NEHEMIA 13:10 - Biblia Ilagho Jiboie Kwa Wandu Wose

¹⁰ Wokoni ngakua Walawi na wabori wikimbirie kufuma Jerusalemu, na kuwuya mbuwenyi kwawo, angu wiserenekeloghe vindo va kuwikata.

NEHEMIA 13:10 Iomraidhean Croise

2 MALAGHO GHA NGELO 31:4

Ukafunya momu wandu werekoghe Jerusalemu wifunye mafunyo kwa wundu gha wakohani na Walawi, eri wipate kukufunya kuidumikia Sharia ya BWANA.

NEHEMIA 10:37

Dichareda kwa wakohani Hekalunyi mifu ya viro va imbiri vikuwidwagha kula mwaka, na mafunyo ghedu mazima gha divei na mavuda, na matunda ghose. Dichaghenja ifungu ja ikumi kwa Walawi, awo wiwusagha ifungu ja ikumi ja mavalo gha mbuwa ra mizinyi kodu.

NEHEMIA 10:39

Wandu wa Israeli na Walawi wichaghenja agho mafunyo gha viro, na divei, na mavuda andenyi ya stoo andu vilambo va Hekalu viwikwagha, andu nyumba ra wakohani wiko kazinyi, na ra walindiri wa Hekalu, na ra wabori rikaiagha. Na jingi ndedichaasigha kuitala nyumba ya Mlungu odu.

NEHEMIA 12:47

Na ngelo ya matuku gha Zerubabeli na matuku gha Nehemia, wandu wose wa Israeli werekoghe wikifunya mafunyo kula ituku kwa wundu ghwa wabori na walindiri wa Hekalu. Wandu wikafunya ifungu ja Walawi na Walawi wikawagha ijo ifungu jerefwaneghe kwa wundu ghwa wakohani.

ISAYA 43:23

Ndekuniredie ng'ondi rako kwa wundu ghwa vizongona vekora, hata ndekuninekie ishima kwa vizongona vako. Ini sikulemeshere kwa mafunyo ghako, hata sikusirishire ndighi kwa kunifukiria marumba.

MALAKI 3:8

Welee, mdamu wadima kumuiwia Mlungu? Ela inyo mwaawuyaniiwia, na kughamba, ‘Dawuyakuiwia wada?’ Ni kwa wundu ghwa ifungu jenyu ja ikumi na mafunyo ghenyu.

MITALO 35:2

“Kuwilaghira wandu wa Israeli wiwineke Walawi mizi ekaia kufuma kwa ifwa jawo, na oho kuwineke milamba elishira mbai-mbai ya iyo mizi.

WUKUMBUSO 12:19

Manya kusemliwe Mlawi irangi jako jose kuko isangenyi kwako.