1 CORINTHNAO 2:4 - Kathara Bible (BSI)

⁴ Kha mikumowui tuiyār eina mamatuila manglāwui pangshap theishingkakhui eina ngasoda tamchithei.

1 CORINTHNAO 2:4 Iomraidhean Croise

CHĀNSAM 20:19

Misui sākazat mina khangathum phongshoka, chiwui vang mangma̱lak eina kahāngbingli mangayuralu.

CHĀNSAM 7:21

Chikathā suikaphanep tui eina ali suikhui, tāngpat kahai tui eina tandi sākhui.

JEREMIAH 20:10

Kaja ngathumda tarākha khangazek ina shai. Kuimareida khangachee lei! “Ali mashātalu! Ithum ali mashātsa!” da iwui theikhamasui ngasotnaobingna hānga, I kongkhalui ngashānpama. “Ali minampailapai, chithākha ithumna ali yuishapra, chithākha ithumna ali athut khuipaira.”

EZEKIEL 13:6

Athumna mikhanam tui matui kala kakapika khanong sai; athumna Prohona machiholala ‘Prohona kahāngna’ da hānga, laga athumwui kaphaning ungshung khavai ali chihānkhaninga.

OTSAK 20:27

Kaja Varewui kharin saikora chi ina nathumli thumkahai maleilakla hāngmihaira.

OTSAK 26:28

Agrippana Paulli hānga, “Atam kasha̱kha hiwui alungli nana ili Christian onngasakshapra da phaningla?”

ROMNAO 15:13

Kachihānwui ura̱ Vareli nathumna shitkasang khaleiwui mangā eina khamathān kala chingri kahai chipemiranu. Chieina nathumwui kachihān chi Manglā Katharawui pangshap eina mataisangra.

ROMNAO 15:19

matakhak kahai khudam einala kala Varewui Manglāwui pangshap einala kasāsera. Chieina Jerusalemwui eina thuilaga Illyricum shangshungda ina Khristawui paokaphā peida hāshokhaira.

ROMNAO 16:18

Kaja hithada kasā athum chiya Khristawui otram khangatha̱ maningla paiphonwui vang ot kasāna, athumwui kashim tui kala sotkhamasao akhon eina matheithangkhameibingli yonngasaka.

1 CORINTHNAO 1:17

Kaja ra̱hikmi khavai Khristana ili mashirātmana. Khristana krustungli thikhamiwui pangshap chi machāngmāng khavai Paokaphā chi mikumowui thangkhamei tuiyār eina maningla hāshok khavai ana ili kashirātna.

1 CORINTHNAO 2:1

Ivānaobing, ina nathumli Varewui kathuka tui rātamkachithei tharan kathema mi thada thangkhamei tui eina marātamchitheimana.

1 CORINTHNAO 2:13

Chieina ithumna mikumowui thangkhamei eina matamchitheimana, kha Manglā kazangabingli manglārinwui mashun hāngkachithei thada Manglāna tamchithei kahai tui eina tamchithei.

1 CORINTHNAO 4:20

Khikhalajila Vare Wungram hiliva thangkhamei tuili maleimana kha manglāwui pangshapli lei.

2 CORINTHNAO 6:6

Kathar eina, theikakhui eina, ja̱khami eina, lukhamashan eina, Manglā Kathara kala kachangkhat leikashiwui lungli

GALATIANAO 1:10

Ina miwui mangāli khayākakā kaphā thāhaola? Maningphutmana. Ina ningkachangva Varewui mayākhamimaya! I maho khavai hotnada leila? Ina chi sachingda leiakha I Khristawui otram khangatha̱a masāsamara.

COLOSSIANAO 2:4

Ina nathumli kahāngna kaja makhamashunga ngaphat-ngayāt kasā chi kayākha khamashung thada theisālala china nathumli mangui ngasakhaialu.

1 THESSALONICANAO 1:5

Kaja, paokaphā chi nathumli ithumna tuimāng eina khuikharā maningla kha Varewui pangshap kala Manglā Kathara kala chiwui khamashungwui theishingkakhui eina khuirai. Nathumli ngasopamda leilakha nathumwui vang phāmei khavai kathada pānrumsākhala kaji nathumna machutkhuihaira.

1 PETER 1:12

Marānbingli Varena phongkhami hi athumwui vang maningmana, kha nathumwui vangna kaja paokazatbingna kazingramwui eina kashirāt Manglā Katharawui mangā eina nathumli hāngkhami ot hi kazingraobingnala theingai.

2 PETER 1:16

Ithumwui Proho Jishu Khristawui pangshap kala ana rāki kajiwui pongli ithumna kahāng chi ningkap eina semkakhui khararchān maningmana; kha ithumwui mik eina awui khangam-kharei chi theikahaina.

2 PETER 2:18

Athumna mangkhama̱wui lāngsot tui tham-tham matuida moreiwui eina yāmshoknanaida khalei athumli phasāwui khamathang eina suiya.

WUNGVA̱-WUNGVĀ 14:15

Khamatethang athumna Samson preiva̱li hānga, “Nagaharali, pakhon chiwui kakhalat hāngmi khavai kontrenlu; chi maningakha nalila, nashāvāwui shimla ithumna mei thottāhaora. Ithumli chām sāsangmi khavai phakazā kahola?”

WUNGVA̱-WUNGVĀ 16:5

Kala Philistinewui wungnaobingna ali rāhānga, “Kontrenda ali suikhuilu, kala awui pangshap kali lei, kala ithumna kachikathā apong eina ali yuikhuida khalapkhuira kaji ngahānkhuilu; chieina ithum kachiva̱na nali lupāsā thingkha shākharip mira.”