JOSHUA 10:13 - Biblia Ilagho Jiboie Kwa Wandu Wose

¹³ Iruwa jikamanga na mori ghukamanga hata Waisraeli wikawisima wamaiza wawo. Malagho agho ghaandikilo andenyi ya chuo cha Jashari. Iruwa jikamanga ghadi na ghadi aighu mawingunyi, najo ndejereneng'enereghe sa kwa ituku ilazi.

JOSHUA 10:13 Iomraidhean Croise

2 SAMUELI 1:18

ukalaghira lufundisho wandu wa Juda, nalo lwaandikilo andenyi ya chuo cha Jashari. Ukabora huwu:

2 WAZURI 20:10

Hezekia ukatumbulia, “Kwaangue kirerendi kughenda imbiri milambo ikumi kuchumba kuwuya nanyuma milambo ikumi.”

ESTA 8:13

Kopi ra itangazo ijo rifunyo sa sharia kwa kula isanga, na kula mundu umanyisho, eri Wayahudi wikuwike tayari kulipia kisasi kwa wamaiza wawo ngelo iyo ikavika.

AYUBU 9:7

Wadalaghira iruwa jisebuke, na kughiria nyerinyeri risefunye miengere.

ZABURI 148:3

Mkasenyi inyo iruwa na mori; mkasenyi inyo mmbose nyerinyeri mng'alaa-ng'ala.

ZABURI 19:4

Ela sena malagho gharo ghaera ndoenyi kose, hata kutua kwa wurumwengu. Andenyi yaro, Mlungu wajiwikie iruwa;

ISAYA 24:23

Na aho mori ghuchawuya kira, na iruwa ndejichaafunya miengere yaro anduangi; kwa kukaia BWANA wa majeshi uchabonya nguma aighu ya Mghondi ghwa Sioni na andenyi ya Jerusalemu; nao uchafunukua wubaa ghwake imbiri ya wabaa waro.

ISAYA 38:8

Nichawunja kirerendi cha ngazi ereaghiloghe ni Ahazi milambo ikumi.” Niko iruwa jikawuya nyuma milambo ikumi.

JOELI 2:10

Ndoe yaawuyasughusika imbiri kwawo; mawingunyi kwaawuyazingizika. Iruwa na mori vawuya kira, na nyerinyeri raleka kung'ala-ng'ala.

JOELI 2:31

Iruwa jichasera kira, na mori ghuchawuya ghwa ngundu sa bagha, imbiri ijo ituku ibaa ja BWANA jeobosha jisechee.

JOELI 3:15

Iruwa na mori vasera kira, na nyerinyeri raleka kung'ala-ng'ala.

HABAKUKI 3:11

Iruwa na mori vikamanga andu kwaro, kwa kuwona kung'ala-ng'ala kwa mawanu ghako ghakumbwa, na uko kung'ala-ng'ala kwa ifumu jako.

MITALO 21:14

Kwa wundu ugho niko ikaghorwa andenyi ya Chuo cha Wuda ghwa BWANA huwu: “Mizi ya Wahebu iko Sufa na vololo ra Moda ghwa Arnoni,

MITALO 31:2

“Kaba Wamidiani, kupate kulipia kisasi cha wandu wa Israeli; konyuma, kuchafwa na kutumbanywa andwamweri na wakenyu wiidie.”

MATHAYO 24:29

“Nyuma ya wasi ghwa matuku ghaja, iruwa jichawuya kira, na mori ndeghuchaafunya miengere yaro anduangi; nyerinyeri richakaia rikipotoka kufuma mlungunyi, nandighi ra mlungunyi richasukwa-sukwa.

MATHAYO 5:45

eri mpate kukaia wana wa Ndeyo onyu uko mlungunyi. Angu uo wadawilangalishira mwengere ghwa iruwa awo wiko wecha na wawiwi, na kuwinyeshera vua wahachi na wakaung'a wori.

LUKA 18:7

Welee, na Mlungu nao ndechaawitanyira hachi wasaghulwa wake wimliliagha kio na dime anguwada? Loli uchamuka kuwitesia?

MABONYO GHA WADUMI 2:20

Iruwa jichawuya kira, na mori ghuchawuya ghwa ngundu sa bagha imbiri Ituku ja Bwana jisechee, ijo ituku ibaa jimanyikie.

JOSHUA 10:11

Na iji werekoghe wikiwikimbia Waisraeli, wikisea mshoromoto ghwa Beth-horoni, BWANA ukawinyeshera vua ya magho mabaa chienyi kufuma mlungunyi hata kuvikia Azeka; nawo wikafwa. Awo werebwaghiloghe ni vua ya magho, werekoghe wengi kuchumba awo werebwaghiloghe kwa lufu ni Waisraeli.

JOSHUA 10:14

Jingi ndeiwonekie huwo, hata sena ndeicheewoneka ituku sa ijo, BWANA oresikireghe lwaka lwa mdamu. Kwa loli BWANA orekoghe ukiwiluya Waisraeli.

WUFUNUO 21:23

Na ugho muzi ndeghukunde mwengere ghwa iruwa hata ghwa mori, angu ugho wubaa ghwa Mlungu nigho mwengere ghwaro; na taa yaro ni uo Mwana wa Ng'ondi.

WUFUNUO 6:10

nawo wikakema kwa lwaka lubaa wikighamba, “Ee Bwana kuwadie nguma, mweli na mloli, ni lii kuchaatanya na kudiluya lugho bagha yedu kwa wandu wiko ndoenyi?”

WUFUNUO 6:12

Hata iji uo Mwana wa Ng'ondi oreghufungueghe ugho muhuri ghwa karandadu, nerezighanireghe, nao ola korekoghe na msughusiko m'baa ghwa ndoe; iruwa jikawuya ja chilu sa nguwo ya igunia, na mori ghukawuya ghwa ngundu sa bagha,

WUFUNUO 8:12

Uo malaika wa kana ukaikaba tarumbeta yake, ifungu ja kadadu ja iruwa, na ja mori, na ja nyerinyeri jikakabwa, hata ifungu ja kadadu ja miengere yaro jikawuya kira; na ifungu ja kadadu ja dime hata ja kio ndejeredimieghe kufunya miengere yaro anduangi.

WATANYI 16:28

Niko Samsoni ukammbanga BWANA ukaghamba, “Ee BWANA Mlungu, kunikumbuke; nakulomba kunichure ndighi iji indo jimweri tu; nakulomba ee Mlungu, nipate kulipa kisasi kwa awa Wafilisti, kwa wundu ghwa meso ghapo awi.”

WATANYI 5:2

“BWANA ndekaso! Kwa kukaia vilongozi werewadieghe wulongozi, na wandu wikakufunya weni kwa ngolo andenyi ya Israeli.