JOSHUA 8:2 - Biblia Ilagho Jiboie Kwa Wandu Wose

² Kuchaghubonya muzi ghwa Ai na mzuri waro, sa iji koni koreghubonyereghe muzi ghwa Jeriko na mzuri waro. Vilambo viekeri, na mfugho, niro kusighagha kwa wundu ghonyu. Kughulalirie kupate kughuwada ugho muzi kwa chia ya nanyuma.”

JOSHUA 8:2 Iomraidhean Croise

2 MALAGHO GHA NGELO 13:13

Jeroboamu orekoghe waduma masikari ghamu ghimare nanyuma wipate kuwingiria, eri masikari ghake ghikikaia na imbiri ya Juda, ghaja masikari ghewingiria ghikaie nanyuma.

2 MALAGHO GHA NGELO 20:22

Nao iji wazoya kubora na kukasa, BWANA ukawingiria wandu wa Amoni, Moabu na wa Edomu, awo werechieghe kulwa na Juda; nawo wikasimwa.

ZABURI 39:6

Mdamu wadamara-mara sa kirerendi ukikuemeka duu. Wadatumbanya mali, usemanyagha nani uchaariwusa.

MAKATANISHO 13:22

Mundu mucha wawisighiagha weke wawae ifwa, ela mali ya mkaung'a yadawikilwa mhachi.

MAKATANISHO 28:20

Mundu uko mloli uchachulwa ni marasimio, ela uo ukundagha kufugha shwa-shwa ndechaasowa adhabu.

JEREMIA 17:11

Mundu upatagha mali kwa chia iseko ya hachi, oofwanana na ngwale ilaliagha maghi ghiseko ghake. Mali iro richatana nao ghadi na ghadi ya matuku, na kutua kwake uchakaia karakara na ikelu.

JEREMIA 51:12

Josenyi kiweto aighu ya mawurigha gha Babuloni, wikenyi wulindiri ghumange; wikenyi walindiri, boisenyi andu kokuvisa; kwa kukaia ini BWANA namerie kubonya mpango, ngaghukatisha sa iji nereghorieghe aighu ya wandu wikaiagha Babuloni.

WUKUMBUSO 2:35

Ela mfugho riekeri, na vilambo ivo dereviwadieghe mizinyi, nivo dereviwusireghe.

WUKUMBUSO 20:14

ela waka na wana, mfugho na kula kilambo kizima chose chiko mzinyi muvido wunyika viwuye venyu; mtumie vilambo vose va wamaiza wenyu ivo BWANA Mlungu onyu umnekie.

WUKUMBUSO 3:2

Ela BWANA ukanizera, ‘Kusakeobua, angu nakuneka uo, na wandu wake wose andwamweri na isanga jake; kum'bonye sa iji koni korem'bonyereghe Sihoni mzuri wa Waamori uo orekoghe Heshboni.’

JOSHUA 10:1

Adonisedeki mzuri wa Jerusalemu uendasikira seji Joshua uwadie muzi ghwa Ai na kughutotesha, chiaimweri na kum'bwagha mzuri waro, sa iji koni orebonyereghe kwa mzuri wa Jeriko, na sena ukasikira seji wandu wa Gibeoni wibonyere mapatano na Waisraeli, nawo wawuyakaia aghadi yawo,

JOSHUA 10:28

Joshua ukakaba na kuwada muzi ghwa Makeda chiaimweri na mzuri waro ijo ituku. Ukabwagha kula mundu orekoghe andenyi ya ugho muzi, ndekorekoghe ungi hata umweri oresigharikieghe uko moyo. Ukam'bonyera mzuri wa Makeda seji orem'bonyereghe mzuri wa Jeriko.

JOSHUA 11:14

Waisraeli wikawada vilambo va zoghori na mfugho kufuma kwa iyo mizi wikaviwusa, ela wikabwagha kula mundu na kuwitotesha wose, hata ndeweresighieghe mndungi ukisoda anduangi.

JOSHUA 6:21

Wikanona vilambo vose va ugho muzi kwa lufu; womi na waka na waghosi, ng'ombe, ng'ondi, na weke punda.

JOSHUA 8:12

Ukawada wandu elfu isanu, ukawivisa ghadi na ghadi ya Betheli na Ai cha magharibi ya ugho muzi.

JOSHUA 8:14

Nao iji mzuri wa Ai wawona wandu wa Joshua, ukafuma na wandu wake wose wa muzi, wikabonya shwa-shwa wikafuma cha shighadi kokio, wikaghenda cha mshoromotonyi kulangaya Araba wipate kulwa na Waisraeli sa iji koni werebonyereghe imbiri, wisemanyagha wei werekoghe wikilalirilwa nanyuma ya muzi.

JOSHUA 8:19

Na awo wandu werekuvisireghe wikafuma shwa-shwa andu werekoghe. Nyuma ya Joshua kughorua mkonu ghwake, wikakimbia wikangia mzinyi na kughuwada; wikaghukora ugho muzi shwa wori.

JOSHUA 8:24

Waisraeli wiendameria kuwibwagha wandu wose wa Ai werekoghe wikiwinugha cha kireti, wikawuya cha muzi ghwa Ai, na kubwagha kula mundu kwa lufu.

JOSHUA 8:3

Niko Joshua ukawuka andwamweri na masikari ghose wipate kughujokia muzi ghwa Ai, ukasaghua mang'oni gha wandu elfu mirongo idadu, ukawiduma nakio.

JOSHUA 8:7

Niko aho mchafuma kivisonyi konyu na kughuwada ugho muzi, angu BWANA Mlungu onyu uchaghungira mikonunyi konyu.

JOSHUA 8:8

Mkameria kughuwada muzi, mchaghukora sa iji koni BWANA umlaghirie. Olenyi nameria kumghoria.”

JOSHUA 8:9

Joshua ukawiduma, nawo wikaghenda na kukuvisa, wikakaia ghadi na ghadi ya Betheli na Ai cha magharibi ya Ai, ela kio chija Joshua ukalala aghadi ya wandu.

JOSHUA 9:3

Ela wandu wa Gibeoni, nawo ni Wahivi, iji weresikireghe seji Joshua orebonyereghe Jeriko na Ai,