JOSHUA 4:10 - Biblia Ilagho Jiboie Kwa Wandu Wose

¹⁰ Angu wakohani werekaieghe kimusi aghadi ya Jordani, hata malagho ghose BWANA oremlaghirieghe Joshua uwighorie wandu ghikameria kubonywa seji Musa oremlaghirieghe Joshua. Wandu wikashashira kuruwuka moda.

JOSHUA 4:10 Iomraidhean Croise

ZABURI 119:60

Nadashashira hata simukagha kuiwadia memu yako.

KUFUMA 12:39

Wikaocha mikate isewadie chachu kwa ghuja mufu wereghudwaeghe Misri, angu werefunyiroghe kwa shwa-shwa, hata ndewerepatireghe wulalo ghobonya mufu ghwa chachu, angu kukuboisira vindo vingi anduangi.

MAKATANISHO 27:1

Kusakekukasa na maza ra kesho, angu ndekumanyire agho ghichaabonyeka aghadi ya idime na kesho.

MCHILI 9:10

Ijo jose kujibonyagha, bonya kwa kufunga ndighi; kwa kukaia ndekuwadie kazi ingi, angu ighesho jingi, angu kumanya kungi, hata hikima ingi andenyi ya wurumwengu ghwa wafu kwawuyakughendia.

ISAYA 28:16

Kwa huwo Bwana MLUNGU waghora huwu, “Olenyi nawika igho Sioni, kwa wundu ghwa msingi, ni igho ja mbembenyi jitimilo jiko ja zoghori mbaa kwa wundu ghwa msingi ghumange, jiandikilo, ‘Uo urumiriagha, ndechaafushwa waya anduangi.’

2 WAKORINTHO 6:2

Angu waghamba, “Ngelo irumirikie, nerekusikireghe, na kukutesia ituku ja kukia.” Ola idana, ihi niyo ngelo irumirikie; ola idime nijo ituku ja kukia.

WUKUMBUSO 31:9

Nao Musa ukaiandika iyo sharia na kuwineka wakohani awo Walawi widukagha Sanduku ya ilaghano ja BWANA, na waghosi wose wa Israeli.

JOSHUA 24:11

Mkaruwuka Jordani mkacha Jeriko; wandu wa Jeriko wikalwa nenyo, na wokoni Waamori, Waperizi, Wakanaani, Wahiti, Wagirgashi, Wahivi na Wajebusi; nawo ngawingira mikonunyi konyu.

JOSHUA 3:13

Ngelo awo wakohani wawuyaiduka Sanduku ya Ilaghano ja uo BWANA wa wurumwengu ghose wichaawadia machi gha Jordani, agho machi gha Jordani ghichatumbanyika ghisighe kusea, na agha gha naisi wori ghichatumbanyika kitungu.”

JOSHUA 4:11

Wandu wose wiendaruwuka, awo wakohani weredukagha Sanduku ya BWANA, wikakiria imbiri ya wandu.

JOSHUA 4:9

Na Joshua wori, oredungieghe magho ikumi na awi aighu ya andu chwau ra wakohani awo weredukieghe Sanduku ya Ilaghano rerewadirieghe. Agho magho ghaduagha aeni aho.