JOSHUA 8:1 - Biblia Ilagho Jiboie Kwa Wandu Wose

¹ BWANA ukamzera Joshua, “Kusakeobua hata kusakefwa ngolo, wada masikari ghose, kujoke nawo cha Ai; ola namfunya mzuri wa Ai ungie mikonunyi kwako chiaimweri na wandu wake, muzi ghwake, na isanga jake.

JOSHUA 8:1 Iomraidhean Croise

ZABURI 27:1

BWANA nuo mwengere ghwapo na kukia kwapo, nani nichaamuobua? BWANA ni ngome imange ya irangi japo, nani uchaanikumba wowa?

ZABURI 44:3

Weke aba ndewerewadieghe isanga kwa lufu lwawo loni, hata ndeweresimieghe kwa ndighi rawo; ela ni kwa ndighi rako, na kudima kwako, kukiwonyera angu kokwanye nawo, angu korewikundieghe.

ZABURI 46:11

BWANA wa majeshi okwanye nesi, Mlungu wa Jakobo nuo andu kodu kokimbiria.

ISAYA 12:2

“Ola Mlungu nuo kukia kwapo, nichamrumiria hata sichaaobua anduangi; kwa kukaia BWANA Mlungu nuo ndighi na lumbo lwapo, nao nuo kukia kwapo.”

ISAYA 43:2

Hata ngera kwaida aghadi ya machi mengi, ini nichakaia andwamweri na oho. Kukaida aghadi ya meda ya machi mengi, ndegichaakudwa anduangi. Kukaida aghadi ya modo, ndekuchaahia; hata lumu lwa modo lukakuleta, ndekuchaalungua anduangi.

JEREMIA 46:27

“Ela msakeobua ee kivalwa cha Jakobo mdumiki wapo, hata msekambo ni chongo ee wandu wa Israeli; angu ola nichamkira kufuma kula, na kivalwa chenyu kufuma wunyikenyi. Wandu wa Israeli wichawuya na kuhora nicha, na mndungi ndechaawiobosha sena anduangi.

JEREMIA 49:3

Lilenyi ee wandu wa Heshboni, angu muzi ghwa Ai ghwasighwa mduu; ronyi nguwo ra magunia kwa wasi mkeme, ee wai wa Raba, lilenyi mkimbie na imbiri na nanyuma awurighenyi; kwa kukaia mlungu ghonyu Moleki ghuchabarishwa chiaimweri na wakohani na wabaa.

DANIELI 2:21

Wadaghalua ngelo na vimu; wadainja wazuri na kuwika wazuri. Wadawineka hikima awo wiko na hikima, na kumanya kwa awo witambukilwagha.

DANIELI 4:25

Kuchawingwa kufuma kwa wadamu, na oho kuchakaianya na nyamandu ra isakenyi; kuchaja nyasi sa ng'ombe, na oho kuchakabwa ni mami kwa mishushure ifumagha mlungunyi. Miaka mfungade ichaida, hata kwamanya kukaia Uo Uko Aighu na Ndighi wabonyagha nguma aighu ya mawuzuri gha wadamu, nao wadamneka uo ose umkundagha.

DANIELI 4:35

Wandu wose wikaiagha ndoenyi si kilambo chingi; nao wadabonya sa iji ukundagha moni na malaika wa mlungunyi, na wandu wa ndoenyi. Ndekuwadie mndungi udimagha kusimana nao, angu kumkotia niki ubonyagha.

MATHAYO 8:26

Jesu ukawizera, “Inyo wandu wa irumirio itini, kwaki mwaobua?” Niko ukawuka, ukaikania mbeo na bahari; kukakaia kuhoa kubaa.

WUKUMBUSO 1:21

Wonenyi BWANA Mlungu onyu wammbikia isanga imbiri konyu; jokenyi mujiwade sa iji koni BWANA Mlungu wa weke ndeyo umzerie; msakeobua hata msakefwa ngolo.’

WUKUMBUSO 31:8

BWANA nuo ukiriagha, nao uchakaia andwamweri na oho; ndechaakusigha, hata kukuda anduangi; kusekambo ni chongo.”

WUKUMBUSO 7:18

Msewiobuo; kumbukenyi seji BWANA Mlungu onyu orem'bonyereghe mzuri wa Misri yose.

WUKUMBUSO 7:21

Msakewiobua; BWANA Mlungu onyu oko aghadi konyu. Uo ni Mlungu m'baa oobosha.

JOSHUA 1:9

Nechi nakulaghira too. Kukaie na ndighi sena kukaie ing'oni; kusakeobua hata kufwa ngolo, angu Ini BWANA Mlungu wako, nichakaianya na oho andu kose kuchaaghenda.”

JOSHUA 10:7

Niko Joshua ukawuka na wandu wose wa wuda, wandu wose wiko mang'oni wikajoka kufuma Gilgali.

JOSHUA 10:8

BWANA ukamzera Joshua, “Kusakeobua, angu awo wose nawingira mkonunyi kwako, ndekuwadie mndungi uchaadima kukusima.”

JOSHUA 2:24

Wikamzera Joshua, “Loli BWANA wadinekie jija isanga jose mikonunyi kodu, sena waisanga waro wamerie kufwa ngolo kwa wundu ghodu.”

JOSHUA 6:2

BWANA ukamzera Joshua, “Zighana nakuneka Jeriko mkonunyi kwako, mzuri waro na majeshi gharo ghose.

JOSHUA 7:9

Angu Wakanaani na waisanga wose wichasikira agho malagho; nawo wichadimaria chia rose na kudibwagha isi diwose! Da oho kuchabonya wada kulindia ishima ja ijo irina jako ibaa?”