1 CORINTHNAO 1:2 - Kathara Bible (BSI)

² Corinthli khalei Varewui church, Varewui kathara mi sākhavai hokhui kahaibing saikora, Khrista Jishuli khangarumwui vang Varewui mi sākahaibing kala apam kachiva̱li Proho Jishu Khristali athumwui kala ithumwui Prohonada khokharuma mi saikorali kakapi chithina.

1 CORINTHNAO 1:2 Iomraidhean Croise

HAOKAPHOK 12:8

Chiwui thili Bethelwui zingshoshong khalei phungreishong vāda awui kachonshim vākhaningkai; chiwui zingtunshong Bethel, kala zingshoshong Ai lei; kala ana chili Proho wui vang hanphut akha sākhuida Prohowui mingli khoruma.

HAOKAPHOK 4:26

Sethla mayarnao akha pharai, kala aming Enosh hoi. Atam chiwui eina thuida mina Proholi mingzaiphoka.

LAA 45:11

kala awungana nawui khamathā chi ningchāngra. A nawui akhava ngasāhaoda, ali khorumlu.

OTSAK 10:36

Saikorawui Proho Jishu Khristawui mangā eina chingri kahaiwui paokaphā hāngchitheida Varena Israelnaobingli chānpao chihokharā nathumna thei.

OTSAK 15:9

Ana ithum eina athumli ngatei khangasak maleimana, kaja shitkasangwui mangā eina ana athumwui morei pheomi.

OTSAK 18:1

Hiwui thili Paulna Athenswui eina Corinthli vai.

OTSAK 22:16

Chiwui vang eina khi ngarainganaosāra? Ngakarthuida ra̱hikhaolu kala awuili zangda nawui morei pheohaolu.’

OTSAK 26:18

Nana athumwui mik rakngasakra, kala tangkhamangwui eina kahorli latung ngasakra kala Satanwui pangshapwui eina Vareli latung ngasakra. Chithada sāda athumna ili shitkasangwui vang athumwui morei pheokhami samphangra kala Varewui kapangkhui kahai mibingwui ngachaili zangpaira.’

OTSAK 9:13

Kha Ananiasna ngahānkai, “Proho, ana Jerusalemli khalei nawui mibingli kayākha ngasakshida sākhala kaji ili mi kachungkhana hānghaira.

OTSAK 9:14

Kala Damascusli nali khokharumbingli tukkhui khavai khamataia pāngmon khareibingwui pangshap khuida rākahaina.”

OTSAK 9:21

Awui tui kashā saikorana ngahāna, “Mipa hi Jerusalemli Jishuli khokharumabingli shaokathatapā chi maningmala? Kala ana athumli tukkhuilaga pāngmon khareibingwui mangāli khuivā khavai apam hili kharā maningmala?” da matakhakhaowa.

ROMNAO 1:7

Kathara mi sākhavai hokhui kahaiya Varena leikashe Romeli khaleiya nathum saikorali kagapina: Ithumwui Avāva̱ Varivara kala Proho Jishu Khristana nathumli lukhamashan kala chingri kahai miranu.

ROMNAO 10:12

Chili mi saikora zanga, chiya Jihudi eina Gentilebing khangatei maleimana. Vare hiya saikorawui Prohona kala ali khangakao saikorali khavāt maleilakla somi.

ROMNAO 3:22

Varena mikumoli mashungkhami hi Jishu Khristali shitkasangwui mangā einana. Jishu Khristali shitkasang mi saikorali Varena chithada sāmi, khikhalajila chili khikha khangatei akhala maleimana.

ROMNAO 8:28

Ithumna thei kaja Varena awui kharin leida hokhui kahaia ali leikashebingli ana ot saikorali kaphā sārumchinga.

1 CORINTHNAO 1:30

Varena nathumli Khrista Jishuli ngarum khavai hokhuihaira kala Varena Khrista chi ithumwui thangmei sāngasakhaira. Awui mangā eina ithumli mashungmihaira; ithum Varewui kathara miyur ngasāhaira kala moreiwui eina ningkhān ngasakhaira.

1 CORINTHNAO 10:32

Jihudibinglila, Greekbinglila kala Varewui churchlila makhanang ngasakalu.

1 CORINTHNAO 12:27

Nathum saikora Khristawui phasāna kala nathum chiwui akai ava̱va̱sera.

1 CORINTHNAO 8:6

ithumwui vanga saikora Kasā Akhava, Avāva̱ Varivara akhamānga kala awui vang ithum kharingna; kala Proho akhamānga, chiya Jishu Khristana, awui mangā eina ot saikora kasāsera kala awui mangā eina ithum kharingna.

2 CORINTHNAO 1:1

Varivarawui ningkachāng athishurda Khrista Jishuwui paokazata ngasā kahaia Paul eina avānao Timothyna Corinthli khalei Varewui church kala Achaiali khalei Varewui mibing saikorali kagapina.

2 CORINTHNAO 4:5

Ithumna hākashok hi ithumwui tui maningmana, kha Jishu Khrista hi Prohona kala Jishuwui vang ithum nathumwui raona da tamkachitheina.

GALATIANAO 1:2

kala ili ngasokapama ivānaobing saikora zangda Galatiawui churchbingli shālam chiphunli.

EPHESIANAO 5:26

Awui tui eina tara̱ eina kapheo thada pheohailaga church chi Vareli tharchigat khavaina.

1 THESSALONICANAO 1:1

Paul, Silas, kala Timothywui eina Avāva̱ Varivara kala Proho Jishu Khristali kazanga Thessalonicawui churchli kagapina. Lukhamashan kala chingri kahai chi nathumwui ngasāranu.

1 THESSALONICANAO 4:7

Varena ithumli khamathang-khamarangwui lungli okthui khavai hokakhui maningla kha katharwui alungli okthui khavai hokakhuina.

2 THESSALONICANAO 1:1

Paul, Silas, kala Timothywui eina— Ithumwui Avāva̱ Varivara kala Proho Jishu Khristawui alungli khalei kala Thessalonicawui churchli kagapina:

1 TIMOTHY 2:8

Chiwui vang eina mayarnaobingna kakhararla, malungkhavātla maleila apam kachiva̱li pāng khangkāda seihā sāmi ngasakngai.

1 TIMOTHY 3:15

Kalikha huihaisākha Varewui shimkhur kaja kharinga Varewui church, khamashungwui shimphunga kala pakra̱ chili mibingna kathada sāmameirakhala kaji nana theikhui khavai kagapina.

2 TIMOTHY 1:9

Varena ithumli huimi kala a khalattawui mibing ngasā khavai hokhuihaira. Hi ithumwui kaphā otsakwui vang maningmana, kha awui lukhamashan kala kharin chiwui vangna.

2 TIMOTHY 2:19

Kha Varewui khangazipa shimphunga chi mangachei ngasakrarmana, kala chiwuitungli hithada kapihaida lei: “Prohona awui mibingli thei kala Prohowui mina kajibing chi makhamashungwui eina latungphalungra.”

2 TIMOTHY 2:22

Yaron ngalāwui khamathang chi horhaida ningkathar eina Proholi khangakao mibingli ngasoda khamashung khangarong, shitkasang, leikashi kala chingri kahai phālu.

HEBREWNAO 10:10

Chiwui vang eina Varena ningkachāng chi Jishu Khristana kasāwui vang awui phasā akhashi chigatkhami china morei tharmida kupchaohaira.

HEBREWNAO 13:12

Chithada sāda Jishunala awui ashee eina mibingwui morei tharmi khavai keinungwui ayarli thimi.

HEBREWNAO 2:11

Kaja tharkhame eina tharmi kahaibing saikorawui haophok khavaipam akhamānga. Chiwui vang eina Jishuna athumli ichināngarā hokida makhayakmada

JUDE 1:1

Jameswui agato kala Jishu Khristawui otram khangatha̱a Judena, Jishu Khristana ngākkhami kala Avāva̱ Varewui leikashilungli kharinga Varena hokhui kahaibingli kagapina.

PHONGKHAMI 19:16

Awui kachonli kala akhaishāngli “Awungabingwui Awunga kala prohobingwui Proho” da aming kapisanghai.