JOSHUA 5:6 - Biblia Ilagho Jiboie Kwa Wandu Wose

⁶ Kwa kukaia wandu wa Israeli werekoghe wikidamba kireti kwa miaka mirongo ina; hata mbari yose, awo wandu wa wuda werefumieghe Misri, wikatota; angu ndewerelusikireghe lwaka lwa BWANA, hata ukaghema angu ndewichaajiwona jija isanga BWANA orewilaghirieghe weke ndee kukaia uchadineka; isanga jinorie na ndighi.

JOSHUA 5:6 Iomraidhean Croise

ZABURI 107:4

Wamu werekoghe wikimara-mara a ikarenyi, hata ndewerewonieghe chia eghenda mzinyi andu kokaia.

KUFUMA 3:17

nani nalaghira angu nichamfunya mfume kwa agho matiriro gha Misri; nimghenje kwa isanga ja Wakanaani, Wahiti, Waamori, Waperizi, Wahivi, Wajebusi; isanga jinorie nandighi.” ’

KUFUMA 3:8

niko nasea nipate kuwikira kufuma mikonunyi kwa Wamisri; niwifunye na kuwireda isanga jiboie, ibaa, isanga jinorie nandighi; isanga ja Mkanaani, Mhiti, Muamori, Mperizi, Mhivi, na Mjebusi.

JEREMIA 2:2

“Ghenda kuwizere wandu wa Jerusalemu, BWANA waghamba welee, Nakumbuka sa iji korekoghe mloli ngelo ya wanake ghwako, sa iji korenikundeghe kara kara na bibi arusi, sa iji koreninughieghe kireti isanga jisedimagha kuwalwa kindo chingi.

EZEKIELI 20:15

Aighu ya agho, nerewighemieghe ahoeni kireti kukaia, sichaawingira jija isanga nerewinekieghe, isanga jinorie nandighi, jiboie kuchumba masanga ghose,

EZEKIELI 20:6

Ituku ijo nerewibonyereghe ighemi kukaia nichawifunya isanga ja Misri, niwighenje isanga nerewilolieghe nimoni; isanga jinorie nandighi, sena isanga jighokie kuchumba masanga ghose.

JOELI 3:18

“Ngelo iyo, mighondi ichachulwa ni mbuwa ra mizabibu, na mighondi mitini ichachulwa ni ng'ombe ra mariwa, isanga ja Juda jose jichachulwa ni machi, dumeda dwaa machi duchakaia dukisea kufuma Hekalunyi ya BWANA, na kunyoshera Vololo ya Shitimu.

MITALO 14:23

ndewichaajiwona ijo isanga nerelaghirieghe kuwineka weke ndee; mndungi wa awo unimenyere, ndechaajiwona anduangi.

MITALO 26:63

Awo niwo wandu wa Israeli weretaliloghe ni Musa na mkohani Eleazari; nawo werewitalieghe kirindinyi cha Moabu, Jordani nakimonu, kulangaya Jeriko.

WUKUMBUSO 1:3

Ituku ja imbiri ja mori ghwa ikumi na imweri, mwaka ghwa mirongo ina nyuma ya kufuma Misri, Musa ukawighoria wandu wa Israeli malagho gha sharia, sa iji koni BWANA orekoghe wamneka.

WUKUMBUSO 2:14

Kufuma difumie Kadesh-barnea hata kuruwuka kamoda ka Zeredi, erekoghe miaka mirongo idadu na wunyanya; hata kivalwa chose cha wandu weghenda wudenyi chikasia putu kambinyi sa iji koni BWANA orekoghe wawighemia.

WUKUMBUSO 2:7

“BWANA Mlungu onyu wamerie kumrasimia kwa kazi rose mwawuyabonya, waichi seji mghendagha aghadi ya ichi kireti kibaa; miaka ihi yose mirongo ina, BWANA Mlungu onyu orekoghe andwamweri nenyo; hata ndemsowie kindo chingi anduangi.

WUKUMBUSO 8:4

Nguwo rako nderererashukieghe, hata chwau rako ndererevimbieghe kwa iyo miaka mirongo ina anduangi.

WAEBRANIA 3:11

Nani ngajokwa ni machu ngaghema, ‘Najingi ndewichaangia kuhorenyi kwapo anduangi.’”

JOSHUA 1:6

Kukaie na ndighi na ngolo ya wuing'oni, angu ni oho kuchaawilongoza awa wandu hata wipate ifwa ja jija isanga nereghemieghe kwa weke ndee angu nichawineka.

JOSHUA 24:7

Hata iji wanikemia ngangira kira ghadi na ghadi yawo na Wamisri, ngaibonya bahari iwimile Wamisri na kuwifinikira; meso ghawo ghikawona seji nawibonya Wamisri; nenyo mkakaia kireti kwa ngelo ndacha.

JOSHUA 5:5

Hata ngera wandu wose werefumieghe Misri wereshamishiroghe, ela awo wandu wose werevailoghe chienyi kireti nyuma ya kufuma Misri, ndewereshamishiroghe anduangi.

JOSHUA 5:7

Kwa huwo wana wawo niwo Joshua orewishamishagha, kwa kukaia ndewereshamishiroghe chienyi.