NEHEMIA 2:8 - Biblia Ilagho Jiboie Kwa Wandu Wose

⁸ Wokoni ngalomba barua kwa Asafu mlindiri wa msidu ghwa mzuri; eri unineke midi ebonya misumbati ya mbenge reghenda cha Hekalunyi, na reagha wurigha ghwa muzi, na nyumba iyo nichaakaia. Mzuri ukanineka malombi ghapo, angu Mlungu orekoghe chiaimweri nani.

NEHEMIA 2:8 Iomraidhean Croise

KUZOYA 32:28

Uja mundu ukamzera, “Ndekuchaawangwa Jakobo sena, ela kuchawangwa Israeli, angu kwasimana na Mlungu na wandu kukasima.”

EZRA 5:5

Ela Mlungu orekoghe ukiwizighana waghosi wa Kiyahudi, na awo wabaa ndewerewighirieghe kuagha hata wighenje malagho kwa Dario na matumbulio gha barua aighu ya ilagho ijo ghiwuye.

EZRA 6:22

Wikabonya Ndima ya Mkate Ghusewadie Chachu matuku mfungade kwa kuboilwa; angu BWANA orewinekieghe kuboilwa ukam'bonya mzuri wa Ashuru uwikunde, hata ukawitesia kazi eagha Hekalu ya Mlungu, uo Mlungu wa Waisraeli.

EZRA 6:8

Aighu ya agho, namlaghira muwitesie kuiagha. Gharama raro rilipo ni mfuko ghwa wuzuri ripatikagha kufuma kwa kodi ipatikagha masanga gha magharibi ya Moda ghwa Eufrate, eri kazi isenono.

EZRA 7:6

Uo Ezra, orejokieghe Jerusalemu kufuma Babuloni. Orekoghe mwalimu wa Sharia ukufudishire sharia ya Musa loli-loli, iyo BWANA Mlungu oreifunyireghe; mzuri ukamneka vose orelombieghe angu orekoghe na irasimio ja BWANA Mlungu wake.

EZRA 7:9

Ezra orekoghe wazoya kujoka kufuma Babuloni ituku ja imbiri ja mori ghwa imbiri, na ituku ja imbiri ja mori ghwa kasanu, ukavika Jerusalemu, angu orenekeloghe ndighi ni Mlungu wake.

NEHEMIA 7:2

Ngawika wandu wawi wikaie wazighaniri wa muzi ghwa Jerusalemu. Wandu awa ni mwanedu Hanani na Hanania m'baa wa ngome. Hanania orekoghe mundu osuwirilwa na mwoboi Mlungu kuchumba wengi.

MAKATANISHO 21:1

Ngolo ya mzuri eeka sa kamoda ka machi mikonunyi kwa BWANA; wadaghilongoza sa iji ukundagha moni.

MCHILI 2:5

Nabonyere mbuwa na andu kohoreshera, ngawa midi yose ya matunda andenyi yaro.

MCHILI 2:6

Nabonyere visima venyoshera midi niiwae.

ISAYA 66:14

Mchawona na ngolo renyu richaboilwa, mchakaia na ndighi na kuwona nicha kara kara na nyasi; na wandu wichamanya kukaia mkonu ghwa BWANA ghokwanye na wadumiki wake, na machu ghake ghibirie ghadakaia aighu ya wamaiza wake.”

DANIELI 1:9

Mlungu ukam'bonya Danieli urumirikie mesonyi kwa uja m'baa wa m'baa wa wanjama;

MABONYO GHA WADUMI 26:22

Mlungu nuo unitesirie ngakaia hata idime, niko nakaia kimusi aha ngiwishuhudia wabaa na watini; nani siwueghora malagho ghangi mazima, ela agho gheni ghereghoreloghe ni walodi, na Musa angu ghichakaia;

MABONYO GHA WADUMI 7:10

ukamkira na wasi ghwake ghose, ukam'bonya urumirikie na kumneka hikima imbiri ya Farao mzuri wa Misri; nao ukam'bonya ukaie m'baa wa isanga ja Misri na nyumba yake yose.

2 WAKORINTHO 8:16

Ela chawucha kwa Mlungu, uo wawuyamneka Tito ngolo iyo cheni efunga ndighi kumtesia.