JOSHUA 6:7 - Biblia Ilagho Jiboie Kwa Wandu Wose

⁷ Ukawizera wandu, “Ghendenyi imbiri mughumare muzi, na wandu widwae maswagha wikirie imbiri ya Sanduku ya BWANA.”

JOSHUA 6:7 Iomraidhean Croise

JOSHUA 1:14

Waka wenyu, wana wenyu, na mfugho renyu richasigharika aha, ela inyo wabaa muko na ndighi, mcharuwuka Jordani mrwae maswagha chiaimweri na wambenyu Waisraeli, mpate kuwitesia;

JOSHUA 4:13

Wandu elfu mirongo ina wikaida imbiri ya BWANA, wirwae maswagha kwa wuda wurindinyi ghwa Jeriko.

JOSHUA 6:3

Wandu wose wa wuda wichaghumara ugho muzi indu jimweri kula ituku kwa matuku arandadu.

JOSHUA 6:6

Niko Joshua mwana wa Nuni ukawiwanga wakohani ukawizera, “Wadenyi Sanduku ya Ilaghano, na wakohani mfungade wido tarumbeta mfungade ra mbembe ra bauru imbiri ya Sanduku ya BWANA.”

JOSHUA 6:8

Na sa iji koni Joshua orewilaghirieghe, wakohani mfungade wikadwa tarumbeta mfungade ra mbembe ra bauru imbiri ya BWANA, wikaghenda imbiri wikirikaba iro tarumbeta na Sanduku ya Ilaghano ja BWANA ikiwinugha na nyuma.