JOSHUA 3:17 - Biblia Ilagho Jiboie Kwa Wandu Wose

¹⁷ Hata iji wandu werekoghe wikiida, awo wakohani wereidukieghe Sanduku ya Ilaghano wikakaia kimusi andu kuomie ghadi na ghadi ya moda ghwa Jordani.

JOSHUA 3:17 Iomraidhean Croise

2 WAZURI 2:8

Elija ukawada shuka yake, ukaiwirira na kughikaba machi; machi ghikadumbuka mafungu awi, hata wose wawi wikameria kuida andu kuomie.

ZABURI 66:6

Oreighalusireghe bahari ikawuya ndoe iomie, wandu wereidieghe na maghu aghadi ya moda. Aho dikaboilwa andenyi kwake.

KUFUMA 14:21

Niko Musa ukaghughorua mkonu ghwake aighu ya bahari; na BWANA ukaisindika bahari kwa mbeo mbaa ya mashariki kio chee, hata ukaghalusa andu kwa bahari kuwuye ndoe iomie, na machi ghikawaghanyika.

KUFUMA 14:22

Wandu wa Israeli wikaida ghadi na ghadi ya bahari andu kuomie, na machi ghikakaia sa wurigha chia ya mkonu ghwawo ghwa kiwomi na chia ya mkonu ghwawo ghwa kiwaka.

KUFUMA 14:29

Ela Waisraeli wereidieghe andu kuomie ghadi na ghadi ya bahari; machi ghikikaia sa wurigha chia ya mkonu ghwa kiwomi na chia ya mkonu ghwa kiwaka.

ISAYA 25:8

Bwana MLUNGU uchachiinja kifwa kwa kala na kala, nao uchariaghia mbori rose mesonyi kwawo, na kughiinja masholio gha wandu wake ndoenyi kose; kwa kukaia BWANA wajighora ilagho iji.

MITALO 33:51

“Wizere wandu wa Israeli huwu, iji mwaruwuka Jordani na kungia isanga ja Kanaani,

WAEBRANIA 11:29

Kwa irumirio, Waisraeli wereruwukieghe Bahari ya Shamu sa ndoe iomie; ela Wamisri wiendatima kubonya huwo, wikamilwa ni machi.

JOSHUA 4:1

Nao iji wandu wose wameria kuruwuka, BWANA ukamzera Joshua,

JOSHUA 4:10

Angu wakohani werekaieghe kimusi aghadi ya Jordani, hata malagho ghose BWANA oremlaghirieghe Joshua uwighorie wandu ghikameria kubonywa seji Musa oremlaghirieghe Joshua. Wandu wikashashira kuruwuka moda.

JOSHUA 4:11

Wandu wose wiendaruwuka, awo wakohani weredukagha Sanduku ya BWANA, wikakiria imbiri ya wandu.

JOSHUA 4:22

mchawighoria kukaia wandu wa Israeli wereruwukieghe moda ughu ghwa Jordani aighu ya ndoe iomie.

JOSHUA 4:3

kuwilaghire wishoo magho ikumi na awi kufuma ghadi na ghadi ya Jordani, aeni chwau ra wakohani rerewadirieghe wiko kimusi; mughido na kughiwika andonyi andu mchaalala ichi kio.”

JOSHUA 5:1

Wazuri wose wa Waamori werekoghe cha magharibi kimonu cha Jordani, na wazuri wose wa Kanaani werekoghe kaavui na Bahari ya Mediterania, wiendasikira seji BWANA ughiomeshere machi gha Jordani kwa wundu ghwa wandu wa Israeli hata wikaruwuka, wikafwa ngolo; hata ndeweresigharikieghe na wuing'oni ghungi andenyi kwawo, kwa kuwiobua wandu wa Israeli.