1 CORINTHNAO 2:9 - Kathara Bible (BSI)

⁹ Kha hithada kapihaida lei; “Khipānakha mathei, mashālakrang kaji, khipānakha shokra da maphaningsalak kaji, chi Varena ali leikashebingwui vang ngarānmi kahaina.”

1 CORINTHNAO 2:9 Iomraidhean Croise

LAA 31:19

O nali khangacheebingwui vanga, teokha phāda ngarānmihaili, nali ngayinkakhuibingli mibingwui miktāli teokha phāda sāmi kachangle!

ISAIAH 64:4

Achalakha eina thuida, khipākha khanā einala mashālakmana, na maningla mik eina Vare khangatei matheiranga; ali ngaraida khalei athumli otram khangatha̱bing.

ISAIAH 65:17

“Yanglu, ina kadhara kazingram kala kadhara okathui sema; kala achālakhawui ot maphaningungluimara, kala ninglila marāza̱luimara.

MATTHEW 20:23

Ana athumli hānga, “Nathumna iwui tengkot chi mangra, kha iwui yāshong kala uishong pamkhavai mayāmiki kaji chi I maningmana, kha chiya iwui Avāna ngarān kahaiya athumwui vangna.”

MATTHEW 25:34

Chiwui thili Awungana awui yāshong khaleibing chili hāngra, ‘Rālu, ishāvāna sokhamebing, okathui sākaphokwui eina nathumwui vang ngarān kahai wungram chi mathunkhuilu;

JOHN 3:16

Khikhalajila Varena apuk-apagva̱li leishinā kahaiwui vang awui Naohonaotong chi mi, chieina ali shitkasanga mi kachiva̱ mashimānphalungmara kha katang makhavai kharing samphangra.

ROMNAO 8:28

Ithumna thei kaja Varena awui kharin leida hokhui kahaia ali leikashebingli ana ot saikorali kaphā sārumchinga.

HEBREWNAO 11:16

Kha athumna phākhamei ram, kazingramwui ramsom ningchānga. Chiwui vang eina athumna Vareli athumwui Vare kaho hili makhayakmana; kaja athumwui vang ana keinung akha ngarānmihaira.

JAMES 1:12

Chāng khayangli shitkasang makhangachei mi chi sokhamina, kaja ana chāng khayangli nganingshapakha ishameili leikashebingli ngashitmi kahai kharingwui wungkuihon chi awui sāman sāda samphangra.

JAMES 2:5

Nganāmilu, leikashiya ivānaobing, Vareli leikashebingli ana ngashitmi kahai wungram chiwui shimluikat kala shitkasangli kashānga mi ngasā khavai okathuili kachāmabingli Varena kapangkhui.

1 PETER 1:12

Marānbingli Varena phongkhami hi athumwui vang maningmana, kha nathumwui vangna kaja paokazatbingna kazingramwui eina kashirāt Manglā Katharawui mangā eina nathumli hāngkhami ot hi kazingraobingnala theingai.

1 JOHN 4:19

Varena leishikharewui vang ithumna leikashina.