JOSHUA 13:8 - Biblia Ilagho Jiboie Kwa Wandu Wose

⁸ Kichuku cha Reubeni, Gadi, na nusu ya kichuku cha Manase wamerie kupata ifwa jawo ijo Musa mdumiki wa Mlungu orewinekieghe, chia ya mashariki ya Moda ghwa Jordani.

JOSHUA 13:8 Iomraidhean Croise

MITALO 32:19

Angu isi ndediendapata ifwa jingi nawo ija chia cha Jordani na noko kimonu anduangi; kwa kukaia dameria kupata ifwa jedu iichia cha mashariki ya Jordani.”

WUKUMBUSO 3:8

“Kwa huwo ngelo ija, dikawada isanga kufuma kwa waja wazuri wawi wa Waamori werekoghe Jordani nakimonu ii chia cha mashariki; kufuma vololo ya Arnoni hata Mghondi ghwa Hermoni.

JOSHUA 12:1

Awa niwo wazuri weresimiloghe ni wandu wa Israeli na kusokwa isanga jawo mashariki ya Jordani; kufuma Vololo ya Arnoni kujoka Vololo ya Jordani, hata cha kaskazinyi kuvikia Mghondi ghwa Hermoni.

JOSHUA 12:6

Awa wazuri wawi weresimiloghe ni Musa na wandu wa Israeli; na Musa mdumiki wa BWANA, ukaneka isanga jawo kichuku cha Reubeni, Gadi, na nusu ya kichuku cha Manase jikaie ifwa jawo.

JOSHUA 13:7

Idana kuviwaghie vija vichuku ikenda, na nusu ya kichuku cha Manase ijo isanga jikaie ifwa jawo.”

JOSHUA 13:9

Isanga jawo jerekoghe kufuma Aroeri iko mpakenyi ghwa Vololo ya Arnoni na muzi ghuko ghadi na ghadi ya iyo vololo, na wurindi ghose kufuma Medeba hata Diboni.

JOSHUA 22:4

Na idana BWANA Mlungu onyu wamerie kuwineka wanyinyu kuhora na sere sa iji koni orewilaghirieghe; kwa huwo ghalenyi cha mzinyi konyu, kwa ijo isanga andu ifwa jenyu jiko; ijo Musa mdumiki wa BWANA oremnekieghe kimonu cha Jordani.

JOSHUA 4:12

Wana wa Reubeni, na wa Gadi, na nusu ya kichuku cha Manase wikaruwuka wirwae maswagha imbiri ya wandu wa Israeli sa iji koni Musa orewilaghirieghe.

1 SAMUELI 13:7

Waisraeli wamu wikaruwuka Jordani cha isanga ja Gadi na Gileadi, ela Sauli orekoghe ukikaia Gilgali. Wandu wose wikamnugha wikisughusika.