hāngchithei.

ROMNAO 15:18

Gentilebing Varewui kahāng nganā khavai Khristana ili shichinlaga kathada sākhala kajimāng ina pinglak eina matuira. Hi ana awui tuimatui, kala otsak kala

1 CORINTHNAO 1:12

Nathumwui ngachaili “Iya Paulwuina,” “Iya Apolloswuina”; khangateina “Iya Cephaswuina,” kala “Iya Khristawuina” da hāngngaroka ji.

1 CORINTHNAO 1:30

Varena nathumli Khrista Jishuli ngarum khavai hokhuihaira kala Varena Khrista chi ithumwui thangmei sāngasakhaira. Awui mangā eina ithumli mashungmihaira; ithum Varewui kathara miyur ngasāhaira kala moreiwui eina ningkhān ngasakhaira.

1 CORINTHNAO 3:22

Paul jilala, Apollos jilala, Cephas jilala, okathui jilala, kharing jilala, kathi jilala, aruihon jilala naoda jilala saikora nathumwuisera.

1 CORINTHNAO 3:7

Chieina lingkasangla, tara̱ chaikhamela khikha maningmana, kha kharkhangasaka Vare china khamataiyana.

1 CORINTHNAO 9:1

Ningkhānwui mi maningmalā? I paokazata akha maningmalā? Ithumwui Proho Jishuli I matheimalā? Kala nathum hi ina Prohowui vang ot kasā chiwui athei maningmalā?

EPHESIANAO 3:17

Shitkasangwui mangā eina Khristana nathumwui wuklungli pamkhavai kala leikashili shimphung kala angayung sāda sa̱titkhui khavai ina seihā sai.

1 THESSALONICANAO 1:5

Kaja, paokaphā chi nathumli ithumna tuimāng eina khuikharā maningla kha Varewui pangshap kala Manglā Kathara kala chiwui khamashungwui theishingkakhui eina khuirai. Nathumli ngasopamda leilakha nathumwui vang phāmei khavai kathada pānrumsākhala kaji nathumna machutkhuihaira.