JOSHUA 8:8 - Biblia Ilagho Jiboie Kwa Wandu Wose

⁸ Mkameria kughuwada muzi, mchaghukora sa iji koni BWANA umlaghirie. Olenyi nameria kumghoria.”

JOSHUA 8:8 Iomraidhean Croise

2 SAMUELI 13:28

Niko Absalomu ukawilaghira wadumiki wake ukighamba, “Mumzighanireghe Amnoni; iji wanywa divei na kuwongia, ngamzera, ‘Mkabenyi Amnoni,’ basi moom'bwagha. Mseobuo, nechi nimoni namzera mkufungishe ndighi, mkaie mang'oni.”

WUKUMBUSO 20:16

“Ela mkawada mizi ya isanga ijeni BWANA Mlungu onyu wawuyamneka, moobwagha kula mundu; msesighe kindo chingi chimoo.

JOSHUA 1:16

Nao wikamtumbulia Joshua, “Agho ghose kwadilaghira dichaghibonya na andu uko kose kuchaadiduma dichaghenda.

JOSHUA 1:9

Nechi nakulaghira too. Kukaie na ndighi sena kukaie ing'oni; kusakeobua hata kufwa ngolo, angu Ini BWANA Mlungu wako, nichakaianya na oho andu kose kuchaaghenda.”

JOSHUA 6:24

Wikakora ugo muzi kwa modo chia imweri na vose verekoghe andenyi yaro. Ela feza na dhahabu, na vilambo va shaba na va chuma wereviwikieghe andu mali ya BWANA iwikwagha.

JOSHUA 8:13

Niko aho wikawika agho majeshi tayari, kambi mbaa ikakaia cha kaskazinyi ya muzi, na walindiri wawo wa nanyuma wikakaia cha magharibi ya ugho muzi. Ela Joshua ukalala vololonyi chija kio.

JOSHUA 8:2

Kuchaghubonya muzi ghwa Ai na mzuri waro, sa iji koni koreghubonyereghe muzi ghwa Jeriko na mzuri waro. Vilambo viekeri, na mfugho, niro kusighagha kwa wundu ghonyu. Kughulalirie kupate kughuwada ugho muzi kwa chia ya nanyuma.”

JOSHUA 8:22

Waisraeli werekoghe andenyi ya muzi wikafuma kulwa wuda. Kwa huwo wandu wa Ai wikakaia ghadi na ghadi ya Waisraeli; wamu wikakaia ii chia na wamu wikakaia ija chia. Waisraeli wikawikaba na kuwibwagha, hata ndeweresighieghe ungi ukirie angu ufufunukie.

JOSHUA 8:28

Niko Joshua ukaghukora muzi ghwa Ai, ukaghubonya kitungasi hata linu.

JOSHUA 8:7

Niko aho mchafuma kivisonyi konyu na kughuwada ugho muzi, angu BWANA Mlungu onyu uchaghungira mikonunyi konyu.

JOSHUA 8:9

Joshua ukawiduma, nawo wikaghenda na kukuvisa, wikakaia ghadi na ghadi ya Betheli na Ai cha magharibi ya Ai, ela kio chija Joshua ukalala aghadi ya wandu.

WATANYI 4:6

Ituku jimu ukaduma momu kwa Baraka mwana wa Abinoamu kufuma Kedeshi isanga ja Naftali, ukamzera, “BWANA, uo Mlungu wa Israeli wakulaghira huwu, ‘Ghenda kuwikwanye wandu wako mghondi ghwa Tabori, kuwuse wandu elfu ikumi kufuma kwa mbari ya Naftali na Zebluni.