JOSHUA 2:11 - Biblia Ilagho Jiboie Kwa Wandu Wose

¹¹ Diendasikira huwo ngolo redu rikangilwa ni kiture chenyu, hata mndungi ndecheesighwa na wuwana ghungi anduangi; angu BWANA Mlungu onyu nuo Mlungu aighu mlungunyi na ndoenyi wori.

JOSHUA 2:11 Iomraidhean Croise

1 WAZURI 8:60

eri wandu wose wa ndoenyi wipate kumanya kukaia ndeuko Mlungu ungi mzima ela BWANA.

2 WAZURI 5:15

Niko Naamani ukawuya kwa Elisha chiaimweri na wandu wake wose; ukacha na kukaia kimusi imbiri yake, ukaghamba, “Ola namanya angu ndeuko Mlungu ungi mzima wurumwengunyi kose, ela kwa Israeli; kwa huwo idana nakulomba kuwuse manosi kufuma kwapo ini mdumiki wako.”

NEHEMIA 6:16

Wamaiza wedu wa mbari ra wandu widimarie wiendasikira huwo, wikaobua na kufwa waya; angu werewonieghe worinyi kukaia kazi ihi edemerelwa kwa wutesia ghwa Mlungu odu.

ESTA 8:17

Andu kose itangazo ja mzuri jerevikieghe kula isanga na kula muzi werechuloghe ni kuboilwa na kuzuma, wikabonya karamu na kuhora. Hata wandu wengi wikakughalua kukaia Wayahudi, angu werewiobueghe loli-loli.

ZABURI 102:15

Mbari zima richamuobua BWANA; Wazuri wose wa ndoenyi wichaobua wudimi ghwake.

ZABURI 22:14

Ndighi rapo ranisia sa machi ghadilwa andonyi; maindi ghapo ghose ghawinika, na ngolo yapo yakaia sa sungu yasagha andenyi kwapo.

ZABURI 58:7

Ndewilaghae sa machi ghiidagha; ndewifasho-fasho sa nyasi na kuoma.

ZABURI 83:18

Kuwibonye wimanye kukaia ni oho kuekeri kuwangwagha BWANA; M'bonyi nguma m'baa ndoenyi kose.

KUFUMA 15:14

Wandu wasikire, nawo wiasughusika; kuwawa kwawingia awo wikaiagha Filistia.

KUFUMA 15:15

Idana wabaa wa Edomu wichangilwa ni kiture, vilongozi va Moabu vawadwa ni kusughusika. Awo wose wikaiagha Kanaani wateweleka.

ISAYA 13:7

Mikonu ya kula mundu ichateweleka, na ngolo ya kula mundu ichasagha machi;

ISAYA 19:1

Agha nigho malagho aighu ya Misri, ola BWANA uacha Misri naiseghe wajoka aighu iwingunyi. Milimu ya Misri ichasughusika imbiri kwake, na wandu wa Misri wichafwa ngolo.

EZEKIELI 21:15

Luchaawibonya wandu wengi kufwa ngolo, na kughwa mbengenyi rawo rose. Naredie lufu luakaa-aka, looka sa luhehia, luzughulo lobwagha wandu.

NAHUMU 2:10

Nineve yatoteshwa, yakimbilwa na kusighwa nduu; Wandu wafwa ngolo kwa wowa, vitemberu vawo viasughusika na ndighi rawo rasia, na mawushu ghaghaluka gha mshashu.

WUKUMBUSO 1:28

Dijoka cha hao? Wanidu wadibwagha ngolo wikighamba, awo wandu ni wabaa, sena ni walacha kudichumba, mizi nayo ni mibaa iko na ngome riaghilo na kuvika mawingunyi; sena dawiwonie Waanaki aho.’

WUKUMBUSO 20:8

“Sena wabaa wichawizera wandu, ‘Kawona mndungi uko aha wangilwa ni kiture na kufwa ngolo, ndewuye nyumbenyi kwake, usechebwagha wambao ngolo.’

WUKUMBUSO 4:39

Kwa huwo kumanye kufuma idime, sena kuwike ngolonyi kwako kukaia BWANA ni Mlungu koighu mlungunyi na ndoenyi nakosi hata ndekuwadie mlungu ungi mzima anduangi.

JOSHUA 14:8

Ela wandu wereghendanyeghe nani wereredieghe malagho ghebwagha wandu wedu ngolo, ela ini neremnughieghe BWANA Mlungu wapo kwa ngolo yapo yose.

JOSHUA 2:24

Wikamzera Joshua, “Loli BWANA wadinekie jija isanga jose mikonunyi kodu, sena waisanga waro wamerie kufwa ngolo kwa wundu ghodu.”

JOSHUA 5:1

Wazuri wose wa Waamori werekoghe cha magharibi kimonu cha Jordani, na wazuri wose wa Kanaani werekoghe kaavui na Bahari ya Mediterania, wiendasikira seji BWANA ughiomeshere machi gha Jordani kwa wundu ghwa wandu wa Israeli hata wikaruwuka, wikafwa ngolo; hata ndeweresigharikieghe na wuing'oni ghungi andenyi kwawo, kwa kuwiobua wandu wa Israeli.

JOSHUA 7:5

Wandu wa Ai wikawiwinga kufuma mbengenyi hata Shebarimu, na kuwibwagha wandu mirongo idadu na warandadu a mishoromotonyi. Niko Waisraeli wikafwa ngolo na kuobua.

JOSHUA 9:24

Nawo wikamtumbulia Joshua, “Ni kwa kukaia isi wadumiki wako dasikire angu Mlungu onyu kwa loli oremlaghirieghe mdumiki wake Musa kukaia uchamneka isanga iji jose, na angu waisanga wose mchawitotesha; niko isi dikaobua na ndighi hata dikabonya iji ilagho kukira marangi ghedu.

WUFUNUO 6:16

wikiwanga mighondi mibaa na magho kwa kughamba, “Dighuenyi mdifinikire disewono ni uo useagha kidombo aighu ya kifumbi cha nguma, na uo Mwana wa Ng'ondi uko na machu mabaa;