JOSHUA 5:1 - Biblia Ilagho Jiboie Kwa Wandu Wose

¹ Wazuri wose wa Waamori werekoghe cha magharibi kimonu cha Jordani, na wazuri wose wa Kanaani werekoghe kaavui na Bahari ya Mediterania, wiendasikira seji BWANA ughiomeshere machi gha Jordani kwa wundu ghwa wandu wa Israeli hata wikaruwuka, wikafwa ngolo; hata ndeweresigharikieghe na wuing'oni ghungi andenyi kwawo, kwa kuwiobua wandu wa Israeli.

JOSHUA 5:1 Iomraidhean Croise

KUZOYA 12:6

Abramu ukaida aghadi ya isanga, ukavika andu kuwangwagha Shekemu, kwa mudi ghwa kuela ghwa More. Matuku agho, Wakanaani werekoghe aeni isangenyi.

KUZOYA 48:22

Chiaimweri na huwo ni oho nakuneka Shekemu, hata si wanyinyu anduangi, ijo isanga jinorie nerejiwusireghe kwa Waamori kwa lufu lwapo na ndana yapo.”

2 SAMUELI 21:2

Nao mzuri ukawiwanga wandu wa Gibeoni; (awo Wagibeoni ndewerekoghe Waisraeli, ela ni masighariko gha Waamori, werebonyereghe ighemi na Waisraeli kukaia wichawilindia; ela Sauli ukifunga ndighi kwa wundu ghwa Waisraeli na wandu wa Juda, ukakunda kuwitotesha Waamori.)

1 WAZURI 10:5

Ukawona seji oredumikilwagha vindonyi, na nyumba rerekailwagha ni wabaa wa serikali yake, na seji wadumiki wake wererwaeghe wikidumika, na wanyoshi wake, na ivo vizongona orefunyagha Hekalunyi, ukashinika na ndighi.

EZRA 9:1

Nyuma ya maza iri rose kubonywa, vilongozi vimu va wandu wa Israeli wikacha na kunighoria kukaia wandu wa Israeli, wakohani, na Walawi ndewitanyikie na waisanga wiko kaavui na isi awo Waamoni, chiaimweri na maza rawo na Wamoabu, Misri na Wakanaani, Wahiti, Waperizi, Wajebusi na Waamoni. Waawuyabonya maza ireni rizamie rawuyabonywa ni awo wandu.

ZABURI 135:11

Sihoni mzuri wa Waamori, na Ogu mzuri wa Bashani, na wazuri wose wa Kanaani.

KUFUMA 23:28

Nichaduma ngalamvu rikirie imbiri konyu, ripate kuwiwinga Wahivi, Wakanaani, na Wahiti wifume imbiri konyu.

ISAYA 41:5

“Wandu wa masanga gha pwani wawonie wikaobua, kutua kwa ndoenyi waawuyasughusika; wasoghoda kaavui wikacha.

EZEKIELI 16:3

kughuzere, Ini Bwana MLUNGU naghamba huwu aighu yake, Oho koovailwa isanga ja Kanaani. Ndeyo ni Muamori, na mayo ni Mhiti.

EZEKIELI 21:7

Nawo wikakukotia, ‘Kwaki kusoriagha ngolo huwo?’ Kuwizere, ni kwa wundu ghwa maza rawuyacha. Rikacha, kula ngolo ichachulwa ni kiture, na mikonu ichateweleka; roho richadumbuka, na vitemberu vichaselwa ni mbogha. Ola iro maza riacha, naro richakatishwa.”

DANIELI 5:6

Niko fwana ya wushu ghwake ikaghaluka, maghesho mengi ghikawuka andenyi kwake; mawungo ghake ghikateweleka, na vitemberu vake vikakoda koda.

AMOSI 2:9

“Elaima sena inyo wandu wapo, nerewitoteshereghe Waamori kwa wundu ghonyu, wandu werekoghe walacha seji ni midi ya sida, wiko na ndighi sa mialoni, ela ngawitotesha kufuma wa ighu hata wa ndonyi.

MITALO 13:29

Waamaleki, wadakaia isanga ja Negebu; Wahiti, Wajebusi, na Waamori, wadakaia isanga ja mighondinyi; na Wakanaani wadakaia mbai mbai ya bahari na kaavui na Jordani.”

JOSHUA 17:12

Ela wandu wa Manase ndeweredimieghe kuiwusa iyo mizi, angu Wakanaani werelegherikieghe andenyi yaro. Kwa huwo Wakanaani wikadua ahoeni.

JOSHUA 17:18

Isanga ja mighondinyi jichakaia jenyu. Hata ngera ni ja msidu mchadema icho kilemba; jipate kuwuya ifwa jenyu kufuma kutua uku hata kutua kuja. Maza ra Wakanaani, mchawiwinga noko, hata ngera weko na magare gha chuma na kukaia na ndighi.”

JOSHUA 24:15

Na ikakaia mwalegha kumdumikia, msaghuo idime iji ngera ni milungu iyo eredumikiloghe ni weke ndeyo aho Mesopotamia angu ngera ni milungu ya Waamori awo mwawuyakaia isanga jawo; ela ini na nyumba yapo nichamdumikia BWANA.”

JOSHUA 3:16

agho machi gherekoghe ghikisea kufuma nalughu, ghikatumbanyika kitungu kula koni, kufuma Adamu ghuja muzi ghuko nambai ya Zarethani; na agho gherekoghe ghikisea cha Bahari ya Chumbi ya Araba ghikaida, ndoe ikasighwa iomie kulangaya Jeriko; awo wandu wikaida.

JOSHUA 3:17

Hata iji wandu werekoghe wikiida, awo wakohani wereidukieghe Sanduku ya Ilaghano wikakaia kimusi andu kuomie ghadi na ghadi ya moda ghwa Jordani.

WUFUNUO 18:10

nawo wichakaia kimusi kokula, wikiobua agho matiriro ghake na kughamba, “Weei! wee ngai muzi m'baa! Oho muzi m'baa Babuloni! Kutanywa kwako kwaacha kwa saa imweri woruwu.”

WATANYI 1:1

Nyuma ya kifwa cha Joshua, wandu wa Israeli wikamkotia BWANA, “Nani uchaakaia wa imbiri kujoka kwa wundu ghodu kulwa na Wakanaani?”

WATANYI 11:23

Kwa huwo BWANA, uo Mlungu wa Israeli, ukawiwinga Waamori imbiri ya wandu wake. Da oho kokunda kuwusa?

WATANYI 3:3

Iro mbari reresigharikieghe isangenyi ni wabaa wasanu wa Wafilisti, Wakanaani wose, Wasidoni, na Wahivi awo werekoghe wikikaia mighondi ya Lebanoni, kufuma Mghondi ghwa Baal-herimoni, hata Mbenge ya Hamathi.

WATANYI 4:2

BWANA ukawisigha wisimo ni Jabini mzuri wa Kanaani, uo orekoghe ukibonya nguma muzi ghwa Hazori. M'baa wa majeshi ghake orewangwagha Sisera, uo orekoghe ukikaia Haroshethi ya wandu wa mbari zima.

1 SAMUELI 25:37

Nao iji ndoe yaela, nakesho yaro, iji wuwongeri ghwake ghwasia, mkake ukamghoria iro maza rose; ngolo yake ikaturukia, ukazimia; ukaoma sa igho;