JOSHUA 2:9 - Biblia Ilagho Jiboie Kwa Wandu Wose

⁹ ukawizera, “Ini namanya angu BWANA wamneka iji isanga; isi diwose daawuyamuobua, na wandu wose wiko isangenyi wangirilo ni kiture chenyu.

JOSHUA 2:9 Iomraidhean Croise

KUZOYA 35:5

Hata iji wazoya charo, kiture kibaa chifumie kwa Mlungu chikawingia wandu wa mizi erekoghe mbai-mbai, nawo ndeweredimieghe kuwinugha wana wa Jakobo anduangi.

2 SAMUELI 17:10

Niko hata umundu wako uko ing'oni sa shimba uchafwa ngolo na kuobua; kwa kukaia wandu wa Israeli wose wamwichi ndeyo kukaia ing'oni, na wandu wake ni wandu wa ndighi.

2 WAZURI 5:15

Niko Naamani ukawuya kwa Elisha chiaimweri na wandu wake wose; ukacha na kukaia kimusi imbiri yake, ukaghamba, “Ola namanya angu ndeuko Mlungu ungi mzima wurumwengunyi kose, ela kwa Israeli; kwa huwo idana nakulomba kuwuse manosi kufuma kwapo ini mdumiki wako.”

2 WAZURI 7:6

Kwa kukaia BWANA orekoghe wabonya ijeshi ja Wasiria wisikire chwaka ra magare na farasi, na tiri ra ijeshi ibaa; wikaririkanya wei mzuri wa Israeli waakodisha majeshi gha mzuri wa Wahiti na gha mzuri wa Misri, wipate kulwa nawo.

NEHEMIA 6:16

Wamaiza wedu wa mbari ra wandu widimarie wiendasikira huwo, wikaobua na kufwa waya; angu werewonieghe worinyi kukaia kazi ihi edemerelwa kwa wutesia ghwa Mlungu odu.

ESTA 8:17

Andu kose itangazo ja mzuri jerevikieghe kula isanga na kula muzi werechuloghe ni kuboilwa na kuzuma, wikabonya karamu na kuhora. Hata wandu wengi wikakughalua kukaia Wayahudi, angu werewiobueghe loli-loli.

AYUBU 19:25

Ini namanya Mkomboli wapo oko moyo, na kutua uchacha kunivuvua.

ZABURI 112:10

Mundu mmbiwi wadawona agho na kujokwa ni machu; wadazugha mizu na kughenda chia rake; bea ya mundu mmbiwi ndeikatishwagha.

ZABURI 115:16

Mlungunyi ni kwa BWANA, ela ndoenyi ookuneka wadamu.

KUFUMA 18:11

Idana namanya angu BWANA ni m'baa kuchumba milungu yose, angu orekirieghe wandu kufuma mikonunyi kwa Wamisri, iji werekoghe wikiwikoronga.”

KUFUMA 23:27

“Nichawingira kiture wandu wikutangalagha oho, na kuwikambira chongo wandu wilwagha na oho; nani nichawibonya wamaiza wako wose wikimbie imbiri kwake.

MCHILI 8:12

Mkaung'a wadima kubonya makosa mando ighana sena ukaie moyo. Naichi wadaghora wei mundu ukamsikira Mlungu, maza rimuendia nicha,

ISAYA 19:1

Agha nigho malagho aighu ya Misri, ola BWANA uacha Misri naiseghe wajoka aighu iwingunyi. Milimu ya Misri ichasughusika imbiri kwake, na wandu wa Misri wichafwa ngolo.

ISAYA 23:5

Wamisri wichawawa nandighi ngelo wichaasikira kukaia Tiro yameria kutoteshwa.

JEREMIA 27:5

“Ni ini niumbie wurumwengu kwa mkonu ghwapo ghwa ndighi, chiaimweri na wandu na nyamandu riko ndoenyi; nani nadamneka uo ose seji niwonagha.

NAHUMU 2:10

Nineve yatoteshwa, yakimbilwa na kusighwa nduu; Wandu wafwa ngolo kwa wowa, vitemberu vawo viasughusika na ndighi rawo rasia, na mawushu ghaghaluka gha mshashu.

MITALO 20:14

Nao Musa ukaduma wandu kwa mzuri wa Edomu kufuma Kadeshi ukamzera, “Mwanyinyu Israeli waghamba kukaia oho kwaichi wasi ghose ghudipatire:

MITALO 20:24

“Haruni uchafwa ukwanyo andwamweri na wakwawo wiidie, kwa kukaia ndechaangia ijo isanga niwinekie wandu wa Israeli, angu moreleghieghe malaghiro ghapo aja machinyi gha Meriba.

MATHAYO 20:15

Kwani ndeinifwane kubonya seji nikunde na mali rapo anguwada? Angu kwaaniwonia iriso angu niko mucha?’”

WUKUMBUSO 11:25

Ndekuwadie mndungi uchaadima kumtangala; BWANA Mlungu onyu uchangira wandu wowa na kiture chemuobua inyo kula isanga mchaajiwadia; sa iji koni oremlaghirieghe.

WUKUMBUSO 2:25

Idime niko nizoyagha kungira kiture na wowa kwa wandu wose wimuobuo inyo; kula andu wichaasikira malagho ghenyu, wichasughusika na kukaia na wasi kwa wundu ghonyu.’

WUKUMBUSO 28:10

Na wandu wose wa ndoenyi wichawona angu BWANA wakusaghue kukaie wake, nawo wichakuobua.

WUKUMBUSO 32:8

Iji Uo-Uko-Aighu-Nandighi orewinekieghe iro mbari ifwa jawo, orewikieghe mano ya wandu andu wichaakaia. Ukawikia kula mbari mlungu ghwawo,

WAEBRANIA 11:31

Kwa irumirio, Rahabu jija ilaya, ndejeretotereghe chiaimweri na awo wereleghieghe, angu orewikaribishireghe waja washeki sa waghenyi wake.

JOSHUA 2:11

Diendasikira huwo ngolo redu rikangilwa ni kiture chenyu, hata mndungi ndecheesighwa na wuwana ghungi anduangi; angu BWANA Mlungu onyu nuo Mlungu aighu mlungunyi na ndoenyi wori.

JOSHUA 2:24

Wikamzera Joshua, “Loli BWANA wadinekie jija isanga jose mikonunyi kodu, sena waisanga waro wamerie kufwa ngolo kwa wundu ghodu.”

JOSHUA 2:8

Ela imbiri awo wandu wiselale, Rahabu ukawighendia aho gorofenyi,

JOSHUA 5:1

Wazuri wose wa Waamori werekoghe cha magharibi kimonu cha Jordani, na wazuri wose wa Kanaani werekoghe kaavui na Bahari ya Mediterania, wiendasikira seji BWANA ughiomeshere machi gha Jordani kwa wundu ghwa wandu wa Israeli hata wikaruwuka, wikafwa ngolo; hata ndeweresigharikieghe na wuing'oni ghungi andenyi kwawo, kwa kuwiobua wandu wa Israeli.

JOSHUA 6:2

BWANA ukamzera Joshua, “Zighana nakuneka Jeriko mkonunyi kwako, mzuri waro na majeshi gharo ghose.

JOSHUA 9:10

na agho orewibonyere waja wazuri wawi wa Waamori, mashariki ya Jordani. Mzuri Sihoni wa Heshboni na mzuri Ogu wa Bashani uo orekoghe ukikaia Ashtarothi.

JOSHUA 9:24

Nawo wikamtumbulia Joshua, “Ni kwa kukaia isi wadumiki wako dasikire angu Mlungu onyu kwa loli oremlaghirieghe mdumiki wake Musa kukaia uchamneka isanga iji jose, na angu waisanga wose mchawitotesha; niko isi dikaobua na ndighi hata dikabonya iji ilagho kukira marangi ghedu.

JOSHUA 9:9

Nao wikamzera, “Wadumiki wako dafuma kula na ndighi, kwa kukaia dasikire maza ra BWANA Mlungu onyu, na agho ghose ubonyere Misri,

WATANYI 7:14

Nao mmbao ukatumbulia, “Kwa loli ulu ni lufu lwa uja Muisraeli Gideoni mwana wa Joashi, Mlungu wawingira Wamidiani na majeshi ghose mkonunyi kwake.”