JOSHUA 24:1 - Biblia Ilagho Jiboie Kwa Wandu Wose

¹ Nao Joshua ukakwanya vichuku vose va Israeli aho Shekemu. Ukawiwanga waghosi na vilongozi, watanyi na wabaa wa Israeli; nawo wikacha imbiri ya Mlungu.

JOSHUA 24:1 Iomraidhean Croise

KUZOYA 12:6

Abramu ukaida aghadi ya isanga, ukavika andu kuwangwagha Shekemu, kwa mudi ghwa kuela ghwa More. Matuku agho, Wakanaani werekoghe aeni isangenyi.

KUZOYA 35:4

Nao wikamneka Jakobo iyo milungu yose ya kighenyi werekoghe nayo, na vipini verekoghe madunyi kwawo. Jakobo ukavirika vose kirimbenyi cha mudi ghwa mvure ghorekoghe kaavui na Shekemu.

1 WAZURI 12:1

Rehoboamu ukaghenda Shekemu andu Waisraeli wose werekwanyikieghe wipate kum'bonya mzuri.

2 WAZURI 23:1

Nao Mzuri Josia ukawiwanga wandu wose wa Juda na Jerusalemu.

MABONYO GHA WADUMI 10:33

Niko ngakudumiria shwa wori, na oho kwabonya nicha kucha. Kwa huwu idana deko aha diwose imbiri ya Mlungu, disikire malagho ghose kwaghorelwa ni Bwana.”

WUKUMBUSO 29:9

Kwa huwo mlindie kubonya malagho gha ilaghano iji, eri mpate kuwona nicha kwa maza rose m'bonyagha.

JOSHUA 20:7

Niko aho wikafunya muzi ghwa isanga ja Kedeshi ghuko andenyi ya Galilaya, isanga ja mighondinyi ja Naftali, na Shekemu ghuko isanga ja mighondinyi ja Efraimu, na Kiriath-araba (nigho Hebroni) isanga ja mighondinyi ja Juda.

JOSHUA 23:2

Niko ukawiwanga Waisraeli wose waghosi na vilongozi vawo, watanyi na wabaa wawo, ukawizera, “Ini naghosia nandighi.

WATANYI 20:26

Niko masikari ghose gha wandu wa Israeli wikajoka hata Betheli na kulila. Wikasea kidombo imbiri ya BWANA na kufunga tumu hata luma lwa kenyi; wikamfunyira BWANA vizongona vekora na vizongona va mapatano.

1 SAMUELI 10:19

Ela idime iji mwanilegha ini Mlungu onyu uo umkiragha kufuma kwa ndengwa na wasi ghonyu m'baa; nenyo mwanilomba nimneke mzuri om'bonyera nguma. Ni nicha. Idana kwanyikenyi mmbeni imbiri kwapo kunughana na vichuku venyu na nyumba renyu.’”