1 CORINTHNAO 1:9 - Kathara Bible (BSI)

⁹ Awui Naomayara, ithumwui Proho Jishu Khristali ngarumsak leikhavai hokhuikhame Vare hiva shitsangkapaiyana.

1 CORINTHNAO 1:9 Iomraidhean Croise

LAA 100:5

Kaja Proho hi kaphaana; awui makhangachei leikashi chichinga, kala awui ningkatong chi thot kachida mangacheimana.

ISAIAH 11:5

Khamashung khangarongna awui shānneira̱ sāra; ningkatongna awui kashān khalap khavai sāra.

ISAIAH 25:1

O Proho, na iwui Varena; ina nali sora, namingli sora; kaja nana matakhak kahai otbing sāhaira, achālakha ngaranping kahai makhangachei otmānga.

ISAIAH 49:7

Israelwui ngatangkhame, kala awui Katharapa, chinkākhailak kahaia, miyurbingna ningkachai kahaia, khamungabingwui rao chili, Prohona hithāda hānga: “Awungabingna theida ngakarthuira, wungnaobing athum khalatta ngakhumshāmsangra.” Khikhalajila ningkatonga, Israelwui Katharapa nali kapangkakhuia Prohowui vangna.

MISHĀN 23:19

Vare hi kakapika maningmana, lah ning ngacheiki kaje miwui nao maningmana. Ana hāngkahai ngalanrala? Lha ana matui kahai maungshung ngasakmala?

MATTHEW 24:35

Kazingram kala okathuila shimānhaora, kha iwui tui mashimānlakmara.

JOHN 17:21

chiya athum akha sāpaira; Avā, nana iwuili, kala ina nawuili khalei thada, athum iniwuili leiranu, chithākha apuk-apagva̱na nana ili kashirātna kaji shitsangra.

ROMNAO 11:17

Lingsang kahai oliverongwui aphāng tektāhaiakha khararwui oliverongwui aphāng khuilaga phonkhui. Gentile nathum chi khararwui Oliverong kathāna kala ara nathumna Jihudibingwui khamaling manglārin chi samphangrumda lei.

ROMNAO 8:28

Ithumna thei kaja Varena awui kharin leida hokhui kahaia ali leikashebingli ana ot saikorali kaphā sārumchinga.

ROMNAO 8:30

Chithada sāda Varena kapangkhui kahaibing chili hokhui kala hokakhuibing chili ana mashungmi, kala athumli awui tekhamatei samphangrum ngasaka.

ROMNAO 9:24

Kaja ithum ana hokhui kahaibingna, Jihudibingmāngli maningla kha Gentilebingla zanga.

1 CORINTHNAO 1:30

Varena nathumli Khrista Jishuli ngarum khavai hokhuihaira kala Varena Khrista chi ithumwui thangmei sāngasakhaira. Awui mangā eina ithumli mashungmihaira; ithum Varewui kathara miyur ngasāhaira kala moreiwui eina ningkhān ngasakhaira.

1 CORINTHNAO 10:13

Nathumna chāng khayang samkaphang kachiva̱ chi mikumoli kharā khangachāna. Kha Varena awui ngashitkhami chi makailakmana kala nathumna maphungrarki kaji chili lāngda ana nathumli chāng mayang ngasakmana. Nathumli chāng khayang chitharan khāngshap khavai ana nathumli pangshap mira kala chili yuishap khavai apong ngarānmira.

1 CORINTHNAO 10:16

Prohowui phākachizātli sokhami tengkotwui vang ithumna Vareli ningkashi khami hi Khristawui asheeli khangarumna, kala ithumna khamui serkhaida kashai tharan Khristawui phasāli khangarumna.

2 CORINTHNAO 1:18

Varena khamashung tui khamatui thada, ina nathumli “Ninglapai” “Maninglapai” kaji tui mahānglakmana.

GALATIANAO 1:15

Kha Varewui lukhamashan eina I mapharāranglakhawui eina ali otram ngatha̱ khavai ili hokhui kahaina.

GALATIANAO 2:20

chieina ringda khalei hi I maningluimana, kha Khristana ili kharingna. Arui ina ringda khalei hi Varewui Naomayara ili leishida amanglā chihokhame chili shitkasang mangā eina kharingna.

EPHESIANAO 3:6

Ngathum kahai tui chi hina; paokaphāwui mangā eina Gentilebingna Varewui sokhami chi Jihudibingli ngarumda samphanga kala shimluikatruma sāda Khrista Jishuwui mingli ngashitmi kahai chi samphangrumra.

KHALATLUI 32:4

“Lunghār, awui otsak kāshunglaka; kaja awui otsak saikora mashunmānga. Ningkatonga Varena, kala khangui maleimana, mashun kala tāzak kahai chi ana.

KHALATLUI 7:9

Chiwui vang eina theilu, kaja Proho nathumwui Vare chi Varena, ali leikashibing kala awui ningkhami khamayonabingli tuingashit mayonkhame makhangachei leikashi thot thingthing haikhame makhangachei Varena,

COLOSSIANAO 1:24

Ara ina nathumwui vang kachotkachāng samkaphang hi ringphai, kaja Khristana awui phasā, kaja churchwui vang kachotkachāng maphungkhangakan chi kāpei khavai ina iwui phasāli kachotkachāng phungda khalei hina ngachonmida lei.

1 THESSALONICANAO 2:12

Nathumli awui khamung kala tekhamatei chili zangrum khavai kaho Varewui ningyāngkhaung mirin chikathā ringkhavai ithumna kasatta ninglum ngasaka kala hāngchithei.

2 THESSALONICANAO 2:14

Ithumna paokaphā tamkachithei mangā eina Varena nathumli hokhui, kala ithumwui Proho Jishu Khristawui tekhamatei samphang khavaina.

2 THESSALONICANAO 3:3

Kha Proho hiya ningtongda shitsangkapaiana. Ana nathumli pangshap mida makaphāwui eina mayonmira.

2 TIMOTHY 1:9

Varena ithumli huimi kala a khalattawui mibing ngasā khavai hokhuihaira. Hi ithumwui kaphā otsakwui vang maningmana, kha awui lukhamashan kala kharin chiwui vangna.

2 TIMOTHY 2:13

Ithumna maningtonglala, ava ningtongchinga. kaja ava akhalatta maminamana.”

TITUS 1:2

Chi makashimān mirinwui kachihānli pheisin sai. Makakapika Varena okathui masāranglakha mirin chi ngashitmihaikasāna,

HEBREWNAO 10:23

Ithumna kachihān chili singtitsa, kaja ngashit khame a chiya ningtonglaka.

HEBREWNAO 11:11

Sarahna naothei chathailala, ali ngashitkhame chi mangapatmana da shitkasangwui vang nao khavaiwui pangshap samphanga.

HEBREWNAO 2:17

Ningtongda shitsangkapai kala Varewui mangāli lumashankatha pāngmon kharei sākhavai; ana otsak kachiva̱li achināngarā thada kasāna, kaja mibingwui morei pheomi khavaina.

HEBREWNAO 3:1

Varena hokhui kahai kathara ivānaobing, ithumna hāngkaphata paokazata kala pāngmon kharei Jishuli phaninglu.

HEBREWNAO 3:14

Kharewui eina ithumna shitkasang khalei chi khangachang eina tangda singtitakha ithum Khristawui otsakrumasera.

HEBREWNAO 6:18

Chili khamataia khani lei, chiya mangacheipaiki kaji kala Varena maningmana majiki kaji china. Chieina awuili ningkhalum samphang kahai ithumwui vanga ithumwui mangāli haimi kahai kachihān chili singtit khavai panglāk eina kasatmiya.

1 PETER 5:10

Kha nathumna kasha̱nakha kachotkachāng samphang kahaiwui thili Khristali ngarum kahaiwui vang katang makhavai tekhamatei samphangrum khavai hokhuikhame, lumashankatha Varena nathumli kākashung, khangazip, pangshap kala rungshing kahai mira.

1 JOHN 1:3

Ithumna theikahai kala shākahai chi nathumlila hāngkachitheina. Chieina ithumna Avāva̱ kala Anaomayara Jishu Khristali ngarumsak khalei chili nathumla ithumli ngasoda zangpaira.

1 JOHN 1:7

Kha ana kahorli khalei thada— ithumna kahorli okthuiakha ithum akha eina akha ngarumsak lei, kala Anaomayara Jishuwui ashee china ithumli morei saikorawui eina tharmi.

1 JOHN 4:13

Ithum Varewuili leihaoda a ithumwuili lei kaji ithumna theishingkhuihaira. Khikhalajila awui Manglā ithumli mihaira.

PHONGKHAMI 19:11

Chiwui thili kazingram shokahai ina thei; kala chili sigui kachara akha leisai; katongapa chili Ningkatong kala Khamashunga hoi; kaja bicharlila rai khangararlila ava mashunglaka.