JOSHUA 7:1 - Biblia Ilagho Jiboie Kwa Wandu Wose

¹ Ela wandu wa Israeli wikachikanya agho malaghiro kwa kuwusa ivo vilambo venonwa; angu Akani mwana wa Karmi wawae Zabdi, wa kichuku cha Zera, wa kichuku cha Juda, orewusireghe vilambo vimu venonwa; na BWANA ukajokwa ni machu aighu ya wandu wa Israeli.

JOSHUA 7:1 Iomraidhean Croise

KUZOYA 34:27

Nyuma ya agho, waja wadawana wamu wa Jakobo wikacha na kuwusa vilambo va ugho muzi kwa kulipia kisasi kwa wundu ghwa kunonwa kwa mruna.

2 SAMUELI 24:1

Ngelo imu, BWANA ukakaia wazamilwa ni Waisraeli, ukam'bonya Daudi uwiredie wasi, ukimzera, “Ghenda kuwitale wandu wa Israeli na wa Juda.”

2 WAZURI 5:24

Wiendavika mghondinyi andu Elisha orekoghe, ukawidua ija misigo, na kuingira cha nyumbenyi; ukawisigha waja wandu wiwuye, nawo wikawuya.

1 MALAGHO GHA NGELO 21:7

BWANA ukazamilwa ni ilagho ijo ukawikaba Israeli.

2 MALAGHO GHA NGELO 24:18

Wikaisigha Hekalu ya BWANA, uo Mlungu wa weke ndee; wikaritasa fwana ra mlungu ghwa waka Ashera na milimu. Machu gha Mlungu ghikawuka aighu ya Juda na Jerusalemu kwa wundu ghwa ijo ikosa jawo.

EZRA 9:6

ngighamba: “Ee Mlungu wapo, nafwa waya nandighi, hata sifwane kuwusira wushu ghwapo cha kwako. Kaung'a redu rajoka ighu kuchumba vongo vedu, na mawiwi ghedu ghajoka hata mlungunyi.

AYUBU 35:8

Mdamu mmbenyu nuo upatagha wasi iji kwabonya kaung'a, na hachi yako iamtesia uo.

MCHILI 9:18

Hikima yachumba maswagha gha wuda, ela mkaung'a umweri wadanona maza ndicha nyingi.

DANIELI 9:7

Oho ko mhachi ee BWANA, ela isi wandu wa Juda na wa Jerusalemu daawuyafwa waya chiaimweri na wandu wa Israeli wose, awo wiko kaavui na awo wiko kula andenyi ya masanga ghose korediwingieghe kwa wundu ghwa mawiwi derekubonyereghe.

WALAWI 10:6

Musa ukamzera Haruni na wana wake Eleazari na Ithamari, “Msakesigha maridia ghenyu ghiseshanulo, hata msakerashua nguwo renyu kuwonyera wei moko na wasi mchefwa na kuredia izungu iji jose machu gha BWANA; ela wanyinyu icho kinyumba chose cha Israeli, wadima kubonya ifwa kwa wundu ghwa ugho modo ghuredelo ni BWANA ghukabwagha.

JONA 1:7

Nao wadumiki wa melinyi wikazerana, “Nndokonyi dikabe kura diwone ngera nani washekeria ughu wuwiwi ghukadipata.” Niko wikakaba kura, na kura ikammbwada Jona.

JOSHUA 22:16

“Izungu jose ja Israeli jaghamba, ‘Ni ilaghoki iji jizamie huwu mwajibonya aighu ya Mlungu wa Israeli kwa kughaluka na mbai idime; mkakuaghia mmbeni madhabahu na kumlegha BWANA?

JOSHUA 22:18

Wele muachuria kumlegha BWANA? Mkamlegha BWANA idime, uchakaia na machu aighu ya izungu jose ja Israeli kesho.

JOSHUA 22:20

Ririkanyenyi seji Akani wa kichuku cha Zera oreleghieghe kusikira aighu ya vilambo veretanyiroghe vinono; izungu jose ja Waisraeli jerekabiloghe kwa wundu ghwawo; na Akani nderefueghe uekeri kwa wundu ghwa kaung'a yake anduangi.’”