JOSHUA 23:1 - Biblia Ilagho Jiboie Kwa Wandu Wose

¹ Nyuma ya matuku mengi, BWANA ukawineka Waisraeli kuhora na sere kufuma kwa wamaiza wawo wose werewimarieghe chia rose. Joshua orekoghe waghosia nandighi.

JOSHUA 23:1 Iomraidhean Croise

KUZOYA 25:8

Abrahamu ukafwa kwa wughosi ghuboie, mghosi na ndighi uchue matuku, nao ukarangana andwamweri na wakwawo wiidie.

1 WAZURI 1:1

Mzuri Daudi orekoghe waghosia nandighi; hata ngera wadumiki wake weremfinikireghe nguwo nyingi usesuko, ndereremtesirieghe kupata mruke anduangi.

1 MALAGHO GHA NGELO 23:25

Daudi ukaghamba, “BWANA Mlungu wa Israeli, wawinekie sere wandu wake; nao wadakaia Jerusalemu matuku ghose.

1 MALAGHO GHA NGELO 27:1

Ughu ni mtalo ghwa wandu wa Israeli werekoghe wabaa wa vinyumba, wiko vilongozi va maelfu na maghana, na wabaa waro awo weremdumikiagha mzuri kwa maza rose ra vipughi va majeshi gha wandu weredumikagha mori kwa mori kwa kula mwaka. Kula kipughi cherekoghe na wandu elfu mirongo iwi na inya.

2 MALAGHO GHA NGELO 14:1

Abija ukafwa sa weke ndee, nawo wikamrika mzinyi kwa Daudi; mwana wake Asa ukabonya nguma wulalo ghwake. Matuku gha Asa, isanga jikakaia na sere miaka ikumi,

2 MALAGHO GHA NGELO 14:5

Wokoni ukainja nambai andu kotasira mighondinyi kufuma mizi yose ya Juda, na madhabahu refukiria marumba. Wuzuri ghukakaia na sere aisi ya nguma rake.

2 MALAGHO GHA NGELO 20:30

Jehoshafati ukabonya nguma kwa sere; Mlungu ukamfighika kwa kula chia mbai-mbai kose.

ZABURI 46:9

Wadabonya wandu wisighe wuda ndoenyi kose; wadachikanya ndana, na kunona mafumu; wadakora ngao kwa modo.

ISAYA 63:14

Sa ng'ombe riseagha cha ivongonyi; ni huwo koni Roho wa BWANA orewinekieghe kuhora. Kwa huwo, oho kukawilongoza wandu wako, eri kukupatire kumoni irina ibaa jichumbie.

WUKUMBUSO 31:2

ukawizera, “Ini nakaia wa irika ja miaka ighana na mirongo iwi idime; sidimagha kuwuyamlongoza sena. Na BWANA wanizerie kukaia, siruwukagha Jordani.

JOSHUA 11:23

Joshua ukawusa isanga jose sa iji koni BWANA oremlaghirieghe Musa. Joshua ukawineka Waisraeli jikaie isanga jawo, ukawiwaghia vipande kwa kula kichuku. Wandu wikahora na kuleka wuda.

JOSHUA 13:1

Joshua orekoghe wakaia mghosi wa miaka mingi. BWANA ukamzera, “Kwakaia mghosi wa miaka mingi, ela isanga jaduagha ilazi jewaghia wandu.

JOSHUA 21:44

BWANA ukawineka kuhora chia rose sa iji koni orewibonyereghe weke ndee ighemi; ndekorekoghe na m'maiza ungi wawo oredimieghe kusimana nawo anduangi, kwa kukaia BWANA orekoghe wawisimia.

JOSHUA 22:4

Na idana BWANA Mlungu onyu wamerie kuwineka wanyinyu kuhora na sere sa iji koni orewilaghirieghe; kwa huwo ghalenyi cha mzinyi konyu, kwa ijo isanga andu ifwa jenyu jiko; ijo Musa mdumiki wa BWANA oremnekieghe kimonu cha Jordani.

1 SAMUELI 12:2

Na idana wonenyi uo mzuri uchaamlongoza, nani nakaia mghosi wa imbu, na wana wapo hawo mokwanye; na ini namlongozere kufuma wanake ghwapo hata linu.