JOSHUA 13:3 - Biblia Ilagho Jiboie Kwa Wandu Wose

³ chiaimweri na masanga gha Waavi noko cha kusinyi. (Isanga jifumagha kamoda ka Shihori, mpakenyi ghwa Misri kughenda noko cha kaskazinyi hata mpakenyi ghwa Ekroni jadatalwa kukaia ni ja Wakanaani. Awo wazuri wa Wafilisti werekoghe wikikaia mizi ya Gaza, Ashdodi, Ashkeloni, Gathi, na Ekroni;)

JOSHUA 13:3 Iomraidhean Croise

KUZOYA 10:6

Wana wa Hamu ni: Kushi, Misri, Puti, na Kanaani.

KUZOYA 15:18

Ituku ijo BWANA ukabonya ilaghano na Abramu ukighamba, “Kivalwa chako nachineka isanga iji, kufuma Moda ghwa Misri hata moda ghuja m'baa ghwa Eufrate,

1 WAZURI 8:65

Solomoni ukabonya Ndima ya Viwanda chiaimweri na wandu wa Israeli wose ahoeni Hekalunyi kwa matuku mfungade. Korekoghe na ikwanyiko ja wandu ibaa na ndighi kufuma Mbenge ya Hamathi cha kaskazinyi hata mwano ghwa Misri cha kusinyi.

1 MALAGHO GHA NGELO 13:5

Kwa huwo Daudi ukawikwanya wandu wose wa Israeli kufuma Shihori ya Misri, hata andu kongiria Hamathi, wipate kuireda Sanduku ya Ilaghano kufuma Kiriath-jearimu.

ISAYA 23:3

wikadamba kula baharinyi. Mapato ghenyu gherekoghe viro kufuma Shihori, agho makuwido gha Misri; morekoghe wabonyi biashara na iro mbari rose ra wandu.

JEREMIA 2:18

Idana kupata fwaidaki kwa wundu ghwa kughenda Misri, na kuaendanywa machi gha Moda gha Naili? Angu kupata fwaidaki kwa wundu ghwa kughenda Ashuru, kuendanywa machi gha Moda ghwa Eufrate?

WUKUMBUSO 2:23

Na Waavi werekoghe wikikaia mizi mitini-mitini hata kuvika Gaza; weretotesheroghe ni Wakirete wifumie Krete, na awo Wakirete wikakaia isangenyi weni.)

JOSHUA 13:13

Ela Waisraeli ndewerewiwingieghe Wageshuri na Wamaaka ela wikakaia aghadi ya Waisraeli hata linu.

WATANYI 16:5

Wazuri wasanu wa Wafilisti wikamchea uo mwai na kumzera, “Msesee-sesee uhu mundu kumanye ngera iri ndighi rake rawuyafuma hao, na ni kwa chiaki didimagha kumsima dipate kumfunga na kumkoronga; nesi dichakuneka kula umu odu vibelele va feza elfu imweri na ighana jimweri.”

WATANYI 3:3

Iro mbari reresigharikieghe isangenyi ni wabaa wasanu wa Wafilisti, Wakanaani wose, Wasidoni, na Wahivi awo werekoghe wikikaia mighondi ya Lebanoni, kufuma Mghondi ghwa Baal-herimoni, hata Mbenge ya Hamathi.

1 SAMUELI 5:1

Nyuma ya Wafilisti kuwada Sanduku ya Mlungu, wikaidwa kufuma Ebenezeri hata Ashdodi.

1 SAMUELI 5:10

Niko wikaighenja iyo Sanduku ya Mlungu Ekroni. Ela iji Sanduku ya Mlungu ereredeloghe Ekroni, wandu wa Ekroni wikakema wikighamba, “Wareda iyo Sanduku ya Mlungu wa Israeli wipate kudibwagha isi diwose.”

1 SAMUELI 5:8

Nao wikawidumia wabaa wose wa Wafilisti, wikakwana chiaimweri wikaghamba, “Dibonya wada na Sanduku ya Mlungu wa Israeli?” Wikatumbulia, “Iyo Sanduku ya Mlungu wa Israeli ndeighenjo Gathi.” Niko wikaireda iyo Sanduku ya Mlungu wa Israeli aho.

1 SAMUELI 6:4

Wikakotia, “Icho kizongona kwa wundu ghwa kaung'a dimuenjeragha ni chiao?” Wikatumbulia, “Fwana ra mbama isanu ra dhahabu, na fwana ra mbewa isanu ra dhahabu, kunughana na mtalo ghwa wabaa wa Wafilisti; kwa kukaia agho makabo ghedempata inyo chiaimweri na wabaa wenyu.