1 CORINTHNAO 1:11 - Kathara Bible (BSI)

¹¹ Kaja ivānaobing, nathumwui ngachaili kharar khangarok leili da Chloeshi shimkhurwui mi kaikhawui eina tharlak eina shāhaira.

1 CORINTHNAO 1:11 Iomraidhean Croise

HAOKAPHOK 27:42

Kha anaomayara kharara Esauwui tui chi Rebekahli hānghaowa; chieina anaomayara khangano Jacobli vahokhui ngasaka, kala ana hānga, “Yanglu, namei Esau nali shaothatra da khamachukna akachang sāda lei.

HAOKAPHOK 37:2

Hi Jacobshi shimkhurwui thotchānna. Josephna kum tharāda shini kāshunguda achinā ngarāli ngasoda yao homa; avāva̱wui apreiva̱̱ Bilhah eina Zilpahwui naomayarabingli ngachona; kala Josephna achinā ngarāwui makaphā chanpao avāva̱li unghānga.

CHĀNSAM 13:10

Mahengkasangana achei matheila khanganang shoka, kha hāngkachithei khuikasangbing chi thangkhameina.

CHĀNSAM 18:6

Mangkhama̱wui morchaina nganang ngasaka, kala akhamorna kashao reokhuiya.

1 CORINTHNAO 1:10

Ivānaongarā, Proho Jishu Khristawui ming singda nathumli kapona, nathum mayā ngaroklu, makai ngarokalu; kaphaning kala kharin akhamāng leilaga khokkha sāchaolu.

1 CORINTHNAO 1:12

Nathumwui ngachaili “Iya Paulwuina,” “Iya Apolloswuina”; khangateina “Iya Cephaswuina,” kala “Iya Khristawuina” da hāngngaroka ji.

1 CORINTHNAO 11:18

Rimeikapta nathumna church akha sāda kakazip tharan nathumwui ngachaili kaikhangarok lei da ili hānghaira, chi shitsangai.

1 CORINTHNAO 3:3

Khikhalajila arui eina tangda okathuiwui mi thada okthuida lei. Nathum akha eina akha mikpaishida kharar ngaroka, chithākha okathuiwui khangachā sāchingda lei kaji chi hieina matheikhuipaimalā?

2 CORINTHNAO 12:20

Kaja ina kharā tharan ina ningkachāng chi nathumwuili makhalei kala nathumwui ningkachāng chi iwuili makhalei ngasāpaishina, kaja nathumwui alungli kharar khangarok, mikpaikashi, malungkhavāt, kākharām, khamashāt, misuichān, makakachang ot kala pa̱khangapā leisāpaishina da ngachee.

GALATIANAO 5:15

Kha sāyur thada akha eina akha makei ngarokta chotngasakakha, ning ngasharlu, chi maningakha nathum saikora shimān ngarokra.

GALATIANAO 5:20

meoma̱li khokharum, kala meowor kashon, yangshi khangarok, khangama̱, mikpaikashi, malungkhavāt, kākharām, mijang kakhom, kaikhangarok,

GALATIANAO 5:26

Ithum malāngsophalungmara, akha eina akha maningrāk ngarok ngasakphalungmara kala akha eina akha mamikpaishi ngarokphalungmara.

PHILIPPINAO 2:14

Ot saikora ngakaikashi maleila sāngairareo eina sālu.

1 TIMOTHY 6:4

a chiya khayāning khanganinga kala khikha matheithangkhama mina. Awui ningli ngaphatkhangai kala ngama̱-ngashaokhangai ningna pema. China yuikashi khangama̱-khangashao shokngasaka,

TITUS 3:9

Kha mangkhama̱wui ngaphat khangarok, miun kaphei, ningkhokkha makasā kala ainwui pongli khararkhangarokli mazangalu. Chi makankhanā otmānga.