1 CORINTHNAO 3:5 - Kathara Bible (BSI)

⁵ Hānglaksa jiakha Apollos kala Paul khipāda? Nathumna shitsang khavai thankhame ithumva Varewui otram khangatha̱bingmaya. Inila Prohona sālu da khami ot satha̱thui kajina.

1 CORINTHNAO 3:5 Iomraidhean Croise

MATTHEW 25:15

akhali ana talent phangā mi, khangatei akhali khani mi kala khangatei akhali akha mi, ava̱va̱li awui sākashap athishurda mi. Chiwui thili zatthuihaowa.

LUKE 1:2

Haokaphok eina thuida mik eina kathei samphang kahaibing kala tui chi hākashokbingna ithumli hāngmi kahai thada athumna kapishok kahaina.

JOHN 3:27

Johnna ngahānkai, “Kazingramwui eina khami maningakha khipānakha khikha masamphangrarmana.

OTSAK 18:24

Chitharan Alexandriali kapharā Apollos kaho Jihudi akha Ephesusli rai. Ava tui khayir kathema, kala Kathara Lairikwui tui theilak kahai mi akhana.

OTSAK 19:1

Apollosna Corinthli leilakha, Paulna ngalei chiwui alungli khalei ramwungbingli yaozatlaga Ephesusli rāshunga. Apam chili sākhangatha̱ kaikha samphanga

ROMNAO 15:16

Kaja Khristawui rao akha sāda Gentilebingli Varewui paokaphā tamchithei khavaiwui khamahai samphangda ina mangathumlakla kagapina. Gentilebingli Manglā Katharana dharchigatmihaida Varena khuisangkapai ngasāpai khavai pāngmon akha thada Varewui paokaphā hākashokli ina otram ngatha̱ya.

1 CORINTHNAO 12:28

Varena churchwui alungli saikora hi kachichāwui pam ngarānmi: rimeikapta paokazata, kakhaneli marān, kakathumali ojā; chiwui thili matakhak kahai kasaa, chiwui thili kazāt raikhame, ngachonkhame, mawunwo, kala tuiyār tarākha khamatuia kapangsangmi.

1 CORINTHNAO 16:12

Ivānao Apolloswui vanga, avānao khangateibingli ngasoda nathumwuili rākhavai panglāk eina hānghaira. Kha aruicham khavā maphāmara da phaninga. Atam kachā tharan rārāsāra.

1 CORINTHNAO 3:10

Varena ili khami lemmet chiwui athishurda shim sākatha akha thada ina shimphung sema, kala khangatei akhana chiwuitungli shim sākai. Kha kasā mi china ningngasharlak eina sāranu.

1 CORINTHNAO 3:22

Paul jilala, Apollos jilala, Cephas jilala, okathui jilala, kharing jilala, kathi jilala, aruihon jilala naoda jilala saikora nathumwuisera.

1 CORINTHNAO 3:7

Chieina lingkasangla, tara̱ chaikhamela khikha maningmana, kha kharkhangasaka Vare china khamataiyana.

1 CORINTHNAO 9:17

Ina iwui ningkachāng athishurda ot kasāsi kaja iwui ngalangman samphangra; kha hi iwui sāran otna da kasāna. Khiwui vangkhala kaja Varena ot hi ili horsangmi kahaina.

2 CORINTHNAO 11:23

Athum Khristawui raola? Kapānao thada kahāngna— athumliva I mathāmei! Ina pangmeikharda ot sāhaira; phātoplila I chungmeida zanga, shaomi kahaila shānla makhuimana, thinanai sākhuikhui ji.

2 CORINTHNAO 3:3

Lairik hi Khristana kapisanglaga ithumna kachiphuna kaji chitheilu. Hi lungphekli muk eina kapi kahai maningmana, kha kharinga Varewui Manglā eina miwui wuklungli kapi kahaina.

2 CORINTHNAO 3:6

Kapi kahai ainwui maningla kha Manglāwui kadhara tuingashit chiwui vang otram ngatha̱ ngasak kashap pangshap chi ana mi. Ainna thingasaka kha Manglāna ringngasaka.

2 CORINTHNAO 4:1

Chithada sāda Varewui lukhamashan eina otram khangatha̱ hi samphanghaoda ithumna ning suikatā maleimana.

2 CORINTHNAO 4:5

Ithumna hākashok hi ithumwui tui maningmana, kha Jishu Khrista hi Prohona kala Jishuwui vang ithum nathumwui raona da tamkachitheina.

2 CORINTHNAO 4:7

Tha-ilala manglārinwui lan hi khalei ithum hi ngaleiham kathāna, kaja juikhamataia pangshap chi Varewuina ithumwui maningmana da chithei khavaina.

2 CORINTHNAO 5:18

Saikora hi Khristawui mangā eina ali ngashim khangasaka kala khangashimwui ot sākhavai ithumli otsin kachisina Varewui eina kharāsera;

2 CORINTHNAO 6:1

Vareli otsakruma ngasā kahaiwui vang nathumna samkaphanga lukhamashan chi arema mangasā ngasak khavai kapona.

2 CORINTHNAO 6:4

Kha kakhananglila, kasak chitharānlila kala ka̱lākashi tharānlila, kachotkachāng phungda apong kachiva̱li ithumna Varewui otram mashungrik eina ngatha̱chithei.

EPHESIANAO 3:7

Awui ot kasā pangshapwui mangā eina Varena ngakheikhang eina khami lemmet china ili paokaphawui rao sāngasaka.

COLOSSIANAO 1:23

Paul ina paokaphā chiwui otram khangatha̱ sāda kazingramwui azingli khalei manglākapai yur kachiva̱li tamchithei kahai nathumna shākahai paokaphāli kachihān chi mangacheila nganingtitta shitsangchinglu.

COLOSSIANAO 1:25

Varena ili churchwui otram khangatha̱ akha sāngasaka. Hi nathumli ngachon khavai ana ili sākhangasakna. Otsin hiya ana hāngmi kahai chānpao saikora chi hāngchithei khavaiwui vangna.

1 TIMOTHY 1:12

Ili ot sākhavai pangshap khame ithumwui Proho Khrista Jishuli ningshi. Kānārada khuimida awui otram ngatha̱ khavai ili kapangkhuikhamiwui vang ningshiya;

1 PETER 4:10

Varivarana ngatateida khami lukhamashanwui kaphaa kashina sāda, mi ava̱va̱li lemmet ngatateida mikahai chi akhana akhawui vang kānnā khavaili shichinlu.