1 CORINTHNAO 1:6 - Kathara Bible (BSI)

⁶ Khristawui pao nathumwui ningli shāptitmihaira.

1 CORINTHNAO 1:6 Iomraidhean Croise

MARK 16:20

Chieina athumna apam kachiva̱li vāda pao hāshoka kala Prohona athumli ngasoda ot sai kala athumwui paokapha chi mashunga kaji chi matakhak kahai ot kasā machut china phongshoka.

OTSAK 11:17

Proho Jishu Khristali shitkasangwui vang eina Varena ithumli khami lemmet chi tākam eina athumlila miakha, I khipāda Vareli ngakaishipairakhala!”

OTSAK 11:21

Prohowui pangshapna athumli ngasomi, chieina mi kachungkhana shitsangda Proholi ngareiunga.

OTSAK 18:5

Silas eina Timothy Macedoniawui eina rākazang chitharan Paulva Jihudinaobingli Jishu hi Khristalaka da shākhi milaga pao hākashokli ningsanglak eina sāsai.

OTSAK 20:21

Jihudinaobing eina Gentilenaobing moreiwui eina ningngateida Varewuili latung khavai kala ithumwui Proho Jishuli shitsang khavai ina ngaraichā eina hāngmachinmi.

OTSAK 20:24

Kha ina iwui mirin hi sakta makhuimana, Varewui lukhamashanwui paokaphā chi shākhi sākhavai Proho Jishuna khami chi sākupchaoshap khavai himang hi iwui ningkachāngna.

OTSAK 22:18

chili ana ‘Thakta Jerusalemwui eina zatulu, khikhalajila iwui vang nana shākhi khami athumna makhuisangmara’” da Prohona ili hāngda khalei chi thei.

OTSAK 23:11

Chithang ngayā Prohona Paulwui ngalemli ranganingda hānga, “Mangacheealu! nana iwui vang Jerusalemli shākhi kasā chithada Romelila shākhi sāphalungra.”

OTSAK 28:23

Chieina athumna Paulli langkasa̱ akha sai kala chithang ana kapam apam chili mi kachungkha rākazipa. Ana ngathor eina thuida ngazin vāshungda Vare wungramwui pongli meikhaichithei kala Moseswui ain lairik kala marānbingna kapi kahaiwui eina khuishoklaga athumli Jishuwui pongli meisā eina tamchithei.

ROMNAO 15:19

matakhak kahai khudam einala kala Varewui Manglāwui pangshap einala kasāsera. Chieina Jerusalemwui eina thuilaga Illyricum shangshungda ina Khristawui paokaphā peida hāshokhaira.

2 CORINTHNAO 12:12

Kachangkhat paokazata akhana kaji theikhui khavai nathumwui mangāli kakhāng eina, machut kala matakhak kahai kasā kala masākharar kasā otbing china khudamna.

GALATIANAO 3:5

Varena manglā sangmida masākharar ot kasāsā chi ain khamayonwui vangla, chikā paokaphāli shitkasangwui vangkhala?

2 THESSALONICANAO 1:10

Ana rāthanghon shitkasangbingna ali tekmatei ngasakra kala maiyā ngasakra. Nathumla chili zangra, khiwui vangkhala jilaga ithumna tamchithei kahai paokaphā chili nathumna shitsanghaowa.

1 TIMOTHY 2:6

atam chālak eina shākhi khame mi saikorawui vang ngatangman akhalatta chigatkhame china.

2 TIMOTHY 1:8

Chieina Prohowui vang shākhi kasāli makhayakalu; awui vang phātop kazanga iwui vangla makhayakalu. Kha Varena pangshap mikahai athishurda paokaphāwui vang kachot phungrumlu.

PHONGKHAMI 1:2

Varewui tui kala Jishu Khristawui vang kala ana kathathei saikora shākhi sakhame Johnli chitheimi.

PHONGKHAMI 1:9

I nathumwui achinā Johnna, kala Jishuwui thikashura akha sāda, awui wungramwui mi ngasā kahaibingwuitungli kharā kakhanang kachot chi khāngda nathumli phungruma. Varewui tui kala Jishuna phongkhami mashuntui shākhiwui vang I Patmos kaho yikuiramli leisai.

PHONGKHAMI 12:11

Yaonao chigatkhami mangā eina, kala kathar tui athumna shākhi kasā chi eina ali yuihaira; kaja athumna manglā kachiho mashivāmana.

PHONGKHAMI 12:17

Chi theilaga dragon china preiva̱ chili malungvātshunhaida, anaongarā kateibingli, kaja Varewui ningkhami khamayonabing chili rai sākhavai thuihaowa.

PHONGKHAMI 19:10

Chieina ina ali khorum khavai ngakhumzanga kha ana ili hānga, “Chi mathāpaimara! ila na thada kala Jishuwui vang shākhi kasā nachinā ngarā thada otram ngatha̱kharuma akhana. Varivarali khorumlu.” Khikhalajila Jishuwui shākhi chi phongkhamiwui manglāna ngashitkhami chilaka.

PHONGKHAMI 6:9

Kala kaphangā mahor chi sākakhai eina, Varewui tuiwui vang kala Vare tuili shākhi kasāwui vang shaothat kahaibingwui manglā hanphutwui azingli leisāser kaji ina thei.