JOSHUA 11:16 - Biblia Ilagho Jiboie Kwa Wandu Wose

¹⁶ Kwa huwo Joshua ukawusa ijo isanga jose, isanga ja mighondinyi na ja kaskazinyi na kusinyi, isanga jose ja Gosheni na kireti charo cha kusinyi, na isanga ja mighondi ya Israeli, chiaimweri na Vololo ya Jordani.

JOSHUA 11:16 Iomraidhean Croise

ZABURI 105:44

Ukawineka isanga ja wandu wa mbari zima; wikawusa mavalo gha kazi ra awo wandu;

ZABURI 78:55

Oreriwingieghe mbari zima imbiri kwawo, ukawiwaghia na kuwineka ifwa; ukavibonya vichuku va Israeli vikaie andenyi ya mizi yawo.

EZEKIELI 17:23

Nichaghuwa aighu ya mghondi mlacha ghwa Israeli ghupate kubonya mbashu na kuva matunda. Ghuchawuya mudi ghwa sida ghwa ishima, na nyamandu ra mbari rose richakaia aisi ya kiju chake, na nyonyi ra mbeonyi wori ra kula kichuku richabonya vijungu aisi ya mbashu rake.

EZEKIELI 36:8

“Ela inyo ee mighondi ya Israeli, midi yenyu ichadungia na kubonya mbashu, nayo ichava matunda kwa wundu ghwa wandu wapo Israeli, angu kafwani koni wichaghala.

WUKUMBUSO 1:7

Funganyenyi mghende cha isanga ja mighondinyi ja Waamori, na wambao wose wiwimarie, hata vololo ya Jordani isanga ja mighondinyi, na ja wurindinyi, noko cha masanga gha kusinyi hata kireti cha Mediterania. Ghendenyi cha isanga ja Kanaani hata Mighondi ya Lebanoni hata kuvikia ghuja moda m'baa ghwa Eufrate.

JOSHUA 10:40

Joshua ukakaba isanga jose na kusima. Ukawisima wazuri wa masanga gha mighondinyi, wurindi ghuko chia ya mashariki, na mighondi mitini chia ya magharibi, chiaimweri na masanga gha kireti chia ya kusinyi. Nderesighieghe mndungi ela ukabwagha kula mundu. Huwo niko koni BWANA Mlungu wa Israeli orelaghirieghe.

JOSHUA 10:41

Joshua ukawisima kufuma Kadesh-barnea hata Gaza na masanga ghose gha Gosheni hata Gibeoni,

JOSHUA 11:15

Sa iji koni BWANA oremlaghirieghe mdumiki wake Musa, niko koni Musa oremlaghirieghe Joshua. Na Joshua ukasikira na kubonya ghose sa iji koni BWANA oremlaghirieghe Musa.

JOSHUA 11:2

na kwa wazuri wa masanga gha mighondinyi cha kaskazinyi, andenyi Vololonyi ya Jordani, na kusinyi ya Ndiwa ya Galilaya mighondinyi mitini cha Nafoth-dori.

JOSHUA 11:21

Ngelo iyo Joshua ukaghenda na kuwitotesha Waanaki awo werekoghe wikikaia masanga gha mighondinyi gha Hebroni, Debiri, Anabu, na masanga ghose gha mighondinyi gha Juda na Israeli. Wandu wose wa agho masanga ukawitotesha putu chiaimweri na mizi yawo.

JOSHUA 12:8

Isanga jerewaghiloghe ni ja mighondinyi, na nyika ya mighondi ya magharibi, na vololo ya Jordani na nyika yaro, na mishoromoto yaro iko cha mashariki, na isanga jaro jiomie ja kusinyi. Isanga ijo jerekoghe ja Wahiti, na Waamori, na Wakanaani, na Waperizi, na Wahivi, na Wajebusi.

JOSHUA 9:1

Wazuri wose wikaiagha kimonu cha Jordani wiendasikira malagho gha wusimi ghwa Waisraeli, awo wose wikaiagha mighondinyi, na wurindi ghose ghwa pwani ya Bahari ya Mediterania kulangaya cha Lebanoni, awo Wahiti, Waamori, Wakanaani, Waperizi, Wahivi, na Wajebusi,