JOSHUA 2:14 - Biblia Ilagho Jiboie Kwa Wandu Wose

¹⁴ Waja wandu wikamzera, “Daghema kwa Mlungu, kukadilindia, dichakulindia. Ikakaia kuchalindia kuseghore malagho ghedu, nesi wori dichakaia waloli kwako kukulindia ngelo BWANA uchaadineka iji isanga.”

JOSHUA 2:14 Iomraidhean Croise

KUZOYA 24:49

Idana ngera kucham'bonyera nicha na loli uo bwana wapo, kunighorie; na ngera siko kungi, kunighorie nimanye jebonya.”

KUZOYA 47:29

Nao iji ngelo ya kufwa kwake Israeli yalighisa, ukammbanga mwana wake Josefu ukamzera, “Ngera narumirikia mesonyi kwako, ngira mkonu ghwako barenyi kwapo, nao kunighemie angu kuchanibonyera malagho gha loli na gha hachi.

2 SAMUELI 2:5

ukaduma wandu kwa Wajabeshi-gileadi ukighamba, “BWANA umrasimie inyo, kwa kukaia mwakuwonyere mmbeni kukaia waloli kwa bwana onyu Sauli, mkamrika.

2 SAMUELI 2:6

Idana BWANA um'bonyere wughoma na lukundo lukatie, na nimoni nicham'bonyera nicha angu m'bonyere ilagho iji.

2 SAMUELI 9:1

Nao Daudi ukaghamba, “Ngera oko mndungi usigharikie wa kivalwa cha Sauli, nipate kum'bonyera mecha kwa wundu ghwa Jonathani?”

1 WAZURI 20:39

Hata iji mzuri orekoghe ukiida, uja mlodi ukamlilia mzuri ukighamba, “Ee mzuri, ini mdumiki wako nerekoghe ngilwa wudenyi, asikari umu ukaniredia mundu ukighamba, ‘Kumlindie umundu uselaghaye; ukalaghaya, kwadima kulaghasha irangi jako angu wulalo ghwaro kulipe vibelele va feza elfu idadu.’

MAKATANISHO 14:22

Welee, wandu wibonyagha mipango ya wuwiwi ndawadakosa? Ela awo wibonyagha mipango iboie wadapata kukundwa na kurumirilwa.

MAKATANISHO 18:24

Weko waghenyi wikubonyagha weni kukaia waghenyi, ela oko mghenyi wa kaavui uchumbie mruna mundu.

MATHAYO 5:7

Warasimilwa awa wiko na wughoma, angu awo wichafuilwa wughoma.

MABONYO GHA WADUMI 23:22

M'baa wa majeshi ukamzera uja mdawana, “Kuseghorie mndungi wei kwanimanyisha agha malagho.” Nao ukamsigha ughende.

JOSHUA 2:13

kughamba, mchamkira aba, mao, wanidu wa womi na wa waka na wose wikwanye; mpate kughivuvua marangi ghedu disefo.”

JOSHUA 2:15

Nao Rahabu ukawisera awo wandu kuidiria idirishenyi kwa kamba, angu nyumba yake erekoghe wurighenyi ghwa muzi.

JOSHUA 6:17

Muzi na icho chose chiko andenyi yaro vichafunywa kwa BWANA vipate kunonwa, ela Rahabu jija ilaya jiekeri chiaimweri na awo wiko nyumbenyi kwake wichasigwa wikaie moyo; angu orewivisireghe waja washeki derewidumieghe.

JOSHUA 6:22

Joshua ukawizera waja washeki wawi, “Ghendenyi kwa nyumba ya jija ilaya, mumrede uo muka aha chia imweri na wandu wake wose sa iji moremlaghirieghe.”

JOSHUA 6:25

Ela Joshua ukamkira Rahabu jija ilaya, ukaie moyo chiaimweri na ndee, na kichuku chake chose; nao ukakaia andenyi ya Israeli hata linu, angu orewivisireghe awo washeki weredumiloghe ni Joshua kughuzighana muzi ghwa Jeriko.

1 SAMUELI 20:8

Kwa huwo kunitesie kwa wughoma ghwako ini mdumiki wako, angu kwameria kunibonyera ini mdumiki wako ilaghano jielie. Ela ngera nakubonyere wuwiwi ghungi, kunibwaghe kumoni. Da eko hajaki ya kusindanighenja kwa ndeyo niendebwaghwa?”