JOSHUA 7:7 - Biblia Ilagho Jiboie Kwa Wandu Wose

⁷ Joshua ukaghamba, “Ai, e BWANA Mlungu, kwaki korewiredagha awa wandu kukawiruwusa Jordani eri kupate kuwifunya mikonunyi kwa Waamori widitoteshe; si baa derekaiagha kimonu cha Jordani!

JOSHUA 7:7 Iomraidhean Croise

2 WAZURI 3:10

Niko Jehoramu mzuri wa Israeli ukaghamba, “Ai! Huwu Mlungu waadikwanya isi awa wazuri wadadu upate kudingira mikonunyi kwa mzuri wa Moabu!”

ZABURI 116:11

hata ngera nerekoghe nangilwa ni wowa na kughamba, “Ndeidimikagha kuwuyarumiria mndungi.”

KUFUMA 16:3

wikawizera, “Erekaiagha nicha ngera BWANA odedibwaghia isanga ja Misri, aho dereserieghe kidombo aghadi ya sufuria ra nyama, dikija mikate na kughuda. Ela inyo mwadireda ichi kireti kubwagha iji ikwanyiko jose kwa njala.”

KUFUMA 17:3

Ela wandu werekoghe waoma na ndighi, wikachuria kumzughunukia Musa wikighamba, “Kwaki koredifunyagha Misri kuchedibwagha isi, na wana wedu, na mfugho redu kwa kau?”

MITALO 14:16

kukaia BWANA oolemwa ni kuwighenja awandu isanga orewighemieghe uchawineka, na idana hawo wadima wawibwaghia kireti.

MITALO 14:3

Kwaki BWANA udighenjagha ijo isanga diendebwaghwa wudenyi na waka na wana wedu widwalo wunyika; si baa diwuye Misri?”

MATHAYO 17:17

Jesu ukatumbulia, “Inyo kivalwa chisewadie irumirio, chilagharie; nichakaianya nenyo hata lii? Nicharumaghianya nenyo hata lii? Mredenyi uo mwana kwapo.”

MATHAYO 17:20

Jesu ukawitumbulia, “Ni kwa wundu ghwa wutini ghwa irumirio jenyu. Kwa loli ngera modeeka na irumirio jing'ane sa ndembe ya haradali, kumangu mwaghuzera mghondi ughu, ‘Injika aha kughende aja,’ nagho ghuchamsikira. Hata kumangu ndekuwadie kilambo chingi chisedimikagha konyu anduangi. [

WAEBRANIA 12:5

Angu mooliwa agho malagho ghemshashira ghighoragha nenyo sa wana? “Mwanwapo, kusakewona ni ilagho itini kuja kukania kwa Bwana, hata kusakefwa ngolo iji wakukaba.

JOSHUA 7:6

Nao Joshua andwamweri na vilongozi va Israeli wikarashua nguwo rawo kwa wasi, wikaghwa kiwushu-wushu imbiri ya Sanduku ya Ilaghano, wikakudunga teri vongonyi kwawo na kuwonyera wasi ghwawo, na kulala aho hata luma lwa kenyi.

JOSHUA 7:8

Nighora wada ee BWANA ikakaia Waisraeli wawikimbia wamaiza wawo!

WATANYI 20:23

Wandu wa Israeli wikajoka na kumlilia BWANA hata luma lwa nakenyi; wikamkotia BWANA, “Disoghoda sena dipate kulwa na wanidu awo Wabenjamini?” BWANA ukawizera, “Wijokienyi mpate kulwa nawo.”

1 SAMUELI 4:3

Nao iji majeshi gha Waisraeli ghawuya kambinyi wikaghamba, “Kwaki BWANA wadisigha dikasimwa ni Wafilisti? Nndokonyi diendeonda Sanduku ya Ilaghano ja BWANA kufuma Shilo, eri BWANA upate kukaianya nesi na kudikira na wamaiza wedu.”